Mose II, 28:43 - BAIBLO ALOO NGMAMI KLƆUKLƆU Ɔ

⁴³ Aaron kɛ e binyumu ɔmɛ nɛ a wo fiɔ mi tade nɛ ɔmɛ be tsuaa be nɛ a ma kpe he bo tsu ɔ mi ɔ, aloo ke a ma sɔmɔmi ngɛ bɔ sami la tɛ ɔ he ngɛ he klɔuklɔu ɔ. Ke pi ja a, musu maa tloo mɛ nɛ a ma gbo. Enɛ ɔ nɛ pee mlaa nɛ fɔɔ si kɛ yaa neneene kɛ ha Aaron kɛ e weku kɛ nina.

Mose II, 28:43 ပူးပေါင်းရင်းမြစ်များ

Mose II, 27:21

Aaron kɛ kane ɔ nɛ ma kpe he bo tsu ɔ mi, ngɛ tsu mi pomi bo ɔ nɛ haa somi daka a hɛ mi ɔ hɛ mi. Aaron kɛ e binyumu ɔmɛ nɛ a hyɛ kane ɔ nɔ ngɛ ye hɛ mi daa kɛ je gbɔkuɛ kɛ yaa si mɔtu. Enɛ ɔ maa pee mlaa nɛ fɔɔ si kɛ yaa neneene kɛ ha Israel bi ɔmɛ, kɛ a nina tsuo.

Mose II, 20:26

Nyɛ ko pee kpoku kɛ kuɔ kɛ ya ye bɔ sami la tɛ ɔ he, konɛ a ko na nyɛ he nɛ fɔɔ si.”

Mose III, 5:17

Ke nɔ ko li e he be, nɛ e pee yayami, nɛ e tɔ̃ Yawɛ mlaa amɛ eko nɔ ɔ, e yeɔ fɔ, nɛ e sa nɛ a gbla e tue.

Mose IV, 18:22

Kɛ je mwɔnɛ ɔ kɛ yaa a, Israel bi kpa amɛ ko hɛ mɛ kɛ su kpe he bo tsu ɔ he hu, bɔ nɛ pee nɛ a ko ba pee yayami nɛ a ba gbo.

Mose III, 22:9

“Osɔfo ɔmɛ tsuo nɛ a ye ye blɔ nya tomi ɔmɛ a nɔ. A ko ble a he. Ke a pee ja a, a pee yayami, nɛ a ma gbo. Imi ji Yawɛ nɛ tsukɔɔ a he ɔ nɛ.

Mose III, 17:7

Enɛ ɔ ma ha Israel bi ɔmɛ maa jɔɔ bɔ sami ha mumi yayamihi nɛ hɛɛ apletsi su nɛ a jee Mawu se nɛ a ya jaa a. Enɛ ɔ maa pee mlaa nɛ fɔɔ si ha mɛ, kɛ a nina kɛ yaa neneene.

Mose III, 5:1

Ke a tsɛ nɔ ko ke e ba ye odase ngɛ sane yemi he, nɛ nɔ ɔ de we nɔ́ nɛ e na, loo e le ngɛ munyu ɔ he ɔ, e pee yayami; a gbla e tue.

Mose IV, 9:13

Se nɔmlɔ nɛ he tsɔ, nɛ e hiɛ blɔ hulɔ, nɛ e kua Hetsɔmi ɔ yemi ɔ, jamɛ a nɔ ɔ lɛɛ a je lɛ we kɛ je e ma mi bi ɔmɛ a kpɛti; ejakaa e kɛ Yawɛ nike ní ɔ bɛ be nɛ a to ɔ. Nɔmlɔ nɛ ɔ, lɛ nitsɛ e musu maa tloo lɛ.

Mose III, 16:13

E ngɔ tsopa kɛ e he via a ngɔ pue la a mi ngɛ Yawɛ hɛ mi, nɛ e wo la su ku nɛ mi ti kɛ tsi somi daka nya nɔ́ ɔ nɔ, bɔ nɛ pee nɛ Aaron ko na somi daka nya nɔ́ ɔ, nɛ e ba gbo.

Ezekiel 44:17

Ke a maa ba Yawɛ we ɔ kpo nɔ je kue ɔmɛ a mi ɔ, a wo kploba tade. A ko wo kuutu nɔ́ ko kɛ ya sɔmɔ ngɛ kue ngua a nɛ ngɛ kpɛti ɔ mi; ye we ɔ nitsɛ mi hu, á pee ja kɛ.

Mose III, 3:17

Israel fɔfɔɛ ko nɛ kó ye zɔ, loo muɔ. Enɛ ɔ ji mlaa nɛ fɔɔ si kɛ yaa neneene ha nyɛ yi nɔhi tsuo ngɛ nyɛ hi he ɔmɛ.

Mose III, 22:15

Nɔ ko nɔ ko ko ble ní klɔuklɔu ɔmɛ nɛ Israel bi ɔmɛ ngɔ kɛ ba ha Yawɛ ɔ;

Mose IV, 15:15

Mlaa kake too maa pee mlaa ha ma a, kɛ nibwɔhi nɛ ngɛ nyɛ kpɛti ɔ kɛ yaa neneene. Ngɛ Yawɛ hɛ mi ɔ,

Mose IV, 18:8

Yawɛ de Aaron ke, “O nɛ, imi nitsɛ i ngɔ Israel bi ɔmɛ a nike ní klɛdɛɛ ɔ nɛ a kɛ ba ha mi ɔ kɛ ngɛ o dɛ woe. I ngɔ mɛ kɛ ngɛ mo, kɛ o bimɛ tsuo hae kaa nyɛ blɔ nya nɛ fɔɔ si kɛ yaa neneene.

Mose IV, 18:32

Ke nyɛ ngɔ nɔ́ nɛ hi pe lɛ tsuo ɔ kɛ ba ha Yawɛ ɔ, tue gblami ko be nyɛ nɔ bae. Se nyɛɛ hyɛ nɛ nyɛ ko ble Israel bi ɔmɛ a nike ní klɔuklɔu ɔmɛ, nɛ a ko gbe nyɛ.”