Mose II, 28:9 - BAIBLO ALOO NGMAMI KLƆUKLƆU Ɔ

⁹ Yaa hla shoham tɛ enyɔ, nɛ o ngma Yakob binyumu ɔmɛ a biɛhi ngɛ a nɔ

Mose II, 28:9 ပူးပေါင်းရင်းမြစ်များ

Ezekiel 28:13

Eden, Mawu ngmɔ ɔ nitsɛ mi nɛ o hi. Tɛ kpakpa nɛ ɔmɛ tsuo o kɛ dla o he: rubi, daimond, topaz, beril, kanelian, yaspi, safiro, emerald, kɛ garnet. O ngɛ sika tsu he dlami níhi, kɛ heha ní babauu. Ligbi ɔ nɛ a bɔ mo ɔ, jamɛ a ligbi ɔ nɔuu lɛ a dla mo saminyayoo jã.

Yesaya 49:16

Yerusalem, hyɛ, i ngma o biɛ ngɛ ye dɛ mi, ye hɛ be o nɔ jee gblegbleegble.

Lahi 8:6

Koo suɔ nɔ ko nɔ ko, ja imi pɛ; koo la yo ko yo ko nine mi, ja imi pɛ. Suɔmi ngɛ he wami kaa gbenɔ; akɔnɔ hu nya wa kaa gbeje. E mleɔ kaa la, nɛ e tsoɔ gegeege.

Hiob 28:16

E he jua a, sika tsu, loo juetli kpakpa po sui nya.

Kronika II, 2:7

Lɔ ɔ he ɔ, moo wo nyumu ko nɛ ga ngɛ e hɛ mi blɔ kɛ ba ha mi. E pee nɔ ko nɛ le sika tsu, sika hiɔ, akɔblee, kɛ dade he ga ní tsumi, nɛ e ma nyɛ maa ngma ní ngɛ nɔ hulɔ. Jehanɛ, e pee nɔ ko nɛ le bo bluu, bo he jua wawɛ nɛ hɛɛ alamua tu su, kɛ bo tsu lomi. Nyumu nɛ ɔ ma ba piɛ ga ní tsuli nɛ ngɛ Yuda kɛ Yerusalem nɛ tsaatsɛ David hla mɛ kɛ to ɔ a he kɛ tsu ní.

Mose II, 39:13

Zã eywiɛne ɔ mi ní ɔmɛ ji krisolito, shoham, kɛ yaspi. A sile sika tsu kɛ bɔle tɛ ɔmɛ.

Mose II, 39:6

A pee shoham tɛ ɔmɛ, nɛ a ngɔ mɛ kɛ hɔɔ sika tsu gahi a mi; nɛ a kpɛ́ Yakob binyumu ɔmɛ a biɛhi ngɛ a nɔ kaa bɔ nɛ june he ní tsulɔ ngmaa ní ngɛ nguɛ ga nɔ ɔ.

Mose II, 28:36

“Jehanɛ, ngɔɔ sika tsu ngmingmiingmi kɛ pee dade pɛtɛpɛtɛ, nɛ o ngma ngɛ nɔ kaa bɔ nɛ june he ní tsulɔ ngmaa ní ngɛ nguɛ ga nɔ ɔ ke, ‘Klɔuklɔu ha Yawɛ.’

Mose II, 28:20

Zã eywiɛne ɔ mi ní ɔmɛ ji krisolito, shoham, kɛ yaspi. A sile sika tsu kɛ bɔle tɛ ɔmɛ.

Mose I, 2:12

A naa sika tsu ngmingmiingmi, nu kɛ e he via, kɛ tɛhi nɛ a he jua wa ngɛ lejɛ ɔ.

Mose II, 28:8

Mi mi fimi nɔ́ ɔ hu, a je blɔ nɛ a lo lɛ kɛ tsa efɔd ɔ, kɛ jamɛ a ga a, kɛ jamɛ a ní ɔmɛ nɔuu nɛ ji sika tsu kpa, kpa bluu, kpa tsu, kpa nɛ hɛɛ alamua tu su, kɛ kpa hiɔ kpakpa nɛ a tslɔ ɔ.

Mose II, 28:10

ngɛ a fɔmi nya; biɛ ekpa ngɛ tɛ kake nɔ, kɛ ekpa nɛ piɛ ɔ hu ngɛ tɛ kpa nɔ.

Mose II, 25:7

tɛ nɛ a tsɛɛ shoham, kɛ tɛhi nɛ a he jua wa nɛ a kɛ maa wo tade nɛ a tsɛɛ efɔd ɔ kɛ gugue tade ɔ a he.

Mose II, 31:5

nɛ e nine nya da kɛ tɛhi nɛ a he jua wa a he ní tsumi, tso hlɔmi, kɛ ga ní tsumi slɔɔtohi tsuo pɛpɛɛpɛ a tsumi.

Kronika I, 29:2

Níhi nɛ a kɛ maa ma ye Mawu ɔ we ɔ, i bɔ mɔde bua nya: sika tsu, sika hiɔ, akɔblee, dade, tso, tɛhi nɛ a he jua wa, tɛhi nɛ kpɛɔ, tɛhi nɛ a kɛ maa níhi a mi, kɛ tɛhi nɛ a he jua wa kpa komɛ.

Zakaria 9:16

Jamɛ a ligbi ɔ, Yawɛ, a Mawu ɔ ma he a yi wami, ejakaa e tohi ji mɛ. E ma a ma kpɛ́ ngɛ zugba a nɔ kaa bɔ nɛ june kpɛɔ ngɛ matsɛ pɛɛ he ɔ.