Mose II, 28:11 - BAIBLO ALOO NGMAMI KLƆUKLƆU Ɔ

¹¹ Mo kpɛ́ Yakob bimɛ ɔmɛ a biɛhi ngɛ tɛ ɔmɛ a nɔ kaa bɔ nɛ june he ní tsulɔ peeɔ ɔ, nɛ o sile sika tsu kɛ bɔle tɛ ɔmɛ kɛ kpe.

Mose II, 28:11 ပူးပေါင်းရင်းမြစ်များ

Kpojemi 7:2

I na bɔfo kpa ko hu nɛ ngɛ kuɔe kɛ je pu site he kɛ ma, nɛ e hɛɛ Mawu hɛ kalɔ ɔ nɔ́ nya sɔumi nɔ́. E kpa ngmlaa wawɛɛ, nɛ e de bɔfo eywiɛ ɔmɛ nɛ Mawu ha mɛ he wami ke a kpata zugba a, kɛ wo ɔ a hɛ mi ɔ ke,

2 Timoteo 2:19

Se tsu sisi tomi tɛ nɛ Mawu ngɔ kɛ ma si ha hemi kɛ yemi ɔ he wa, nɛ e be mimiɛe. Munyu nɛ a kɛ sɔu tɛ ɔ nya ji, “Nyɔmtsɛ ɔ le lɛ nitsɛ e nihi.” Ekpa hu deɔ ke, “Nɔ tsuaa nɔ nɛ deɔ ke Mawu nɔ́ ji lɛ ɔ, é kpa yayami peemi.”

Efesobi 4:30

Nyɛ ko wo Mawu Mumi Klɔuklɔu ɔ mi mi la. Ejakaa mumi ɔ ngɛ kaa so ko nɛ Mawu ngɔ kɛ kadi nyɛ kɛ tsɔɔ kaa be ma nɛ Mawu ma ha nɛ nyɛ maa ye nyɛ he.

Efesobi 1:13

Nyɛ hu, benɛ nyɛ nu anɔkuale sɛ gbi ɔ nɛ ji sane kpakpa a nɛ ma ha nɛ a he nyɛ yi wami ɔ, nyɛ he Kristo ye, nɛ Mawu ha nɛ Mumi Klɔuklɔu ɔ nɛ e wo he si ɔ ba nyɛ nɔ. Mawu pee enɛ ɔ, nɛ e kɛ kadi nyɛ kaa e nihi ji nyɛ niinɛ.

Zakaria 3:9

I ngɔ tɛ kake too kɛ e hɛ mi kpaago kɛ ngɛ Yoshua hɛ mi mae. Ma kpɛ́ ningma ngɛ tɛ ɔ mi, nɛ ma ha yayami maa ta zugba a nɔ ligbi kake too.

Yeremia 22:24

Yawɛ de Matsɛ Yehoyakin, Yuda matsɛ, Yehoyakim bi ɔ ke, “Ligbi abɔ nɛ ye hɛ ngɛ nɛ ɔ, ke mo ji womi nya sɔumi nɔ́ ngɛ ye hiɔ nine nguɛ he po, ma je mo kɛ je lejɛ ɔ,

Mose II, 39:18

A ngɔ kɔsɔkɔsɔ enyɔ ɔmɛ a nya enyɔ ɔmɛ kɛ la nɔ́ mi hɔmi nɔ́ enyɔ ɔmɛ a mi, nɛ a fi kɛ wo efɔd ɔ konɔ kpa amɛ a he ngɛ hɛ mi.

Mose II, 39:13

Zã eywiɛne ɔ mi ní ɔmɛ ji krisolito, shoham, kɛ yaspi. A sile sika tsu kɛ bɔle tɛ ɔmɛ.

Mose II, 39:6

A pee shoham tɛ ɔmɛ, nɛ a ngɔ mɛ kɛ hɔɔ sika tsu gahi a mi; nɛ a kpɛ́ Yakob binyumu ɔmɛ a biɛhi ngɛ a nɔ kaa bɔ nɛ june he ní tsulɔ ngmaa ní ngɛ nguɛ ga nɔ ɔ.

Mose II, 28:36

“Jehanɛ, ngɔɔ sika tsu ngmingmiingmi kɛ pee dade pɛtɛpɛtɛ, nɛ o ngma ngɛ nɔ kaa bɔ nɛ june he ní tsulɔ ngmaa ní ngɛ nguɛ ga nɔ ɔ ke, ‘Klɔuklɔu ha Yawɛ.’

Mose II, 28:25

Kɔsɔkɔsɔ enyɔ ɔmɛ nɛ a tslɔ kaa kpa a, mɛ hu a nya enyɔ ɔmɛ nɛ piɛ ɔ, ngɔɔ kɛ la nɔ́ mi hɔmi nɔ́ enyɔ ɔmɛ a mi, nɛ o fi kɛ wo efɔd ɔ konɔ kpa amɛ a he ngɛ hɛ mi.

Mose II, 28:21

Tɛ ɔmɛ tsuo nɛ a pee nyɔngma kɛ enyɔ; nɛ Yakob binyumu ɔmɛ a biɛhi nɛ hi a nɔ kakaaka. Wɛtso nyɔngma kɛ enyɔ ɔmɛ ɔ, a kpɛ́ eko tsuaa eko biɛ ngɛ tɛ kake nɔ kaa bɔ nɛ a ngmaa ní ngɛ nguɛ ga nɔ ɔ.

Mose II, 28:10

ngɛ a fɔmi nya; biɛ ekpa ngɛ tɛ kake nɔ, kɛ ekpa nɛ piɛ ɔ hu ngɛ tɛ kpa nɔ.

Mose II, 28:12

Jehanɛ, moo fi tɛ ɔmɛ kɛ wo efɔd ɔ konɔ kpa amɛ a he, konɛ a pee tɛhi nɛ a kɛ ma kai Yakob binyumu ɔmɛ; Aaron ma kpla biɛ ɔmɛ ngɛ e konɔ enyɔ ɔmɛ, bɔ nɛ pee nɛ imi Yawɛ, ma kai ye ma a daa.

Hiob 19:24

I ná nɛ a kɛ dade kpɛ́ ye munyu ɔmɛ ngɛ tɛ sa mi, nɛ a kɛ sumui wo mi, konɛ a hi lejɛ ɔ daa.