Mose II, 3:2 - BAIBLO ALOO NGMAMI KLƆUKLƆU Ɔ

² Benɛ e ba lejɛ ɔ, Yawɛ bɔfo ko ba je e he kpo tsɔɔ lɛ kaa la lilɛ nɛ ngɛ tsoe ngɛ mio tso ko mi. Benɛ e ke e hyɛɛ ɔ, e na kaa mio tso ɔ ngɛ tsoe, se e sɛ̃.

Mose II, 3:2 ပူးပေါင်းရင်းမြစ်များ

Mose I, 21:17

Mawu nu nɛ jokuɛ nyumuyo ɔ ngɛ ya foe, nɛ Mawu bɔfo ɔ kɛ Hagar tu munyu kɛ je hiɔwe, nɛ e de ke, “Hagar, mɛni sane? Koo ye gbeye. Mawu nu nɛ jokuɛyo ɔ ngɛ ya foe ngɛ he nɛ e hwɔɔ si ngɛ ɔ.

Mose I, 22:11

Se Yawɛ bɔfo ɔ tsɛ lɛ kɛ je hiɔwe ke, “Abraham! Abraham!” Abraham he nɔ ke, “Ne mi.”

Mose I, 48:16

Mawu bɔfo ɔ nɛ hyɛ ye nɔ, nɛ je mi kɛ je haomihi tsuo a mi ɔ, e gbaa nyumuwi nɛ ɔmɛ! Nyumuwi nɛ ɔmɛ nɛ a wo imi, kɛ nɛnɛ Abraham, kɛ tsaatsɛ Isak wa biɛ ɔmɛ a hɛ mi nyami daa! A fɔ, nɛ a he nɛ hiɛ babauu ngɛ zugba a nɔ!”

La 66:12

O ha wa he nyɛli ye wa nɔ; wa gu la mi, nɛ wa gu nyu mi hulɔ, se o je wɔ slɔkee kɛ ba he nɛ kplɔkɔtɔ ngɛ.

Mose II, 19:18

Sinai yo ɔ tsuo hyi kɛ la su ku; ejakaa Yawɛ kple si kɛ ba yo ɔ nɔ ngɛ la mi. La su ku ɔ ngɛ si tee kɛ ngɛ hiɔwe yae kaa buɛsa he la su ku, nɛ yo ɔ tsuo mimiɛ wawɛɛ nitsɛ.

Mose II, 23:20

“Hyɛ, i ngɛ bɔfo ko tsɔe kɛ nyɛɛ o hɛ mi, nɛ e bu o he ngɛ blɔ ɔ nɔ hluu kɛ yaa si he nɛ i dla ngɔ to mo ɔ.

Mose II, 3:16

Yaa nɛ o ya bua Israel ma nimeli ɔmɛ a nya, nɛ o de mɛ ke, Yawɛ, Mawu ɔ nɛ nyɛ nɛmɛ Abraham, Isak, kɛ Yakob ja lɛ ɔ je e he kpo tsɔɔ mi, nɛ e de mi ke, ‘I na nɔ́ nɛ a ngɛ nyɛ pee ngɛ Egipt ɔ,

Yesaya 43:2

Ke o haomi ɔmɛ pee kaa pa nɛ o ngɛ poe po, ma piɛ o he; o haomi ɔmɛ be nyɛe maa ye o nɔ. Ke o nyɛɛ la mi po, la a be mo sãe. Haomihi tsuo nɛ maa ba o nɔ ɔ, o maa ye a nɔ.

Yesaya 63:9

kɛ je a haomi tsuo kulaa mi. Pi bɔfo ko nɛ e tsɔ, se lɛ nitsɛ lɛ e he a yi wami. E suɔmi, kɛ e mɔbɔ nami he je ɔ, e kpɔ mɛ, nɛ e hɛɛ mɛ saminya ngɛ blema be ɔmɛ tsuo a mi.

Daniel 3:27

Matsɛ ɔ, amlaalo ɔmɛ, ganɔ ɔmɛ, wɛtsoyi ɔmɛ, kɛ ga woli ɔmɛ tsuo ba bua a he nya, konɛ a ba hyɛ ni etɛ nɛ ɔmɛ nɛ la a pee we mɛ nɔ́ ko ɔ. A na kaa a yi bwɔmi ngla we, a tade ɔmɛ sɛ̃ ngɛ a he, nɛ la su ku po ji fu ngɛ a he.

Zakaria 13:7

Yawɛ Tabohiatsɛ ɔ ke, “Klaate, tee si ngɔ wo ye huɛ to hyɛlɔ nɛ ngɛ ní tsue ha mi ɔ! Moo fia lɛ nɔ konɛ to ɔmɛ nɛ a gbɛ fĩa. I kɛ tsɔwitsɔwi nɛ ɔmɛ maa to ní.

Malaki 3:1

Yawɛ Tabohiatsɛ ɔ ke, “Ma tsɔ ye tsɔlɔ ɔ, nɛ e ma ya dla blɔ ngɔ to mi. Lɔ ɔ se ɔ, Nyɔmtsɛ ɔ nɛ nyɛ ngɛ blɔ hyɛe ɔ maa ba e we ɔ tlukaa. Tsɔlɔ ɔ nɛ nyɛ hla kaa nyɛ maa na a maa ba, nɛ e ma ba fiɛ ye somi ɔ.”

Marko 12:26

Se kaa ni gbogboehi maa te si ekohu ɔ, anɛ nyɛ kane we mio tso ɔ he sane ɔ ngɛ Mose womi ɔ mi? Lejɛ ɔ nɛ a ngma ngɛ ke Mose ke, ‘Imi ji Abraham, Isak, kɛ Yakob a Mawu ɔ nɛ.’

Luka 20:37

Mose nitsɛ tsɔɔ kaa a ma tle ni gbogboehi si kɛ ba wami mi ekohu. Ngmami ɔ mi he nɛ a tu hue kpɔ ɔ nɛ ngɛ tsoe ɔ he munyu ngɛ ɔ, Mose wo Nyɔmtsɛ ɔ biɛ ta ngɛ lejɛ ɔ ke, ‘Abraham, Isak, kɛ Yakob a Mawu.’

Yohane 1:14

Munyu ɔ ba plɛ adesa, nɛ e kɛ wɔ hi si. Dloomi kɛ anɔkuale hyi lɛ babauu. Wa na lɛ, nɛ a wo e hɛ mi nyami kaa lɛ pɛ ji Tsɛ ɔ Bi.

Romabi 8:3

Yayami nɛ adesa peeɔ ɔ, Mawu sume kulaa, se nɔmlɔ adesa gbɔjɔmi ɔ he je ɔ, mlaa a nyɛ we nɛ e pee he nɔ ko. Enɛ ɔ he ɔ, Mawu tsɔ lɛ nitsɛ e Bi ɔ kɛ ba ngɛ he lo su nɛ haa nɔ peeɔ yayami ɔ mi, konɛ e ba je wɔ kɛ je yayami dɛ mi.

Mose V, 33:16

A na ní kpakpahi ngɛ a zugba a nɔ. Yawɛ nɛ gbaa ní ɔmɛ a nɔ. Lɛ nɔ nɛ e tu munyu kɛ je mio tso nɛ ngɛ tsoe mi ɔ, é gbaa Yosef wɛtso ɔ kɛ ní nɛ ɔmɛ tsuo. Ejakaa lɛ ji e nyɛmimɛ ɔmɛ a hɛngmɛ.

Mose V, 4:20

Se nyɛɛ lɛɛ, Yawɛ kpɔ̃ nyɛ kɛ je Egipt yi mi wami wawɛɛ ɔ sisi. E je nyɛ konɛ e pee nyɛ lɛ nitsɛ e ma kulaa, kaa bɔ nɛ nyɛ ji mwɔnɛ nɛ ɔ.

2 Tesalonikabi 1:7

Nɛ nyɛ ni nɛmɛ nɛ nyɛ ngɛ nɔ́ nae ɔ, e ma ha waa kɛ nyɛ tsuo he jɔmi. E maa pee enɛ ɔ, be mi nɛ Nyɔmtsɛ Yesu maa hia kpo kɛ je hiɔwe kɛ e bɔfo katsɛmɛ ɔmɛ,

Manyadali 13:13

Yawɛ bɔfo ɔ de Manoa ke, “O yo ɔ hɛ nɛ hi nɔ́ tsuaa nɔ́ nɛ i de lɛ ɔ nɔ.