Mose II, 28:4 - BAIBLO ALOO NGMAMI KLƆUKLƆU Ɔ

⁴ Tadehi nɛ á kpɛ ɔ ji nɛ ɔmɛ nɛ: gugue tade, efɔd, tade klɔii, hiɔwe tade nɛ a lo, pɛɛ, kɛ mi mi fimi nɔ́. Á kpɛ tade klɔuklɔu nɛ ɔmɛ kɛ ha o nyɛminyumu Aaron, kɛ e binyumu ɔmɛ, konɛ a sɔmɔ mi kaa osɔfohi.

Mose II, 28:4 ပူးပေါင်းရင်းမြစ်များ

Kpojemi 9:17

Bɔ nɛ i na okpɔngɔ ɔmɛ ngɛ nina mi ji nɛ ɔ nɛ. Okpɔngɔ nɔ hili ɔmɛ wo dama; ekomɛ tsu tsutsuu kaa la; ekomɛ hɛɛ alamua tu su, nɛ ekomɛ hu ngɛ kaa kungwɔ zɔ. Okpɔngɔ ɔmɛ a yi ngɛ kaa jata yi, nɛ la, kɛ la su ku, kɛ la hɛuu ngɛ a nya mi jee.

Efesobi 6:14

Lɔ ɔ he ɔ, nyɛɛ da si nɛ nyɛ ha anɔkuale nɛ miaa nyɛ kaa mlɛ mi fimi nɔ́, nɛ dami sane yemi nɛ pee kaa dama ngɛ nyɛ gugue mi.

1 Tesalonikabi 5:8

Se wɔɔ lɛɛ piani bimɛ ji wɔ, nɛ e hia kaa wa hɛ mi nɛ ka si. Wa hemi kɛ yemi, kɛ suɔmi ɔ mi nɛ wa kaa dama, nɛ hɛ kɛ nɔ fɔmi kaa a ma he wa yi wami ɔ, lɔ ɔ hu mi nɛ wa kaa dade pɛɛ.

Yesaya 59:17

E maa ye dami sane be tsuaa be; dami sane yemi maa pee kaa tsɛ̃i nɛ ha e he. Yi wami hemi hu maa pee e hiami nɔ́; e maa pee kaa dade pɛɛ nɛ e bu. E kɛ abofu, kɛ hɛdɔ maa gbla he nyɛli ɔmɛ a tue kɛ fa ni nɛmɛ nɛ a ngɛ mɛ amimi yee ɔ a he.

Yesaya 11:5

Dami sane yemi, kɛ anɔkuale yemi ji níhi nɛ e kɛ maa ye ma a nɔ.

Samuel II, 6:14

David wo kploba efɔd, nɛ e do kɛ e he wami tsuo kɛ wo Yawɛ hɛ mi nyami.

Samuel I, 30:7

David de osɔfo Abiatar, Ahimelek binyumu ɔ ke, “Ngɔɔ efɔd ɔ kɛ ba ha mi.” Nɛ Abiatar ngɔ efɔd ɔ kɛ ba ha lɛ.

Samuel I, 23:6

Benɛ Ahimelek binyumu Abiatar tu fo kɛ bu David nɔ kɛ ya Keila a, e hɛɛ efɔd ɔ kɛ ho.

Samuel I, 22:18

Lɔ ɔ he ɔ, matsɛ ɔ de Doeg ke, “Moo gbe mɛ!” Nɛ Doeg, Edom no ɔ gbe osɔfohi nɛ a woɔ efɔd ɔ nyingmi kpaanyɔ kɛ enuɔ sɔuu jamɛ a ligbi ɔ.

Samuel I, 2:18

Jamɛ a be ɔ, jokuɛyo Samuel ɔ lɛɛ e ngɛ Yawɛ sɔmɔe, nɛ a kɛ kploba efɔd fi e kpɛti.

Mose II, 39:28

a kɛ kpa hiɔ kpakpa nɛ ɔ kɛ̃ kpɛ osɔfo pɛɛ nguaa a kɛ pɛɛ wawi ɔmɛ. A kɛ kpa hiɔ kpakpa nɛ a tslɔ kpɛ fiɔ mi tade ɔmɛ.

Mose II, 25:7

tɛ nɛ a tsɛɛ shoham, kɛ tɛhi nɛ a he jua wa nɛ a kɛ maa wo tade nɛ a tsɛɛ efɔd ɔ kɛ gugue tade ɔ a he.

Mose II, 29:6

Jehanɛ ɔ, bu lɛ pɛɛ ɔ, nɛ o fi jlasi klɔuklɔu kɛ wo pɛɛ ɔ he.

Hosea 3:4

Kikɛ nɛ ɔ Israel bi hu maa hi si be babauu nɛ a be matsɛmɛ, loo hɛ mi nyɛɛli. Bɔ sami, kɛ tɛ titimahi a jami se maa po; nɛ amagahi, kɛ níhi nɛ a kɛ klaa a, ekoeko be si hie hu.