Mose II, 28:29 - BAIBLO ALOO NGMAMI KLƆUKLƆU Ɔ

²⁹ “Be tsuaa be nɛ Aaron ma ya sɛ he klɔuklɔu ɔ, e hɛɛ Yakob bimɛ ɔmɛ a biɛhi ngɛ kojomi gugue tade ɔ mi ngɛ e tsui nya; konɛ imi Yawɛ, ma kɛ kai ye ma a daa.

Mose II, 28:29 ပူးပေါင်းရင်းမြစ်များ

Mose II, 28:12

Jehanɛ, moo fi tɛ ɔmɛ kɛ wo efɔd ɔ konɔ kpa amɛ a he, konɛ a pee tɛhi nɛ a kɛ ma kai Yakob binyumu ɔmɛ; Aaron ma kpla biɛ ɔmɛ ngɛ e konɔ enyɔ ɔmɛ, bɔ nɛ pee nɛ imi Yawɛ, ma kai ye ma a daa.

Mose II, 28:30

Ngɔɔ ní ɔmɛ nɛ a kɛ leɔ ye yi mi, nɛ a tsɛɛ Urim kɛ Tumim ɔ kɛ wo gugue tade ɔ mi, nɛ Aaron nɛ hɛɛ mɛ ngɛ e gugue nya be tsuaa be nɛ e ma ye hɛ mi. Kɛkɛ ɔ, daa be tsuaa be ke Aaron ma he klɔuklɔu ɔ, níhi nɛ ma gu nɔ kɛ je ye yi mi tomi kpo kɛ tsɔɔ Israel bi ɔmɛ ɔ, e hɛɛ mɛ momo ngɛ e gugue nya.

Romabi 10:1

Ye nyɛmimɛ, pɛɛ nɛ i kpaa Mawu daa kɛ jeɔ ye tsui mi kɛ haa Israel bi ji kaa a he a yi wami.

Yeremia 30:21

A nɔ yelɔ ɔ maa je mɛ nitsɛmɛ a ma a mi; a matsɛ ɔ maa je mɛ nitsɛmɛ nɔuu a kpɛti. Ma tsɛ lɛ, nɛ e maa ba ye ngɔ. Mɛnɔ ma nyɛ maa hɛ lɛ kɛ su ye he be mi nɛ i tsɛ we lɛ? A maa pee ye ma, nɛ imi hu ma pee a Mawu. Imi, Yawɛ lɛ i de.”

Lahi 8:6

Koo suɔ nɔ ko nɔ ko, ja imi pɛ; koo la yo ko yo ko nine mi, ja imi pɛ. Suɔmi ngɛ he wami kaa gbenɔ; akɔnɔ hu nya wa kaa gbeje. E mleɔ kaa la, nɛ e tsoɔ gegeege.

Mose II, 28:15

“Gugue tade ɔ nɛ a kɛ leɔ ye yi mi ɔ, moo pee lɛ ngɛ ga mi; bɔ nɛ o pee efɔd ɔ, ja nɔuu o pee lɛ. Níhi nɛ ó ngɔ kɛ pee enɛ ɔ hu ji nɛ ɔmɛ nɛ: sika tsu kpa, kpa bluu, kpa tsu, kpa nɛ hɛɛ alamua tu su, kɛ kpa kpakpa nɛ a tslɔ.

Mose II, 28:28

Ngɔɔ kpa bluu kɛ fi gugue tade ɔ he ga amɛ kɛ wo efɔd ɔ he ga amɛ a he ngɛ mi mi fimi nɔ́ ɔ hiɔwe je, bɔ nɛ pee nɛ gugue tade ɔ nɛ ko kpɔ kɛ je efɔd ɔ he.