Mose II, 3:11 - BAIBLO ALOO NGMAMI KLƆUKLƆU Ɔ

¹¹ Se Mose bi Mawu ke, “Mɛnɔ ji mi, nɛ ma ya Farao ɔ ngɔ, nɛ ma ya je Israel bi ɔmɛ kɛ je Egipt ɔ?”

Mose II, 3:11 ပူးပေါင်းရင်းမြစ်များ

Samuel II, 7:18

Enɛ ɔ se ɔ, Matsɛ David ya sɛ bo tsu ɔ mi, nɛ e ya hi si ngɛ Yawɛ hɛ mi, nɛ e de ke, “Nyɔmtsɛ Yawɛ, mɛnɔ ji mi, nɛ ye we ɔ hu mɛnɔmɛ ji mɛ loko o hɛɛ mi kɛ ba su he nɛ i ngɛ nɛ ɔ?

Matsɛmɛ I, 3:7

Yawɛ ye Mawu lee, o ha nɛ i ba ngɛ tsɛ yee ngɛ tsaatsɛ David se, be mi nɛ jokuɛ bɔbɔyoo kɛkɛ ji mi, nɛ́ i li nɔ́ ko nɔ́ ko.

Matsɛmɛ I, 3:9

Lɔ ɔ he ɔ, i kpa mo pɛɛ, ha mi nile nɛ ma kɛ ye o ma a nɔ ngɛ dami sane yemi mi; nɛ ma le slɔɔto nɛ ngɛ nɔ́ nɛ da, kɛ nɔ́ nɛ dɛ a kpɛti. Ke pi ja a, lɛɛ kɛ ma pee kɛ ye o ma kpekpemi nɛ ɔmɛ a nɔ kɛɛ?”

Kronika I, 29:14

“I kɛ ye ma a, mɛnɔmɛ ji wɔ nɛ wa ma nyɛ je wa tsui mi faa kɛ ke mo ní kaa kikɛ nɛ ɔ? Ejakaa nɔ́ tsuaa nɔ́ nɛ wa ngɛ ɔ, mo lɛ o ke wɔ. Lɔ ɔ he ɔ, mo nitsɛ o níhi wa ngɔ ba ha mo nɛ ɔ nɛ.

Mose II, 6:12

Se Mose de Yawɛ ke, “O nɛ, Israel bi ɔmɛ po bui mi tue; kɛ maa pee kɛɛ nɛ Farao ɔ lɛɛ e maa bu mi tue; imi nɛ ye nya mi tsɔ we nɛ ɔ?”

Yeremia 1:6

I he nɔ ke, “Ao, Nyɔmtsɛ Yawɛ! I li munyu tumi; niheyo kɛkɛ ji mi.”

2 Korintobi 2:16

Nihi nɛ ngɛ blɔ nɔ kɛ yaa hɛ mi kpatami mi ɔ, Kristo sɛ gbi ɔ ji gbenɔ ha mɛ. Se ni nɛmɛ nɛ ngɛ blɔ nɔ kɛ yaa neneene wami mi ɔ lɛɛ sɛ gbi ɔ ji wami ha mɛ. Ní tsumi kaa kikɛ nɛ ɔ, mɛnɔ ma nyɛ?

2 Korintobi 3:5

Ní tsumi nɛ ɔ, wa be dee ke wɔ nitsɛmɛ wa ngɛ he wami nɛ wa ma nyɛ tsu. He wami nɛ wa ngɛ ɔ, Mawu lɛ ha wɔ.

Manyadali 6:15

Gideon de lɛ ke, “I kpa mo pɛɛ Yawɛ, kɛ ma pee kɛ kpɔ Israel kɛɛ? Weku nɛ i je mi ɔ ji weku nyafii pe kulaa ngɛ Manase wɛtso ɔ mi. Tsaatsɛ we ɔ mi hu imi ji jokuɛyo pe kulaa.”

Samuel I, 18:18

David he nɔ ke, “Mɛnɔ ji mi, nɛ ye tsɛ we ɔ hu mɛnɔmɛ ji mɛ ngɛ Israel, nɛ́ imi nɛ ɔ i ba peeɔ matsɛ lɛɛ e ngatsɛ?”