Mose II, 27:9 - BAIBLO ALOO NGMAMI KLƆUKLƆU Ɔ

⁹ “Jehanɛ moo po piɛ kɛ wo kpe he bo tsu ɔ he. Bo nɛ a kɛ kpa hiɔ kpakpa nɛ a tslɔ lo nɛ hi piɛ ɔ leneyi je; e kami nɛ pee nine mi blimi lafa enyɔ.

Mose II, 27:9 ပူးပေါင်းရင်းမြစ်များ

Ezekiel 42:3

Blɔ nɛ ngɛ tsu nɛ ɔ, kɛ kpo ɔ nɔ je nɔ́ ɔ a kpɛti ji gugue enuɔ, nɛ tsu ɔmɛ ngɛ a sibi a hanɔ. A ka tɛ ngɛ lejɛ ɔ zugba a. Agbo nya tsu nɛ ɔ, a ma lɛ siaudo etɛ, nɛ ablanaa ngɛ eko tsuaa eko hɛ mi.

Ezekiel 40:44

Jehanɛ nyumu ɔ kɛ mi ba mi mi je kue ɔ mi. Tsu enyɔ ngɛ lejɛ ɔ nɛ a bliɔ a sinya amɛ kɛ baa we ɔ mi je; kake ngɛ omleyi je agbo ɔ nya, nɛ e hɛ mi kpee leneyi je; nɛ kake hu ngɛ leneyi je agbo ɔ nya, nɛ e hɛ mi kpee omleyi je.

Ezekiel 40:32

Nyumu ɔ kɛ mi ya gu agbo nɛ ngɛ beleku je ɔ mi kɛ ya sɛ kue nɛ ngɛ we ɔ mi ɔ mi. E susu agbo ɔ, nɛ e ngɛ kaa ekpa amɛ nɔuu.

Ezekiel 40:28

Nyumu ɔ kɛ mi ya gu agbo nɛ ngɛ leneyi je ɔ mi kɛ ya su kue nɛ ngɛ mi mi je ɔ mi. E susu agbo ɔ; enɛ ɔ hu kɛ agbo ɔmɛ nɛ ngɛ kpo nɔ je ɔ sɔ.

Ezekiel 40:23

Kue ɔ nɛ ngɛ mi mi je ɔ we agbo ɔ, kɛ omleyi je nɔ́ ɔ ngɛ hanɔ kaa bɔ nɛ e kɛ leneyi je nɔ ɔ ngɛ ɔ pɛpɛɛpɛ. Nyumu ɔ susu kue enyɔ nɛ ɔmɛ a kpɛti kami, nɛ e ná gugue nyingmi enyɔ kɛ enuɔ.

Ezekiel 40:20

Jehanɛ e nyɛɛ ye hɛ mi kɛ ya omleyi je kɛ ya su kue ɔ nɛ ngɛ kpo nɔ je ɔ we agbo ɔ he. E susu e kami kɛ e blimi.

Ezekiel 40:14

A guu tsu nɛ ngɛ nyagbe ɔ mi kɛ ya jee kpo ngɛ kue kpa mi. E susu jamɛ a tsu ɔ hulɔ; e blimi ji gugue enuɔ.

La 100:4

Nyɛɛ ngɔ sina ba ha lɛ ngɛ e we ɔ; nyɛ je e yi ngɛ e kue ɔmɛ a mi. Nyɛɛ na lɛ si, nɛ nyɛ je e yi.

La 92:13

A ngɛ kaa tsohi nɛ a du ngɛ Yawɛ we ɔ, tsohi nɛ bɔ ngɛ wa Mawu ɔ kue ɔmɛ a mi.

La 84:10

Ligbi kake nɛ nɔ ko maa ye ngɛ o we ɔ hi pe ligbi akpe nɛ e maa ye ngɛ he kpa ko. Ma suɔ nɛ ma pee agbo nya bulɔ ngɛ ye Mawu ɔ we ɔ mohu, pe kaa ma hi yayami peeli a we mi.

Kronika II, 33:5

Jehanɛ e puɛ bɔ sami la tɛhi ngɔ ma kue enyɔ ɔmɛ nɛ ngɛ Yawɛ we ɔ a mi, konɛ a ja dodoehi ngɛ lejɛ ɔmɛ.

Matsɛmɛ I, 8:64

Jamɛ a ligbi ɔ nɔuu ɔ, Salomo pee kue ɔ nɛ ngɛ Yawɛ we kpɛti ɔ klɔuklɔu, nɛ e sã sami bɔ, kɛ niye ní bɔ ngɛ lejɛ ɔ; e ngɔ lohwe ɔmɛ a zɔ ɔ hu kɛ sã tue mi jɔmi bɔ. E pee nɔ́ nɛ ɔ, ejakaa akɔblee bɔ sami la tɛ ɔ klee we bɔ nɛ a ma nyɛ sã bɔ nɛ ɔmɛ tsuo ngɛ nɔ.

Matsɛmɛ I, 6:36

Kue ɔ nɛ Salomo ma ngɛ we ɔ kpɛti ɔ gbogbo ɔmɛ ɔ, tɛ nɛ a kó gbaka etɛ, kɛ seda plai gbaka kake nɛ a kɛ pee lɛ.

Mose II, 40:8

Moo po piɛ kɛ bɔle he klɔuklɔu, nɛ o wo bo ngɔ kpla si ngɛ piɛ ɔ sinya a nya.

Mose II, 39:40

bo ɔmɛ nɛ kplaa si ngɛ kpe he bo tsu ɔ piɛ ɔ he ɔ, e titima amɛ kɛ e nɔ dami ní ɔmɛ, piɛ ɔ nya bo ɔ, e he tangme ɔmɛ kɛ e he plɛɛko ɔmɛ, kɛ níhi tsuo nɛ a ngɔ kɛ tsu ní ngɛ kpe he bo tsu ɔ mi ɔ;

Mose II, 36:17

Bo enuɔ ɔmɛ nɛ a tsa a, a pee ga nyingmi enuɔ kɛ wo nyagbe nɔ́ enyɔ ɔmɛ a ti kake he; ekpa nɔ́ ɔ hu a pee lɛ ja nɔuu.

Mose II, 27:10

Akɔblee titima nyingmi enyɔ, kɛ nɔ dami nɔ́ nyingmi enyɔ nɛ hi piɛ ɔ he; se e he gbowe ɔmɛ, kɛ mani ɔmɛ lɛɛ a kɛ sika hiɔ nɛ pee mɛ.

Mose II, 35:17

bo ɔmɛ nɛ kplaa si ngɛ kpe he bo tsu ɔ piɛ ɔ he ɔ, e titima amɛ kɛ a nɔ dami ní ɔmɛ; piɛ ɔ nya bo ɔ;

Mose II, 40:33

Mose po piɛ kɛ bɔle kpe he bo tsu ɔ, kɛ bɔ sami la tɛ ɔ he, nɛ e wo bo ngɔ kpla piɛ ɔ sinya a nya. Mose gbe ní tsumi ɔ tsuo nya.

Mose IV, 3:26

kue ɔ nɛ bɔle kpe he ɔ, kɛ bɔ sami la tɛ ɔ he bo ɔmɛ, kɛ kue ɔ nitsɛ nya bo ɔ kɛ e he tangme kpa amɛ. Ní tsumi tsuaa ní tsumi nɛ kɔɔ ní nɛ ɔmɛ a he ɔ, mɛ lɛ a ma tsu.

Mose IV, 4:26

kue ɔ nɛ bɔle kpe he ɔ he bo ɔmɛ, kue ɔ nya bo ɔ, bɔ sami la tɛ ɔ, kɛ a he tangme kpa amɛ, kɛ a he ní tsumi ní ɔmɛ tsuo. Ní nɛ ɔmɛ a he ní tsumi tsuo nɛ sa tsumi ɔ, a tsu.

Mose IV, 4:32

kue ɔ nɛ bɔle si ɔ mi tso ɔmɛ, a nɔ dami ní ɔmɛ, kɛ plɛɛko ɔmɛ kɛ a he tangme kpa amɛ, kɛ a he ní ɔmɛ tsuo. Moo dla tlomihi nɛ a maa tloo ɔ ngɔ ha mɛ kakaaka.

Kronika II, 4:9

A pee kue kɛ ha osɔfo ɔmɛ, kɛ kue ngua a. A kpɛ sinya kɛ wo kue ɔmɛ a nya, nɛ a kɛ akɔblee ha sinya amɛ a he.

Ezekiel 40:17

Nyumu ɔ kɛ mi ya su kue ɔ nɛ ngɛ kpo nɔ je ɔ mi. Tsu nyingmi etɛ tsa a sibi a nɔ ngɛ gbogbo ɔ he. A ka tɛ ngɛ lejɛ ɔ zugba a tsuo