Mose II, 3:12 - BAIBLO ALOO NGMAMI KLƆUKLƆU Ɔ

¹² Mawu ha lɛ heto ke, “Ma piɛ o he. Ke o ya jé ma a kɛ je Egipt kɛ ba a, nyɛ ma ba ja mi ngɛ yo nɛ ɔ nɔ. Jamɛ a be ɔ loko o maa le niinɛ kaa imi nɛ i tsɔ mo.”

Mose II, 3:12 ပူးပေါင်းရင်းမြစ်များ

Mose I, 15:1

Enɛ ɔ se ɔ, Yawɛ kɛ Abram tu munyu ngɛ nina mi ke, “Abram, koo ye gbeye. Ma bu o he, nɛ ma gbaa mo babauu.”

Mose I, 15:8

Abram bi lɛ ke, “Oo Yawɛ Mawu, kɛ ma pee kɛɛ nɛ ma le kaa zugba nɛ ɔ ma ba pee ye nɔ́?”

Mose I, 26:3

Hii si ngɛ hiɛ ɔ; i kɛ mo maa hi si, nɛ ma gbaa mo. Ma ngɔ zugba nɛ ɔ tsuo kɛ ha mo, kɛ o nina; nɛ si nɛ i wo o tsɛ Abraham ɔ, ma ye nɔ.

Mose I, 31:3

Kɛkɛ nɛ Yawɛ de Yakob ke, “Kpale o se kɛ ho o weku li a ngɔ ya, ngɛ o tsɛmɛ a zugba a nɔ. I kɛ mo maa hi si.”

Matsɛmɛ II, 19:29

Jehanɛ, Yesaya de Matsɛ Hezekia ke, “Enɛ ɔ maa pee okadi ha mo: jeha nɛ ɔ mi ɔ, nyɛ maa ye níhi nɛ mɛ nitsɛmɛ a puɛ, níhi nɛ nɔ ko du we. Jeha enyɔne ɔ mi ɔ, nyɛ maa ye níhi nɛ puɛ ngɛ lɔ ɔmɛ a se. Jeha nɛ ji etɛ ɔ mi ɔ lɛɛ nyɛ ma du ní nɛ nyɛ ma kpa ní; nyɛ maa pee wai ngmɔhi nɛ nyɛ maa ye a yiblii ɔmɛ.

Kronika I, 9:20

Eleazar bi Finehas hyɛ a nɔ be ko mi. Yawɛ kɛ lɛ hi si!

La 86:17

Yawɛ, tsɔɔ mi o mɔbɔ nami ɔ he okadi ko, konɛ ye he nyɛli ɔmɛ nɛ a na, nɛ zo nɛ gbe mɛ kaa o piɛ ye he, nɛ o jɔɔ ye bua.

Mose II, 18:5

Mose ngatsɛ Yetro kpaka Mose yo ɔ, kɛ e binyumuwi enyɔ ɔmɛ kɛ ba nga a nɔ he nɛ Mose ba to si ngɛ ɔ, ngɛ Mawu yo ɔ he.

Mose II, 3:1

Mose ngɛ e ngatsɛ Yetro, Midian osɔfo ɔ tohi hyɛe ngɛ nga a nɔ. Ligbi ko ɔ, e tsɔ̃ to ɔmɛ kɛ ya gu nga a nɔ, kɛ ya pã si ngɛ Mawu yo, Horeb ɔ he.

Mose II, 3:13

Mose bi Mawu ke, “Ke i ya Israel bi ɔmɛ a ngɔ, nɛ i ya de mɛ ke, ‘Mawu ɔ nɛ nyɛ nɛmɛ ja lɛ ɔ tsɔ mi nyɛ ngɔ,’ nɛ a bi mi ke, ‘Kɛ a tsɛɛ lɛ kɛɛ?’ ɔ, kɛ ma de mɛ kɛɛ?”

Mose II, 33:14

Yawɛ he nɔ ke, “Imi nitsɛ i kɛ mo maa nyɛɛ kɛ ya fiafiaafia.”

Mose II, 4:12

Lɔ ɔ he ɔ, moo ya. Ma ha o nya mi ma tsɔ, nɛ ma tsɔɔ mo nɔ́ nɛ o de.”

Mose II, 4:15

O kɛ lɛ nɛ tu munyu, nɛ́ o tsɔɔ lɛ nɔ́ nɛ e de. Ma piɛ o kɛ lɛ tsuo nyɛ he, nɛ ma tsɔɔ nyɛ nɔ́ nɛ nyɛɛ pee.

Mose II, 8:27

Wa maa nyɛɛ ligbi etɛ blɔ kɛ ya nga a nɔ nɛ wa ya sã bɔ ha Yawɛ, wa Mawu ɔ, kaa bɔ nɛ e maa tsɔɔ ke waa pee ɔ.”

Yesaya 37:30

Jehanɛ, Yesaya de Matsɛ Hezekia ke, “Enɛ ɔ maa pee okadi ha mo; jeha nɛ ɔ mi ɔ, nyɛ maa ye níhi nɛ mɛ nitsɛmɛ a puɛ, níhi nɛ nɔ ko du we. Jeha enyɔne ɔ mi ɔ, nyɛ maa ye níhi nɛ puɛ ngɛ lɔ ɔmɛ a se. Jeha nɛ ji etɛ ɔ mi lɛɛ nyɛ ma du ní, nɛ nyɛ ma kpa ní; nyɛ maa pee wai ngmɔhi nɛ nyɛ maa ye a yiblii.

Yesaya 41:10

Koo ye gbeye. I kɛ mo ngɛ! Ko ha nɛ nɔ́ ko nɛ wo o he gbeye. Imi ji o Mawu ɔ nɛ! Ma wo mo he wami; ma piɛ o he; Ma bu o he, nɛ ma baa o yi.

Yesaya 43:2

Ke o haomi ɔmɛ pee kaa pa nɛ o ngɛ poe po, ma piɛ o he; o haomi ɔmɛ be nyɛe maa ye o nɔ. Ke o nyɛɛ la mi po, la a be mo sãe. Haomihi tsuo nɛ maa ba o nɔ ɔ, o maa ye a nɔ.

Yesaya 7:14

Yoo, i nu. Nyɔmtsɛ ɔ nitsɛ ma ha nyɛ okadi ko; yiheyo ko maa ngɔ hɔ, nɛ e ma fɔ binyumu, nɛ e maa wo lɛ biɛ ke, ‘Yimanuel’.

Yeremia 1:8

Koo ye mɛ gbeye, ejakaa i kɛ mo ngɛ, nɛ ma bu o he. Imi, Yawɛ lɛ i de.”

Mose IV, 16:28

Mose de ke, “Nɔ́ nɛ nyɛɛ kɛ maa le kaa Yawɛ nitsɛ lɛ tsɔ mi ke ma ba tsu ní nɛ ɔmɛ, se pi imi nitsɛ ye yi mi tomi nya ji

Mose IV, 23:21

Mawu nɛ́ Yakob he yayami ko; Mawu nɛ́ Israel he hiami ko. Yawɛ, a Mawu ɔ kɛ mɛ ngɛ; Yawɛ ji a matsɛ.

Mateo 28:20

nɛ nyɛɛ tsɔɔ mɛ nɛ a ye níhi tsuo nɛ i fa nyɛ ke nyɛɛ pee ɔ a nɔ. Hyɛ, i kɛ nyɛ maa hi si daa kɛ yaa su je mi nyagbe.”

Marko 16:20

Kaseli ɔmɛ ho nɛ a ya fiɛ ngɛ he tsuaa he, nɛ Nyɔmtsɛ ɔ kɛ mɛ tsu ní. E ha a pee nyakpɛ níhi babauu kɛ pi munyu ɔ se.] [

Ni Tsumi 11:21

Nyɔmtsɛ ɔ piɛ a he, nɛ nihi babauu he ye, nɛ a tsake.

Ni Tsumi 7:7

Jamɛ a ma a nɛ a ma ya sɔmɔ ɔ, ma gbla a tue; nɛ lɔ ɔ se ɔ, o nina a maa je lejɛ ɔ, nɛ a ma ba ja mi ngɛ hiɛmɛ nɛ ɔ.’

Romabi 8:31

Lɛɛ kɛ wa ma de kɛɛ ngɛ ní nɛ ɔmɛ a he mɔ? Ke Mawu ngɛ wa se ɔ, mɛnɔ maa te si ngɔ wo wɔ?

Mose V, 31:23

Jehanɛ, Yawɛ to Nun bi Yoshua si, nɛ e de lɛ ke, “Pee kã, nɛ o he nɛ wa. Mo nɛ o ma kpaka Israel ma a kɛ ya zugba a nɛ i wo mɛ e he si ɔ nɔ. I kɛ mo maa hi si.”

Hebribi 13:5

Nyɛ ko di sika se; nɔ́ tsuaa nɔ́ nɛ nyɛ ngɛ ɔ, nyɛ bua nɛ jɔ he. Ejakaa Mawu de ke, “I be mo sie, nɛ i be mo kuae gblegbleegble.”

Yoshua 1:5

Nɔ ko nɔ ko be mo nyɛe o wami be ɔ tsuo. Bɔ nɛ i kɛ Mose hi si ɔ, jã kɛ̃ i kɛ mo, Yoshua hu maa hi si. I be mo sie, nɛ i be mo kuae hulɔ.

Manyadali 6:12

Yawɛ bɔfo ɔ je e he si tsɔɔ lɛ, nɛ e de lɛ ke, “Mo nyumu katsɛ, Yawɛ kɛ mo ngɛ!”

Manyadali 6:16

Se Yawɛ de lɛ ke, “Ma piɛ o he; o maa fia Midian bi ɔmɛ nɔ nɛ o maa gbe mɛ kaa a gbeɔ nɔ kake.”

Manyadali 6:17

Gideon de lɛ ke, “Ke o ngɛ ye he suɔmi ɔ, lɛɛ moo to mi okadi ko nɛ ma kɛ na kaa mo, Yawɛ nitsɛ lɛ o kɛ mi ngɛ munyu tue ɔ nɛ.

Manyadali 6:21

Kɛkɛ nɛ Yawɛ bɔfo ɔ kpã e nine mi, nɛ e kɛ tso ɔ nɛ e hɛɛ ɔ nya sa lo ɔ kɛ abolo kplolo ɔ he. La je tɛ sa a mi sã lo ɔ, kɛ abolo kplolo ɔ. Kɛkɛ nɛ Yawɛ bɔfo ɔ laa.

Manyadali 7:11

nɛ o ya bu a ní sɛɛmi ɔ tue. Lɔ ɔ se ɔ, o ma na kã ko kɛ kple si kɛ ya tua ta a.” Gideon kɛ e tsɔlɔ Pura kple si kɛ ho he nyɛli ɔmɛ a ta a nya ya haa.

Samuel I, 14:10

Se ke a ke waa kuɔ kɛ ba a ngɔ ɔ, lɛɛ wa maa ya; ejakaa lɔ ɔ maa tsɔɔ wɔ kaa Yawɛ je mɛ kɛ wo wa dɛ mi.”