Mose II, 3:1 - BAIBLO ALOO NGMAMI KLƆUKLƆU Ɔ

¹ Mose ngɛ e ngatsɛ Yetro, Midian osɔfo ɔ tohi hyɛe ngɛ nga a nɔ. Ligbi ko ɔ, e tsɔ̃ to ɔmɛ kɛ ya gu nga a nɔ, kɛ ya pã si ngɛ Mawu yo, Horeb ɔ he.

Mose II, 3:1 ပူးပေါင်းရင်းမြစ်များ

Matsɛmɛ I, 19:19

Eliya je lejɛ ɔ, nɛ e ya na Elisha nɛ e kɛ na blablɛhi ngɛ hue; na blablɛ nyɔngma kɛ kake ngɛ e hɛ mi, nɛ lɛ nitsɛ e kɛ na blablɛ nyɔngma kɛ enyɔne ngɛ hue. Eliya je tade klɔii ɔ ngɛ e he, nɛ e ngɔ wo Elisha.

Matsɛmɛ I, 19:8

Eliya te si, nɛ e ye ní, nɛ e nu nyu; nɛ niye ní ɔ ha lɛ he wami nɛ e kɛ nyɛɛ nyɔ kɛ pia ligbi nyingmi eywiɛ kɛ ya Sinai, yo klɔuklɔu ɔ nɔ.

La 106:19

A pee na bi ngɛ Horeb, nɛ a sɔmɔ jamɛ a amaga a nɛ a puɛ ɔ.

Mose II, 17:6

O nɛ, ma da o hɛ mi ngɛ tɛ sa a nɔ ngɛ Sinai yo ɔ nɔ. Ngɔɔ tso ɔ kɛ fia tɛ sa a, nɛ nyu maa je mi kɛ ba ha ma a nɛ a nu.” Nɛ Mose pee ja ngɛ Israel ma nimeli ɔmɛ a hɛ mi.

Mose II, 18:12

Mose ngatsɛ Yetro ngɔ sami bɔ, kɛ bɔ kpa komɛ ba ha Yawɛ, nɛ Aaron kɛ Israel ma nimeli ɔmɛ tsuo ba, nɛ a kɛ Mose ngatsɛ ɔ ba bla kɛ ye bɔ sami ní ɔ ngɛ Mawu hɛ mi, nɛ a kɛ ja Mawu.

Mose II, 19:11

nɛ benɛ e maa su ligbi nɛ ji etɛ ɔ, a dla a he; ejakaa hiɛmɛ nɛ ɔ ligbi nɛ ji etɛ ɔ, imi Yawɛ, ma kple si kɛ ba Sinai yo ɔ nɔ, nɛ nɔ tsuaa nɔ maa na mi.

Mose II, 19:3

Mose kuɔ yo ɔ kɛ ho Mawu ngɔ ya. Kɛkɛ nɛ Yawɛ tsɛ Mose ngɛ yo ɔ mi, nɛ e de lɛ ke e ya nɛ e ya de Israel bi ɔmɛ, nɛ ji Yakob nina a ke,

Mose II, 2:18

Benɛ a kpale kɛ ba a tsɛ ɔ ngɔ ɔ, e bi mɛ ke, “Mwɔnɛ ɔ lɛɛ kɛ pee kɛɛ nɛ nyɛ ba mla kikɛ nɛ ɔ?”

Mose II, 2:21

Mose kplɛɛ kaa e kɛ osɔfo ɔ maa hi si. Pee se ɔ, osɔfo ɔ ngɔ e biyo Zipora ngɔ ha Mose.

Mose II, 24:13

Mose kɛ e tsɔlɔ Yoshua dla a he, konɛ a kuɔ Mawu yo ɔ.

Mose II, 3:12

Mawu ha lɛ heto ke, “Ma piɛ o he. Ke o ya jé ma a kɛ je Egipt kɛ ba a, nyɛ ma ba ja mi ngɛ yo nɛ ɔ nɔ. Jamɛ a be ɔ loko o maa le niinɛ kaa imi nɛ i tsɔ mo.”

Mose II, 3:5

Mawu de lɛ ke, “Koo hɛ mo kɛ su hiɛ ɔ! Je o tokota a, ejakaa zugba klɔuklɔu nɔ o daa si ngɛ ɔ nɛ!”

Mose II, 33:6

Kɛkɛ nɛ Israel bi ɔmɛ kplɔ a he june ní ɔmɛ, nɛ kɛ je Horeb yo ɔ he kɛ yaa a, a ti nɔ ko nɔ ko wui june ní hu.

Mose II, 4:18

Mose kpale kɛ ho e ngatsɛ Yetro ngɔ ya nɛ e ya de lɛ ke, “I kpa mo pɛɛ, ha mi blɔ nɛ ma kpale kɛ ya Egipt, nɛ ma ya hyɛ kaa ye nyɛmimɛ ɔmɛ ngɛ je mi kɛ mwɔɔ lo.” Yetro de Mose ke, “Blɔ ngɛ faa; blɔ ɔ nɔ nɛ jɔ ha mo.”

Mose II, 4:27

Yawɛ de Aaron ke, “Mose ma ngɛ nga a nɔ; yaa nɛ o ya kpee lɛ.” Kɛkɛ nɛ e ho nɛ e kɛ lɛ ya kpe ngɛ Mawu yo ɔ he; nɛ e fua lɛ atuu.

Amos 1:1

To hyɛlɔ ɔ nɛ a tsɛɛ lɛ Amos, nɛ je Tekoa ma a mi ɔ, e munyuhi ji nɛ ɔmɛ nɛ. Jeha enyɔ loko zugba mimiɛ ɔ, benɛ Uzia ngɛ tsɛ yee ngɛ Yuda zugba a nɔ, nɛ Yehoash bi Yeroboam ngɛ tsɛ yee ngɛ Israel zugba a nɔ ɔ, Mawu je ní nɛ ɔmɛ tsuo ngɔ tsɔɔ Amos ngɛ Israel he.

Malaki 4:4

“Mlaa slɔɔtoslɔɔtohi nɛ i ngɔ kɛ ha nyɛ ngɛ Sinai yo ɔ nɔ kɛ gu ye tsɔlɔ Mose nɔ ɔ, nyɛ kai nɛ nyɛɛ ye a nɔ.

Mose IV, 10:29

Kɛkɛ nɛ Mose de e ngatsɛ Yetro, Midian no ɔ bi Hobab ke, “Wa ngɛ hiae kɛ yaa he nɛ Yawɛ de to ke e ma ha wɔ ɔ. Yawɛ nitsɛ wo Israel ní kpakpahi a he si. Lɔ ɔ he ɔ, ha waa ho nɛ waa kɛ mo ya ye wa kplɔkɔtɔ ɔ.”

Mose IV, 10:33

Kɛkɛ nɛ ma a hia kɛ je Yawɛ yo ɔ he, nɛ a nyɛɛ ligbi etɛ. Yawɛ somi daka a nyɛɛ a hɛ mi kɛ hla sito he ha mɛ.

Luka 2:8

To hyɛli komɛ ngɛ a tohi a he bue nyɔ mi ngɛ nga a nɔ ngɛ lejɛ ɔ ní ɔmɛ a mi nɔuu.

Ni Tsumi 7:30

“Jeha nyingmi eywiɛ se ɔ, Mawu bɔfo ba je e he kpo tsɔɔ Mose ngɛ la lilɛ mi ngɛ pu mi ngɛ Sinai yo ɔ he.

Mose V, 1:2

Kɛ je Sinai yo ɔ he kɛ gu Edom yo ɔ nɔ kɛ yaa Kadesh Barnea a peeɔ ligbi nyɔngma kɛ kake blɔ nyɛɛmi.

Mose V, 1:6

“Bɔ nɛ nyɛ hi yo nɛ ɔ he ɔ hiɛ;

Mose V, 4:10

kaa ligbi ɔ nɛ nyɛ da si ngɛ Sinai yo ɔ he ngɛ Yawɛ, nyɛ Mawu ɔ hɛ mi ɔ, Yawɛ de mi ke, ‘Bua ma a nya. Ha nɛ a bu nɔ́ nɛ ma de mɛ ɔ tue, konɛ a ye mi gbeye a wami be tsuo; nɛ a tsɔɔ a bimɛ, nɛ mɛ hu a ye mi gbeye.’

Manyadali 4:11

Jamɛ a be ɔ, Ken no ɔ nɛ a tsɛɛ lɛ Heber ɔ tsɔ e he kɛ je Ken bi, nɛ ji Mose ngatsɛ Hobab nina a a he; nɛ e ya ma e bo tsu ɔ ngɛ tso ngua a nɛ ngɛ Zaananim ɔ he, ngɛ Kedesh kasa nya tɔɔ.

Samuel I, 16:11

Lɔ ɔ he ɔ, Samuel bi Ishai ke, “O binyumu ɔmɛ tsuo ji nɛ ɔ lo?” E he nɔ ke, “E piɛ a kpɛti nɔ wayoo pe kulaa a, se lɛɛ e ngɛ tohi hyɛe.” Samuel de Ishai ke, “Tsɔ nɛ a ya ngɔ lɛ kɛ ba; ejakaa wa be si hie, ja e ba hiɛ ɔ.”