Mose II, 27:3 - BAIBLO ALOO NGMAMI KLƆUKLƆU Ɔ

³ Moo pee e he ngɛyuhi nɛ a kɛ muɔ la zu, sofihi, kahi, gbowehi, kɛ la jemi ngɛyuhi. Ngɔɔ akɔblee kɛ pee ní nɛ ɔmɛ tsuo.

Mose II, 27:3 ပူးပေါင်းရင်းမြစ်များ

Kronika II, 4:11

Jehanɛ, Huram pee buɛhi, sofihi, kɛ kãhi. Mawu we ɔ he ní tsumi nɛ Matsɛ Salomo ha lɛ tsumi ɔ, e gbe lɛ tsuo nya. Níhi nɛ e pee ɔ ji nɛ ɔmɛ nɛ: Akɔblee titima enyɔ ɔmɛ Akɔblee kpɔ enyɔ ɔmɛ nɛ ma titima amɛ a yi mi ɔ Ya enyɔ ɔmɛ nɛ a lo kɛ mɔmɔ nɛ a pee kaa kɔsɔkɔsɔ ngɔ ma titima enyɔ ɔmɛ a yi mi ɔ Akɔblee kpɔ kokloohi kaa tso yiblii lafa eywiɛ nɛ a pee ngɔ wo kla enyɔɔnyɔ a mi kɛ bɔle kpɔ ɔmɛ ɔ Tlɔɔke nyɔngma amɛ Kã nyɔngma amɛ Nyu nɔ́ ɔ Akɔblee na ku nyɔngma kɛ enyɔ ɔmɛ nɛ nyu nɔ́ ɔ maa si ngɛ a nɔ ɔ Buɛ ɔmɛ, sofi ɔmɛ, kɛ faka amɛ. Yawɛ we ɔ he ní nɛ ɔmɛ tsuo nɛ Huram pee ha Matsɛ Salomo ɔ, akɔblee nɛ a sa he lɛ a kɛ pee.

Kronika I, 28:17

Jehanɛ, David tsɔɔ sika tsu ngmingmiingmi hiɛmi nɛ a kɛ pee faka amɛ, ka amɛ, kɛ kplu ɔmɛ. E tsɔɔ sika hiɔ, kɛ sika tsu hiɛmi nɛ a kɛ pee likɔkɔ ɔmɛ.

Matsɛmɛ II, 25:15

A muɔ nɔ́ tsuaa nɔ́ nɛ a kɛ sika tsu, loo sika hiɔ pee ɔ, ngɛyu ɔmɛ, kɛ kã wawi ɔmɛ.

Matsɛmɛ I, 7:40

Jehanɛ, Huram pee buɛhi, sofihi, kɛ kãhi. Yawɛ we ɔ he ní tsumi nɛ Matsɛ Salomo ha lɛ tsumi ɔ, e gbe lɛ tsuo nya. Níhi nɛ e pee ɔ ji nɛ ɔmɛ nɛ: Akɔblee titima enyɔ. Akɔblee kpɔ enyɔ nɛ ma titima amɛ a yi mi. Ya enyɔ nɛ a lo, kɛ mɔmɔ jlasi nɛ a pee kaa kɔsɔkɔsɔ ngɔ ma titima enyɔ ɔmɛ a yi mi. Akɔblee kpɔ kokloohi kaa tso yiblii lafa eywiɛ nɛ a pee ngɔ wo gbaka enyɔɔnyɔ a mi kɛ bɔle kpɔ ɔmɛ. Tlɔɔke nyɔngma. Kã nyɔngma. Nyu nɔ́. Akɔblee na ku nyɔngma kɛ enyɔ nɛ nyu nɔ́ ɔ maa si ngɛ a nɔ. Buɛ ɔmɛ, sofi ɔmɛ, kɛ kã amɛ. Yawɛ we ɔ he ní nɛ ɔmɛ tsuo nɛ Huram pee ha Matsɛ Salomo ɔ, akɔblee nɛ a sa he a kɛ pee.

Mose IV, 4:14

Jehanɛ, a ngɔ ní ɔmɛ tsuo nɛ a kɛ sɔmɔɔ ngɛ lejɛ ɔ kɛ ma nɔ: ngɛyuhi, sofihi, gbowehi, kɛ kahi. Lɔ ɔ se ɔ, a ngɔ apletsi he womi nɛ a je blɔ pee kɛ ha he, loko a ngɔ tsohi nɛ a kɛ maa hɛɛ lɛ ɔ kɛ hɔɔ a blɔ hehi.

Mose III, 16:12

e ngɔ ngɛyu kɛ je la ngɛ bɔ sami la tɛ ɔ nɔ, nɛ e piti tsopa kɛ e he via nɛ a wɛɛ lɛ bukɔbukɔ dɛ kɔkɔ enyɔ, nɛ e kɛ sɛ he klɔuklɔu pe kulaa a.

Mose II, 38:3

E pee bɔ sami la tɛ ɔ he ní ɔmɛ tsuo: ngɛyuhi, sofihi, kahi, gbowehi, kɛ la jemi ngɛyuhi. E ngɔ akɔblee kɛ pee ní nɛ ɔmɛ tsuo.

Mose II, 24:6

Mose kɛ muɔ ɔ fa wo kahi a mi; nɛ fa a nɛ piɛ ɔ, e tsɛ̃ ngɔ pue bɔ sami la tɛ ɔ nɔ.

Mose II, 27:2

Moo pee kolihi ngɛ e kɔ nya eywiɛ ɔmɛ, nɛ a kɛ bɔ sami la tɛ ɔ nɛ tsa. A ngɔ akɔblee kɛ ha he.

Mose II, 27:4

Jehanɛ, ngɔɔ akɔblee nɛ o kɛ lo ya kɛ wo bɔ sami la tɛ ɔ he. Moo pee akɔblee ga eywiɛ kɛ wo ya a kɔ nya eywiɛ ɔmɛ.

Matsɛmɛ I, 7:50

kplu ɔmɛ, la gbemi ní ɔmɛ, kã amɛ, kɛ ngɛyu ɔmɛ nɛ a kɛ jeɔ la a; he klɔuklɔu pe kulaa a sinya amɛ a se asa amɛ, kɛ Yawɛ we ɔ kpo nɔ je sinya amɛ a se asa amɛ.

Matsɛmɛ II, 25:14

A muɔ buɛ ɔmɛ, sofi ɔmɛ, la gbemi ní ɔmɛ, tsopa kɛ e he via kã amɛ, kɛ akɔblee ní ɔmɛ nɛ a kɛ sɔmɔɔ ngɛ Yawɛ we ɔ hu kɛ ho.

Mose II, 27:19

Ní ɔmɛ tsuo nɛ a kɛ ma sɔmɔ ngɛ kpe he bo tsu ɔ mi, kpe he bo tsu ɔ he plɛɛko ɔmɛ, kɛ piɛ ɔ hu he plɛɛko ɔmɛ tsuo pɛpɛɛpɛ ɔ, a ngɔ akɔblee kɛ pee.