Mose II, 3:18 - BAIBLO ALOO NGMAMI KLƆUKLƆU Ɔ

¹⁸ “A maa bu o gbi tue; nɛ o kɛ Israel ma nimeli ɔmɛ maa ya Egipt matsɛ ɔ ngɔ, nɛ nyɛ ma ya de lɛ ke, ‘Yawɛ, Hebri bi ɔmɛ a Mawu ɔ kɛ wɔ ba kpe; lɔ ɔ he ɔ, wa kpa mo pɛɛ, ha wɔ blɔ nɛ waa nyɛɛ ligbi etɛ blɔ kɛ ya nga a nɔ nɛ wa ya sã bɔ ha Yawɛ, wa Mawu ɔ ngɛ lejɛ ɔ.’

Mose II, 3:18 ပူးပေါင်းရင်းမြစ်များ

Mose II, 9:1

Yawɛ de Mose ke, “Yaa Farao ɔ ngɔ nɛ o ya de lɛ ke bɔ nɛ Yawɛ, Hebri bi ɔmɛ a Mawu ɔ de ji nɛ ɔ nɛ: ‘Ha ye ma a nɛ ho nɛ a ya ja mi.

Mose II, 7:16

nɛ o de lɛ ke, ‘Yawɛ, Hebri bi ɔmɛ a Mawu ɔ tsɔ mi o ngɔ ke ma ba de mo ke o ha ye ma a nɛ ho nɛ a ya ja mi ngɛ nga a nɔ, nɛ kɛ ba si amlɔ nɛ ɔ, o bui tue.’

Mose II, 10:3

Mose kɛ Aaron ho Farao ɔ ngɔ ya, nɛ a ya de lɛ ke, “Bɔ nɛ Yawɛ, Hebri bi ɔmɛ a Mawu ɔ de ji nɛ ɔ nɛ: ‘Mɛni be o ma kua o he si bami ha mi kɛ yaa si? Ha ye ma a nɛ ya nɛ a ya ja mi.

Mose II, 9:13

Kɛkɛ nɛ Yawɛ de Mose ke, “Hwɔɔ mɔtu mla a, yaa Farao ɔ ngɔ nɛ o ya de lɛ ke bɔ nɛ Yawɛ, Hebri bi ɔmɛ a Mawu ɔ de ji nɛ ɔ nɛ: ‘Ha ye ma a nɛ ho konɛ a ya ja mi.

La 110:3

Ligbi ɔ nɛ o maa hia ta kɛ wo o he nyɛli ɔmɛ ɔ, o ma mi bi ɔmɛ maa ngɔ a he kɛ ha ngɛ mɛ nitsɛmɛ a suɔmi nya. Nihewi babauu ma ba pue si ngɛ yo klɔuklɔu ɔmɛ a nɔ kaa makɛ bɔ́.

Kronika II, 30:12

Yuda hu, Mawu ngɛ ní tsue ngɛ lejɛ ɔ; Mawu ha nɛ Yuda ma kpekpemi ɔ tsuo a nya sɔ. A to a yi mi kaa a maa bu Yawɛ tue; nɛ nɔ́ nɛ matsɛ ɔ, kɛ ganɔ ɔmɛ fa mɛ ke a pee ɔ, a maa pee.

Yoshua 1:17

Bɔ nɛ wa bu Mose tue ngɛ nɔ́ tsuaa nɔ́ mi ɔ, jã kɛ̃ wa maa bu mo hu tue. Yawɛ, o Mawu ɔ kɛ mo nɛ hi si kaa bɔ nɛ e kɛ Mose hi si ɔ.

Mose IV, 17:4

Muɔ tso ɔmɛ ya pue somi daka a hɛ mi ngɛ kpe he bo tsu ɔ mi he nɛ i kɛ mo kpee ngɛ ɔ.

Mose II, 30:6

Ngɔɔ bɔ sami la tɛ nɛ ɔ kɛ ma tsu mi pomi bo ɔ se ngɛ daka a nɛ somi womi ɔ ngɛ mi ɔ hɛ mi. Lejɛ ɔ ji he nɛ i kɛ nyɛ maa kpe ngɛ.

Mose II, 25:22

Lejɛ ɔ ji he nɛ i kɛ mo maa kpe ngɛ; nɛ mlaahi tsuo nɛ ma wo Israel ma a kɛ gu o nɔ ɔ, ma da kerub enyɔ ɔmɛ a kpɛ kɛ de mo.

Mose II, 19:1

Nɛ Israel bi ɔmɛ je Egipt ɔ se nyɔhiɔ etɛne ɔ kekleekle ligbi ɔ, a je Refidim kɛ ho Sinai nga a nɔ ya, nɛ a ya to si ngɛ Sinai yo ɔ sisi.

Mose II, 4:31

Ma a he ye. Benɛ a nu kaa Yawɛ ba na Israel bi ɔmɛ a nɔ́ nami ɔ, nɛ e ma nɛ e ba pee he nɔ́ ko ha mɛ ɔ, a kpla si nɛ a ja Mawu.

Mose II, 4:24

Benɛ Mose yaa a, Yawɛ ya je e he si ha lɛ ngɛ nibwɔhi a to he ko, nɛ e piɛ nguɛ nya nɛ e tane e yi.

Mose II, 3:16

Yaa nɛ o ya bua Israel ma nimeli ɔmɛ a nya, nɛ o de mɛ ke, Yawɛ, Mawu ɔ nɛ nyɛ nɛmɛ Abraham, Isak, kɛ Yakob ja lɛ ɔ je e he kpo tsɔɔ mi, nɛ e de mi ke, ‘I na nɔ́ nɛ a ngɛ nyɛ pee ngɛ Egipt ɔ,

Mose II, 3:12

Mawu ha lɛ heto ke, “Ma piɛ o he. Ke o ya jé ma a kɛ je Egipt kɛ ba a, nyɛ ma ba ja mi ngɛ yo nɛ ɔ nɔ. Jamɛ a be ɔ loko o maa le niinɛ kaa imi nɛ i tsɔ mo.”

Mose I, 48:3

Yakob de Yosef ke, “Mawu Ope ɔ je e he kpo ngɔ tsɔɔ mi ngɛ Luz, ngɛ Kanaan zugba a nɔ, nɛ e gbaa mi.

Mose I, 17:1

Benɛ Abram ye jeha nyingmi nɛɛ kɛ nɛɛ ɔ, Yawɛ je e he kpo ngɔ tsɔɔ lɛ, nɛ e de lɛ ke, “Imi ji Mawu Ope ɔ nɛ. Moo bu mi, nɛ o pee nɔ́ nɛ da daa.

Mose I, 15:1

Enɛ ɔ se ɔ, Yawɛ kɛ Abram tu munyu ngɛ nina mi ke, “Abram, koo ye gbeye. Ma bu o he, nɛ ma gbaa mo babauu.”

Mose I, 12:1

Yawɛ de Abram ke, “Jee o zugba a nɔ, kɛ o ma a mi, kɛ o weku li a ngɔ kɛ ya zugba nɛ ma tsɔɔ mo ɔ nɔ.

Yeremia 26:5

I de nyɛ ke ye tsɔli gbali ɔmɛ nɛ i tsɔɔ kɛ baa nyɛ ngɔ be tsuaa be ɔ, nyɛɛ bu a munyu ɔmɛ tue. Se nyɛ bui mɛ tue fɛɛ.

Yeremia 2:6

A bi we ke, ‘Jije Yawɛ ngɛ?’ Pohu, imi lɛ i je mɛ kɛ je Egipt zugba a nɔ; imi lɛ i kpaka mɛ kɛ gu nga kplanaa a nɔ, zugba kɛ e mi muɔhi kɛ e mi diblii kpii, zugba nɛ nyu be nɔ, nɛ nɔmlɔ adesa ko be nɔ, nɛ nɔ ko hu gui nɔ.

Yeremia 2:2

ma fiɛ ha nɔ tsuaa nɔ ngɛ Yerusalem ke, “I kai kaa be nɛ nyɛ ngɛ nihe mi ɔ, nyɛ ye mi anɔkuale, nɛ nyɛ je nyɛ suɔmi kpo kɛ tsɔɔ mi kaa bɔ nɛ ayɛflo suɔ e huno ɔ; nyɛ nyɛɛ ye se kɛ ya gu nga kplanaa nɔ ngɛ zugba nɛ a du we ní ngɛ nɔ ɔ nɔ.

Yesaya 64:5

Nihi nɛ kɛ bua jɔmi peeɔ o suɔmi nya ní, nɛ blɔ nɛ o to ha mɛ ɔ, a ji nɔ ɔ, mo hu o naa a he bua jɔmi. Wa pee yayami, nɛ o mi mi fu wɔ. Kɛ je blema lokoo ɔ, yayami sɔuu wa ngɛ pee. Anɛ hɛ kɛ nɔ fɔmi ko pa ngɛ ha wɔ kaa a ma he wa yi wami lo?

Mose II, 30:36

Moo wɛɛ eko nɛ e pee bukɔbukɔ kaa mamu, nɛ o ngɔ eko kɛ ya ma daka a nɛ somi womi ɔ ngɛ mi ɔ hɛ mi ngɛ kpe he bo tsu ɔ mi he nɛ i kɛ nyɛ maa kpe ngɛ ɔ. Nyɛɛ hɛɛ tsopa kɛ e he via nɛ ɔ kaa nɔ́ ko klɔuklɔu nitsɛnitsɛ.

Mose I, 14:13

Se nyumu ko nɛ tu fo kɛ je ta a mi ba bɔ Abram, Hebri no ɔ amaniɛ ngɛ e sihi he ɔ, ngɛ Amor no ɔ nɛ a tsɛɛ lɛ Mamre ɔ e tso ngua amɛ a kasa nya. Mamre kɛ e nyɛminyumuhi Eshkol kɛ Aner ɔ, huɛ bɔmi ko ngɛ a kɛ Abram a kpɛti.

Mose II, 4:1

Mose de Mawu ke, “Se o na, a be mi hee maa ye, nɛ a be ye gbi hu tue bue; nɔ́ nɛ a ma de ji, ‘Yawɛ je we e he si ha mo.’ ”

Mose II, 5:1

Pee se ɔ, Mose kɛ Aaron ho Farao ɔ ngɔ ya, nɛ a ya de lɛ ke, “Bɔ nɛ Yawɛ, Israel Mawu ɔ de ji nɛ ɔ nɛ: ‘Ha ye ma a nɛ ho, nɛ a ya ye nyami ligbi nɛ a kɛ ja mi ngɛ nga a nɔ.’ ”

Mose II, 5:3

A ha lɛ heto ke, “Hebri bi ɔmɛ a Mawu ɔ ba je e he kpo ngɔ tsɔɔ wɔ. Lɔ ɔ he ɔ, wa kpa mo pɛɛ, mo ha nɛ waa nyɛɛ ligbi etɛ blɔ kɛ ya nga a nɔ nɛ wa ya sã bɔ ha Yawɛ, wa Mawu ɔ. Ke wa pee we ja a, e kɛ gbenɔ hiɔ maa gbe wɔ, loo e ma ha nɛ a gbe wɔ ngɛ ta mi.”

Mose II, 8:1

Lɔ ɔ se ɔ, Yawɛ de Mose ke, “Yaa Farao ɔ ngɔ nɛ o ya de lɛ ke Yawɛ ke, ‘Ha ye ma a nɛ ho nɛ a ya ja mi.

Mose II, 8:20

Yawɛ de Mose ke, “Moo bu tue! Hwɔɔ mɔtu ɔ, Farao ɔ maa ya Nilo pa a nya. Yaa nɛ o kɛ lɛ ya kpe ngɛ lejɛ ɔ, nɛ o de lɛ ke bɔ nɛ Yawɛ de ji nɛ ɔ nɛ: ‘Ha ye ma a nɛ ho nɛ a ya ja mi.

Mose II, 17:5

Yawɛ de Mose ke, “Moo nyɛɛ ma a hlami kɛ ho. O kɛ Israel ma nimeli ɔmɛ ekomɛ nɛ ya, nɛ o hɛɛ tso ɔ nɛ o kɛ fia Nilo pa a ngɛ o dɛ mi.

Mose II, 4:23

I de mo ke o ha nɛ ye bi ɔ nɛ ya nɛ e ya ja mi, se o kplɛɛ we. Lɔ ɔ he ɔ, ma gbe o binyumu ɔ, o bitɛte ɔ!’ ”

Mose II, 8:23

Ma gba ye we bi ɔmɛ, kɛ o we bi ɔmɛ a kpɛti. Ma to okadi nɛ ɔ hwɔɔmɛ a je hwɔɔ.’ ”