Mose II, 29:7 - BAIBLO ALOO NGMAMI KLƆUKLƆU Ɔ

⁷ Lɔ ɔ se ɔ, plɛ nu nɛ a kɛ pɔɔ nɔ ɔ kɛ pue e yi mi, nɛ o kɛ pɔ lɛ nu.

Mose II, 29:7 ပူးပေါင်းရင်းမြစ်များ

Mose IV, 35:25

Ke e ba mi ja a, ma kpekpemi ɔ nɛ kpɔ nɔ nɛ gbe nɔmlɔ ɔ kɛ je muɔ he lue yelɔ ɔ dɛ mi, nɛ a kpale lɛ kɛ ya ma a mi he nɛ e tu fo kɛ ya sa we ngɛ ɔ. E ya hi lejɛ ɔ kɛ yaa si be mi nɛ osɔfo nɔkɔtɔma pe kulaa a (nɛ a pɔ lɛ nu klɔuklɔu ɔ) ma gbo.

Mose III, 21:10

“Nɔ nɛ ji osɔfo nɔkɔtɔma pe kulaa ngɛ e nyɛmimɛ ɔmɛ a kpɛti, nɛ a pɔ lɛ nu, nɛ a pee lɛ klɔuklɔu ɔ, ke e wo osɔfo tade ɔ, e ko ha nɛ e yi bwɔmi nɛ gbɛ kɛ pue e yi nɔ, nɛ e ko hía e he tade ɔmɛ kɛ tsɔɔ kaa e ngɛ kɔmɔ yee.

Yohane 3:34

Nɔ nɛ Mawu tsɔ ɔ, Mawu munyu e tuɔ, ejakaa Mawu Mumi hyi lɛ tɔ.

Yesaya 61:1

Nyɔmtsɛ Yawɛ mumi ɔ ngɛ ye nɔ; Yawɛ pɔ mi nu, nɛ e tsɔ mi, konɛ ma ngɔ manye munyu ya ha nihi nɛ a ní ngɛ mɔbɔ ɔ; nɛ ma wo kɔmɔ yeli a bua; nɛ ma ya de nihi nɛ a nuu mɛ nyɔguɛ ɔ ke a he yemi be su ta, kɛ ni nɛmɛ nɛ a wo mɛ tsu ɔ ke a jémi be su ta.

La 133:2

Nyɛmimɛ a kake peemi ngɛ kaa nu nɛ he jua wa nɛ a kɛ pɔ Aaron yi mi, nɛ ngɛ dɛe kɛ ngɛ e kpɛni mi puee hluu kɛ ba su e tade klɔii ɔ nya tɔɔ!

La 89:20

I ngɔ ye nu klɔuklɔu ɔ kɛ pɔ ye tsɔlɔ David, nɛ i wo lɛ matsɛ.

Mose III, 10:7

Nyɛ ko je kpe he bo tsu ɔ sinya a nya kɛ ya he ko. Ke nyɛ pee ja a, nyɛ ma gbo; ejakaa a kɛ Yawɛ nu pɔ nyɛ.” Lɔ ɔ he ɔ, a pee kaa bɔ nɛ Mose de ɔ.

Mose II, 28:41

Ngɔɔ tade nɛ ɔmɛ kɛ wo o nyɛminyumu Aaron kɛ e binyumu ɔmɛ, nɛ o pɔ mɛ nu, nɛ o wo mɛ osɔfo, nɛ o tsukɔ a he, konɛ a sɔmɔ mi kaa osɔfohi.

1 Yohane 2:27

Se nyɛɛ lɛɛ Kristo ha e mumi ɔ ba nyɛ nɔ. Be abɔ nɛ e mumi ɔ ngɛ nyɛ nɔ ɔ, e hia we nɛ nɔ ko nɛ ba tsɔɔ nyɛ ní. Ejakaa mumi ɔ ngɛ nyɛ nɔ́ tsuaa nɔ́ tsɔɔe; nɛ anɔkuale ɔ mumi ɔ ngɛ nyɛ tsɔɔe ɔ nɛ, pi lakpa. Lɔ ɔ he ɔ, nyɛɛ bu nɔ́ nɛ mumi ɔ ngɛ tsɔɔe ɔ tue, konɛ nyɛɛ ya nɔ nɛ nyɛɛ hi Kristo mi.

Zakaria 4:14

E ya nɔ nɛ e de mi ke, “Ni nɛ ɔmɛ ji ni enyɔ nɛ a pɔ mɛ nu, nɛ a daa si ngɛ je ɔ tsuo Nyɔmtsɛ ɔ hɛ mi ɔ nɛ.”

Mose II, 40:13

Ngɔɔ tade klɔuklɔu ɔmɛ kɛ wo Aaron, nɛ o pɔ lɛ nu, nɛ o julaa lɛ, nɛ e sɔmɔ mi kaa osɔfo.

Mose III, 7:35

Bɔhi nɛ a kɛ la sãã ha Yawɛ ɔ, Aaron kɛ e bimɛ ɔmɛ a blɔ fa mi nɔ́ nɛ a gbaa nɔ kɛ ha mɛ kɛ je be nɛ a wo mɛ osɔfo ji nɛ ɔ nɛ.