Mose II, 28:31 - BAIBLO ALOO NGMAMI KLƆUKLƆU Ɔ

³¹ “Tade klɔii ɔ nɛ a woɔ ngɛ efɔd ɔ sisi ɔ, a lo lɛ kɛ kpa bluu sɔuu.

Mose II, 28:31 ပူးပေါင်းရင်းမြစ်များ

Mose III, 8:7

E ngɔ yi nɔ tade ɔ ngɔ wo Aaron, nɛ e kɛ mlɛ mi fimi nɔ́ fi e mlɛ mi, nɛ e wo lɛ tade klɔii ɔ. Jehanɛ e ngɔ tade nɛ a tsɛɛ efɔd ɔ ngɔ wo lɛ, nɛ e kɛ efɔd ɔ he kpa nɛ a lo lɛ saminyayoo ɔ fi efɔd ɔ nɔ.

Mose II, 28:28

Ngɔɔ kpa bluu kɛ fi gugue tade ɔ he ga amɛ kɛ wo efɔd ɔ he ga amɛ a he ngɛ mi mi fimi nɔ́ ɔ hiɔwe je, bɔ nɛ pee nɛ gugue tade ɔ nɛ ko kpɔ kɛ je efɔd ɔ he.

Mose II, 28:4

Tadehi nɛ á kpɛ ɔ ji nɛ ɔmɛ nɛ: gugue tade, efɔd, tade klɔii, hiɔwe tade nɛ a lo, pɛɛ, kɛ mi mi fimi nɔ́. Á kpɛ tade klɔuklɔu nɛ ɔmɛ kɛ ha o nyɛminyumu Aaron, kɛ e binyumu ɔmɛ, konɛ a sɔmɔ mi kaa osɔfohi.

Mose II, 28:32

A je kuɛ mi puɔ ngɛ he, nɛ a fia nya nɛ e ti kɛ kpe, konɛ e ko hía.

Mose II, 29:5

Lɔ ɔ se ɔ, wo tade ɔmɛ ha Aaron; hiɔwe tade ɔ, tade klɔii ɔ nɛ ngɛ efɔd ɔ nɔ ɔ, efɔd ɔ nitsɛ, kɛ gugue tade ɔmɛ, konɛ o ngɔ efɔd ɔ mlɛ mi fimi nɔ́ ɔ nɛ a je blɔ lo lɛ saminyayoo ɔ kɛ fi e mlɛ mi.

Samuel I, 2:19

Daa jeha a, e nyɛ kpɛɔ tade bɔbɔyoo ko kɛ ya haa lɛ, ke e kɛ e huno ɔ ya nɛ a ya sã jeha bɔ ɔ.