Mose II, 28:3 - BAIBLO ALOO NGMAMI KLƆUKLƆU Ɔ

³ Mo tsɛ nihi tsuo nɛ i kɛ ga ní tsumi he juɛmi dloo mɛ ɔ, nɛ o ha a kpɛ Aaron tade ɔmɛ kɛ pee lɛ klɔuklɔu, bɔ nɛ pee nɛ e ye osɔfo kɛ sɔmɔ mi.

Mose II, 28:3 ပူးပေါင်းရင်းမြစ်များ

Efesobi 1:17

nɛ i kpaa pɛɛ kaa wa Nyɔmtsɛ Yesu Kristo Mawu ɔ, kɛ wa Tsɛ nɛ hɛ mi ngɛ nyami ɔ nɛ ha nyɛ Mumi Klɔuklɔu ɔ. Mumi ɔ ma ha nɛ nyɛ maa le bɔ nɛ Mawu ngɛ anɔkuale mi, nɛ e ma je Mawu kpo kɛ tsɔɔ nyɛ, nɛ nyɛ maa le lɛ saminya.

Yesaya 11:2

Yawɛ mumi ɔ maa ba e nɔ. E ma ha lɛ sane se kɔmi, nile, kɛ ga nɛ e kɛ maa ye e ma a nɔ. E maa le Yawɛ suɔmi nya ní, nɛ e maa bu lɛ.

Yakobo 1:17

Nike ní kpakpa, kɛ níhi nɛ hi kɛ pi si nɛ wa naa yaka a, lɛ tsuo Mawu lɛ haa wɔ. Mawu lɛ bɔ pu, nyɔhiɔ, kɛ dodoehi nɛ ngɛ hiɔwe ɔ. E haa nɛ a haa wɔ la daa, nɛ lɛ nitsɛ hu e tsakee we gblegbleegble.

Mose V, 34:9

Nun bi, Yoshua nile nya ba bli, ejakaa Mose to lɛ si kaa nɔ nɛ ma ba ye e se. Israel ma a bu Yoshua tue, nɛ a ye mlaa amɛ nɛ Yawɛ wo mɛ kɛ gu Mose nɔ ɔ a nɔ.

Abɛ Womi 2:6

Yawɛ lɛ haa nɔ nile; lɛ nɛ e tsɔɔ nɔ nile, kɛ nɔ́ sisi numi.

Mose II, 35:35

E dloo mɛ ga ní tsumi tsuaa ga ní tsumi he juɛmi, kɛ nile babauu kɛ ha tso, aloo tɛ, aloo dade mi kpɛmi, kɛ ga ní tɛnimi kɛ ní kadimi nɛ a ngɔɔ kpa bluu, kpa nɛ hɛɛ alamua tu su, kpa tsu, kɛ kpa hiɔ kpakpa nɛ a tslɔ kɛ peeɔ ɔ. A nyɛɔ nɛ a tsuɔ ga ní tsumi tsuaa ga ní tsumi, nɛ a peeɔ ga ní tɛnimi hulɔ.

Mose II, 35:30

Mose de Israel bi ɔmɛ ke, “Nyɛ na, Yawɛ je blɔ hla Uri binyumu Bezalel, Hur bibi ɔ kɛ je Yuda wɛtso ɔ mi,

Mose II, 35:25

Yihi tsuo nɛ ga ngɛ a hɛ mi ɔ tslɔ kpa bluu, kpa nɛ hɛɛ alamua tu su, kpa tsu, kɛ kpa hiɔ kpakpa kɛ ba.

Mose II, 35:31

nɛ e ngɔ mumi mi nike ní babauu ngɔ ha lɛ. Yawɛ dloo lɛ ga ní tsumi he juɛmi, kɛ nile ha ga ní tsumi slɔɔtohi tsuo.

Mose II, 36:1

“Bezalel, Oholiab, kɛ nɔ tsuaa nɔ nɛ Yawɛ dloo lɛ ga ní tsumi he juɛmi, kɛ nile nɛ a kɛ ma tsu he klɔuklɔu ɔ mami ní tsumi ɔ, mɛ tsuo pɛpɛɛpɛ a ba nɛ a ba tsu ní ɔ kaa bɔ nɛ Yawɛ fa mɛ ɔ.”

Matsɛmɛ I, 7:14

Yalɔyo ko nɛ je Naftali wɛtso ɔ mi ɔ bi ji lɛ; e tsɛ lɛɛ e je Tiro, nɛ akɔblee ga ní tsulɔ ji lɛ. Huram hu akɔblee ga ní tsulɔ kpanaa ji lɛ; nɛ e ba Salomo ngɔ nɛ e ba tsu akɔblee ní tsumi ɔ tsuo.

Mose II, 35:10

“Ga ní tsuli ɔmɛ nɛ ngɛ nyɛ kpɛti ɔ, mɛ tsuo a ba nɛ a ba tsu ní tsumi nɛ Yawɛ fa nyɛ ke nyɛ tsu ɔ.

Mose II, 36:2

Mose tsɛ Bezalel, Oholiab, kɛ nɔ tsuaa nɔ nɛ Yawɛ dloo lɛ ga nile, nɛ jehanɛ e ngɛ ní tsumi ɔ he suɔmi ɔ kɛ ba ní tsumi ɔ he.