Mose II, 29:4 - BAIBLO ALOO NGMAMI KLƆUKLƆU Ɔ

⁴ “Ngɔɔ Aaron kɛ e binyumu ɔmɛ kɛ ba kpe he bo tsu ɔ sinya a nya, nɛ o ngɔ nyu kɛ du a he ha mɛ.

Mose II, 29:4 ပူးပေါင်းရင်းမြစ်များ

Mose II, 40:12

“Lɔ ɔ se ɔ, ngɔɔ Aaron kɛ e binyumu ɔmɛ kɛ ba kpe he bo tsu ɔ sinya a nya, nɛ o ngɔ nyu kɛ fɔ a he.

Hebribi 10:22

Lɔ ɔ he ɔ, nyɛ ha nɛ waa ngɔ tsui nɛ mi tsɔ, kɛ hemi kɛ yemi nɛ pi si kɛ hɛ wɔ kɛ su Mawu he. Nyɛ ha a tsu wa tsui he bɔ nɛ wa he nile be wɔ fɔ bue, nɛ́ waa pee kaa nihi nɛ a kɛ nyu nɛ mi tsɔ heii du a he.

1 Petro 3:21

Enɛ ɔ ji nɔ sɔlemi okadi ɔ nɛ. Ke a sɔle wɔ ɔ, lɔ ɔ tsɔɔ we kaa a fɔ wa nɔmlɔ tso ɔ he, nɛ wa he tsɔ. Mohu ɔ, e tsɔɔ kaa waa kɛ Mawu so kaa wa maa hi si saminya nɛ wa he nile ko bu wɔ fɔ, nɛ kɛ gu si nɛ Yesu Kristo te ɔ nɔ ɔ, e ma he wa yi wami.

Tito 3:5

e he wa yi wami. Pi nɔ́ nɛ da nɛ wa pee he nɛ e he wa yi wami ngɛ; mɔbɔ kɛkɛ lɛ e na wɔ kɛ gu Mumi Klɔuklɔu ɔ nɔ. Mumi Klɔuklɔu ɔ du wa he, nɛ wa pee kaa nihi nɛ a fɔ mɛ ehe, nɛ́ a na wami he.

Efesobi 5:26

Kristo ngɔ sane kpakpa a, nɛ e kɛ tsu asafo ɔ he kaa bɔ nɛ a kɛ nyu fɔɔ nɔ he ha lɛ ɔ, nɛ e kɛ pee lɛ klɔuklɔu.

Ezekiel 36:25

Ma ngɔ nyu klɔuklɔu kɛ fĩa nyɛ nɔ, nɛ nyɛ he ma tsɔ. Ma tsu nyɛ he kɛ je amagahi, kɛ mu níhi tsuo nɛ nyɛ kɛ ble nyɛ he ɔ a mi.

Mose V, 23:11

Kɛ yaa gbɔkuɛ nya si ɔ, e du e he; nɛ ke pu nɔ si ɔ, e kpale kɛ ba ta sito he ɔ.

Mose III, 14:8

Enɛ ɔ se ɔ, nɔ nɛ ma e he tsukɔmi ɔ nɛ fɔ e tade ɔmɛ a he, nɛ é sɛ e he bwɔmi tsuo, nɛ é du e he; kɛkɛ e he ma tsɔ. E ma nyɛ maa ba ma sito he ɔ, se e be e bo tsu ɔ mi hwɔe; e maa hi e bo tsu ɔ se ligbi kpaago.

Mose II, 40:28

Mose kɛ bo ɔ ha kpe he bo tsu ɔ sinya a nya.

Mose II, 26:36

“Kpe he bo tsu ɔ sinya a nya bo ɔ, ngɔɔ kpa bluu, kpa tsu, kɛ kpa nɛ hɛɛ alamua tu su kɛ lo; nɛ a kɛ abui nɛ kadi ní kɛ wo mi.

Mose II, 29:3

nɛ o ngɔ mɛ kɛ wo kusii mi nɛ o hɛɛ kɛ ba, kɛ na a, kɛ agbosu enyɔ ɔmɛ.

Mose IV, 8:9

Lɔ ɔ se ɔ, o maa kpee Israel ma mluku ɔ tsuo kɛ ba, nɛ o kɛ Levi bi ɔmɛ ma ba da si ngɛ kpe he bo tsu ɔ sinya a nya.

Ezekiel 42:14

Ke osɔfo ɔmɛ sɛ he klɔuklɔu ɔ, a be kpo jee kɛ ya kpo nɔ je kue ɔ mi; mohu a ma je a tade ɔmɛ nɛ a kɛ sɔmɔ ɔ kɛ pue si, ejakaa tade ɔmɛ ngɛ klɔuklɔu. A maa wo tade kpahi loko a maa je kpo kɛ ya he nɛ ma a ngɛ ɔ.”