Mose II, 3:20 - BAIBLO ALOO NGMAMI KLƆUKLƆU Ɔ

²⁰ Lɔ ɔ he ɔ, ma ngɔ ye nyakpɛ níhi tsuo nɛ ma pee ngɛ a kpɛti ɔ kɛ fia mɛ ní kɛ tsɔɔ mɛ ye nine si wami. Enɛ ɔ se ɔ, e maa ngmɛɛ nyɛ he.

Mose II, 3:20 ပူးပေါင်းရင်းမြစ်များ

Ni Tsumi 7:36

Lɛ nɛ e nyɛɛ a hɛ mi kɛ je Egipt, nɛ e pee nyakpɛ níhi, kɛ okadihi ngɛ lejɛ ɔ, kɛ Wo Tsu ɔ mi, kɛ nga a nɔ jeha nyingmi eywiɛ.

Nehemia 9:10

O pee okadihi, kɛ nyakpɛ níhi ngɛ Farao ɔ, kɛ e ma ní tsuli ɔmɛ, kɛ e ma a tsuo a hɛ mi, ejakaa o le bɔ nɛ a wa o ma a yi mi. O he biɛ kɛ je jamɛ a be ɔ mi tɔɔ kɛ ba su mwɔnɛ ɔ.

Mose V, 6:22

Yawɛ ha okadihi, kɛ nyakpɛ ní nguanguahi nɛ ngɛ gbeye ba Egipt bi ɔmɛ, kɛ a matsɛ ɔ, kɛ e we ɔ tsuo nɔ ngɛ wɔ tsuo wa hɛ mi.

Mose II, 9:15

Jinɛ be nɛ ɔ mi ɔ, i kɛ gbenɔ hiɔ sa o kɛ o ma a he momo; nɛ jinɛ a je mo kɛ je je ɔ mi momo.

Mose II, 6:6

Lɔ ɔ he ɔ, yaa nɛ o ya de Israel bi ɔmɛ ke, ‘Imi ji Yawɛ; ma je Egipt bi ɔmɛ a tlomi ɔmɛ kɛ je nyɛ nɔ, nɛ ma kpɔ nyɛ kɛ je a nyɔguɛ yemi ɔ sisi. Ma kpã ye nine mi kɛ he wami, nɛ ma ye dami sane ha nyɛ, nɛ ma kɛ kpɔ nyɛ.

La 105:27

Mawu ha nɛ a pee okadihi, kɛ nyakpɛ níhi ngɛ Egipt zugba a nɔ.

Mose II, 12:39

Nɛ a ngɔ ma a nɛ a kɛ je Egipt ɔ kɛ sã abolo kplolo. A na we be nɛ a kɛ gbe ma a; niye ní hu a hoo we, ejakaa pe a fie mɛ kpatakpata kɛ je Egipt.

Ezekiel 20:33

“Imi Nyɔmtsɛ Yawɛ, i ngɛ ye he kita kae ke i ngɛ nyɛ si woe kaa ma ngɔ abofu, kɛ nine si wami tsuo kɛ ye nyɛ nɔ.

Yesaya 26:11

Yawɛ, o to kaa o maa gbla he nyɛli ɔmɛ a tue, se a li tete. Ha nɛ zo nɛ gbe mɛ, nɛ a na nɔ́. Gbla a tue kaa bɔ nɛ o to ha mɛ ɔ. Ha nɛ a na kaa o suɔ o ma a sane saminya.

Yesaya 19:22

Yawɛ maa fiaa Egipt bi ɔmɛ ní, se lɛ nɔuu ji nɔ nɛ ma tsa mɛ. A maa kpale kɛ ba e ngɔ; e maa bu a kue fami ɔmɛ tue, nɛ e ma tsa mɛ.

La 106:22

Hyɛ nyakpɛ níhi nɛ e tsu ngɛ lejɛ ɔ! Hyɛ ní nguanguahi nɛ e pee ngɛ Wo Tsu ɔ nya!

La 105:38

Benɛ Israel bi ɔmɛ je ɔ, Egipt bi ɔmɛ na bua jɔmi wawɛɛ nitsɛ; ejakaa a ye Israel bi ɔmɛ gbeye.

Manyadali 8:16

Nɛ́ e de ja kɛkɛ nɛ e nuu Sukot ma nimeli ɔmɛ, nɛ e kɛ mio tso, kɛ ha tso ngmlã a he womi nɔ ha mɛ.

Manyadali 6:8

Yawɛ tsɔ gbalɔ ko kɛ ba a ngɔ, nɛ e ba de mɛ ke, “Bɔ nɛ Yawɛ, Israel Mawu ɔ de ji nɛ ɔ nɛ: Imi lɛ i kpaka nyɛ kɛ je nyɔguɛ yemi mi ngɛ Egipt kɛ ba hiɛmɛ nɛ ɔ nɛ.

Mose V, 4:34

Anɛ mawu ko ka hyɛ kaa e ma ya je je ma ko kɛ je je ma kpa ko mi kɛ pee lɛ nitsɛ e ma, kaa bɔ nɛ Yawɛ, nyɛ Mawu ɔ pee ha nyɛ ngɛ Egipt ɔ lo? Nyɛ nitsɛmɛ nyɛ na kɛ nyɛ hɛngmɛ, bɔ nɛ e je e he wami, kɛ e nyɛmi kpetekpleenyɛ ɔ kpo; e kɛ gbenɔ hiɔhi, kɛ ta ba; e pee okadihi, kɛ nyakpɛ níhi; nɛ e ha gbeye ní nguanguahi ba.

Mose II, 11:1

Yawɛ de Mose ke, “E piɛ haomi kake nɛ i kɛ maa ba Farao ɔ kɛ Egipt nɔ, nɛ lɔ ɔ se ɔ, e ma ha nɛ nyɛɛ je. Ke be ɔ su nɛ e ma ha nɛ nyɛɛ ho ɔ, pe e maa fie nyɛ, nɛ e maa bɛɛ nyɛ kaa a bɛɛɔ dwɔmi.

Mose II, 6:1

Kɛkɛ nɛ Yawɛ de Mose ke, “Kpaako loko o maa na nɔ́ nɛ ma pee Farao ɔ, ejakaa lɛ nitsɛ e kɛ e he wami maa fie Israel bi ɔmɛ kɛ maa je e zugba a nɔ.”

Mose I, 15:14

Se jamɛ a je ma a nɛ maa wa mɛ yi mi ɔ, ma gbla a tue. Nyagbe ɔ, a maa muɔ jamɛ a zugba a nɔ ní babauu kɛ je.

Mose II, 4:21

Yawɛ de Mose ke, “Ke o kpale kɛ ya Egipt ɔ, nyakpɛ níhi tsuo kulaa nɛ i ngɔ kɛ wo o dɛ ɔ, hyɛ nɛ o pee lɛ tsuo ngɛ Farao ɔ hɛ mi; se imi lɛɛ ma kplii Farao ɔ tsui, nɛ e be hae nɛ Israel bi ɔmɛ nɛ je.

Mose II, 13:3

Mose de ma a ke, “Nyɛ kai kikɛmɛ a ligbi nɛ ɔ nɛ nyɛ hia kɛ je Egipt, kɛ je nyɔguɛ yemi sisi ɔ. Ligbi nɛ ɔ nɛ Yawɛ kɛ he wami kpetekpleenyɛ je nyɛ kɛ je lejɛ ɔ nɛ. Nyɛ ko ye masa ní ngɛ ligbi nɛ ɔ nɔ.

Mose II, 13:9

Nɛ enɛ ɔ maa pee kaa okadi ngɛ nyɛ nine he, kɛ nyɛ hɛ nya, konɛ Yawɛ mlaa a nɛ hi nyɛ nya daa; ejakaa he wami kpetekpleenyɛ nɛ Yawɛ kɛ je nyɛ kɛ je Egipt.

Mose II, 15:6

“Yawɛ, o hiɔ nine he wami ɔ ngɛ gbeye; o hiɔ nine ɔ tsɔtslɔɔ he nyɛli ɔmɛ a mi.

Mose II, 15:11

“Yawɛ lee, mɛnɔ ngɛ kaa mo? Mɛnɔ ngɛ kaa mo ngɛ mawu ɔmɛ a kpɛti? O je agbo; o he ngɛ gbeye; mo, mo nyakpɛ ní peelɔ.

Mika 7:15

Yawɛ, moo pee nyakpɛ níhi ha wɔ, kaa bɔ nɛ o pee be ko benɛ o je wɔ kɛ je Egipt ɔ.