Mose II, 27:21 - BAIBLO ALOO NGMAMI KLƆUKLƆU Ɔ

²¹ Aaron kɛ kane ɔ nɛ ma kpe he bo tsu ɔ mi, ngɛ tsu mi pomi bo ɔ nɛ haa somi daka a hɛ mi ɔ hɛ mi. Aaron kɛ e binyumu ɔmɛ nɛ a hyɛ kane ɔ nɔ ngɛ ye hɛ mi daa kɛ je gbɔkuɛ kɛ yaa si mɔtu. Enɛ ɔ maa pee mlaa nɛ fɔɔ si kɛ yaa neneene kɛ ha Israel bi ɔmɛ, kɛ a nina tsuo.

Mose II, 27:21 ပူးပေါင်းရင်းမြစ်များ

Mose IV, 19:21

Mlaa nɛ fɔɔ si daa kɛ ha mɛ ji nɛ ɔ nɛ. Nɔ nɛ fĩaa nyu nɛ a kɛ fɔɔ nɔ he yayami ɔ ngɔ pueɔ nihi a nɔ ɔ, lɛ hu e fɔ e tade ɔmɛ a he; nɛ nɔ tsuaa nɔ nɛ nyu nɛ ɔ eko ma pue e nɔ ɔ, lɛ hu e he tsɔ we kɛ yaa si gbɔkuɛ.

Mose IV, 18:23

Levi bi ɔmɛ pɛ ji ni nɛmɛ nɛ ma tsu ní ngɛ kpe he ɔ; ke sane ko ba a, mɛ lɛ a ma bi. Enɛ ɔ ji mlaa nɛ fɔɔ si daa kɛ ha nyɛ bimɛ; se weto ní ko lɛɛ a be nae ngɛ Israel,

Kronika II, 13:11

Daa mɔtu kɛ gbɔkuɛ ɔ, a sãã sami bɔhi, kɛ tsopa kɛ e he via kɛ haa Yawɛ. A toɔ abolo klɛdɛɛ ɔ ngɔ fɔɔ okplɔɔ nɛ he tsɔ ko nɔ kɛ maa Yawɛ hɛ mi, nɛ daa gbɔkuɛ ɔ, a suɔ kane ɔmɛ ngɛ sika tsu kane tso ɔmɛ a nɔ. Wɔɔ lɛɛ nɔ́ nɛ Yawɛ, wa Mawu ɔ fa wɔ ke waa pee ɔ, lɔ ɔ wa peeɔ; se nyɛɛ lɛɛ nyɛ kua lɛ.

Samuel I, 3:3

Samuel lɛɛ e hwɔɔ si ngɛ Yawɛ sɔlemi we ɔ he nɛ Mawu somi daka a ngɛ ɔ. Benɛ je mi tsɔ we lolo, nɛ kane ɔ hu na we nɛ e gbo ɔ,

Mose III, 16:34

Á ye mlaa nɛ ɔmɛ a nɔ kɛ ya neneene. Daa jeha a, a maa pee kusumi nɛ ɔ si kake kɛ kpata Mawu ha Israel bi ɔmɛ ngɛ a he yayami ɔmɛ a he. Mose pee kaa bɔ nɛ Yawɛ fa lɛ ɔ.

Mose III, 3:17

Israel fɔfɔɛ ko nɛ kó ye zɔ, loo muɔ. Enɛ ɔ ji mlaa nɛ fɔɔ si kɛ yaa neneene ha nyɛ yi nɔhi tsuo ngɛ nyɛ hi he ɔmɛ.

Mose II, 30:8

Daa gbɔkuɛ hu ke e ma kane ɔmɛ sumi ɔ, e pee ja nɔuu. A sã tsopa kɛ e he via nɛ ɔ daa ngɛ imi Yawɛ, ye hɛ mi. A pee nɔ́ nɛ ɔ yi nɔ tsuaa yi nɔ.

2 Petro 1:19

Lɔ ɔ he ɔ, wa na kaa munyuhi nɛ gbali ɔmɛ tu ɔ ba mi niinɛ. Nyɛ hu ke nyɛ bɔ mɔde nɛ nyɛ bu tue ɔ, e maa hi ha nyɛ; ejakaa e ngɛ kaa la nɛ ngɛ tsoe ngɛ diblii mi kɛ yaa si je maa na, nɛ nɔkɔ la a ma kpɛ ngɛ nyɛ tsui mi.

Yohane 5:35

Yohane ba kaa la nɛ ngɛ tsoe, nɛ ngɛ kpɛe ha nyɛ. Se be bɔɔ pɛ nɛ nyɛ ná e he bua jɔmi.

Samuel I, 30:25

David pee nɔ́ nɛ ɔ mlaa, nɛ a ngɛ nɔ yee ngɛ Israel kɛ je jamɛ a be ɔ kɛ ba si mwɔnɛ ɔ.

Mose II, 28:43

Aaron kɛ e binyumu ɔmɛ nɛ a wo fiɔ mi tade nɛ ɔmɛ be tsuaa be nɛ a ma kpe he bo tsu ɔ mi ɔ, aloo ke a ma sɔmɔmi ngɛ bɔ sami la tɛ ɔ he ngɛ he klɔuklɔu ɔ. Ke pi ja a, musu maa tloo mɛ nɛ a ma gbo. Enɛ ɔ nɛ pee mlaa nɛ fɔɔ si kɛ yaa neneene kɛ ha Aaron kɛ e weku kɛ nina.

Kpojemi 2:1

Nɛ e de ke, “Bɔfo ɔ nɛ ngɛ Efeso asafo ɔ nya a, ngmaa womi nɛ ɔ ya ha lɛ ke, “Nɔ nɛ hɛɛ dodoe kpaago ɔmɛ ngɛ e hiɔ nine mi, nɛ e ngɛ nyɛɛe ngɛ sika tsu kane tso kpaago ɔmɛ a kpɛti ɔ, sɛ gbi nɛ je e ngɔ ji nɛ ɔ nɛ.

2 Korintobi 4:6

Mawu lɛ de ke, “La nɛ tso kɛ je diblii mi.” Lɛ Mawu ɔ nɔuu lɛ haa la kpɛɔ ngɛ wa tsui mi. Nɛ la nɛ ɔ haa wa leɔ Mawu hɛ mi nyami nɛ kpɛɔ ngɛ Kristo hɛ mi ɔ.

Luka 12:35

“Nyɛɛ mia, nɛ nyɛɛ pee klaalo; nɛ nyɛ kane ɔmɛ nɛ a hi tsoe

Mateo 4:16

Nihi nɛ hi diblii mi ɔ ba na la nguaa. Ni nɛmɛ nɛ hi gbenɔ zugba, kɛ gbenɔ hɔ̃ mi ɔ, la je ha mɛ.”

Malaki 2:7

E sa kaa osɔfo ɔmɛ nɛ a tsɔɔ ma a ní, nɛ a le Mawu anɔkuale mi. E sa kaa ma a nɛ ya a ngɔ nɛ a ya kase ye suɔmi nya ní. Ejakaa imi Yawɛ Tabohiatsɛ ɔ, ye tsɔli ji osɔfo ɔmɛ ɔ nɛ.

La 134:1

Nyɛ Yawɛ tsɔli tsuo, nyɛɛ ba; nyɛ je Yawɛ yi! Nyɛ nɛ nyɛ sɔmɔɔ Yawɛ ngɛ e we ɔ nyɔnyɔɔnyɔ, nyɛ je e yi

Mose IV, 8:9

Lɔ ɔ se ɔ, o maa kpee Israel ma mluku ɔ tsuo kɛ ba, nɛ o kɛ Levi bi ɔmɛ ma ba da si ngɛ kpe he bo tsu ɔ sinya a nya.

Mose III, 24:9

Abolo nɛ ɔ maa pee Aaron kɛ e nina a nɔ́. A ye ngɛ he ko nɛ ngɛ klɔuklɔu, ejakaa niye ní nɛ a kɛ ba sãã bɔ ha Yawɛ ɔ peeɔ osɔfo ɔmɛ a nɔ́; e ji nɔ́ klɔuklɔu.

Mose III, 24:3

Aaron nɛ ya su kane ɔmɛ daa gbɔkuɛ, nɛ a hi tsoe ngɛ Yawɛ hɛ mi kɛ yaa si mɔtu. E kɛ ma tsu mi pomi bo ɔ nɛ tsi somi daka a hɛ mi ɔ se, ngɛ he klɔuklɔu pe kulaa a. Enɛ ɔ ji mlaa nɛ maa fɔ si kɛ ha nyɛ yi nɔhi tsuo kulaa kɛ yaa neneene.

Mose III, 3:8

é ngɔ e nine kɛ fɔ lohwe ɔ yi mi, nɛ e gbe lɛ ngɛ kpe he bo tsu ɔ hɛ mi. Osɔfo ɔmɛ nɛ a tsɛ̃ muɔ ɔ kɛ pue bɔ sami la tɛ ɔ he kɛ kpe.

Mose II, 40:3

Ngɔɔ somi daka a nɛ mlaa amɛ ngɛ mi ɔ kɛ ma mi, konɛ o ngɔ tsu mi pomi bo ɔ kɛ tsi daka a hɛ mi.

Mose II, 30:36

Moo wɛɛ eko nɛ e pee bukɔbukɔ kaa mamu, nɛ o ngɔ eko kɛ ya ma daka a nɛ somi womi ɔ ngɛ mi ɔ hɛ mi ngɛ kpe he bo tsu ɔ mi he nɛ i kɛ nyɛ maa kpe ngɛ ɔ. Nyɛɛ hɛɛ tsopa kɛ e he via nɛ ɔ kaa nɔ́ ko klɔuklɔu nitsɛnitsɛ.

Mose II, 29:44

Ma tsukɔ kpe he bo tsu ɔ, kɛ bɔ sami la tɛ ɔ he. Aaron kɛ e binyumu ɔmɛ hu ma tsukɔ a he, konɛ a sɔmɔ mi kaa osɔfohi.

Mose II, 29:42

Kikɛmɛ a sami bɔ nɛ ɔ nɛ pee bɔ ko nɛ nyɛɛ kɛ nyɛ nina maa sã daa ngɛ kpe he bo tsu ɔ sinya a nya, ngɛ imi Yawɛ, ye hɛ mi. Lejɛ ɔ i kɛ nyɛ maa kpe ngɛ, nɛ lejɛ ɔ i kɛ nyɛ maa tu munyu ngɛ.

Mose II, 29:28

Ní nɛ ɔmɛ maa pee Aaron kɛ e binyumu ɔmɛ a blɔ nya ní; ejakaa e ji mlaa nɛ fɔɔ si kɛ yaa neneene kaa ke Israel bi ɔmɛ ba sã bɔ ɔ, lohwe ɔ gugue, kɛ e fiɔ ɔ nɛ pee osɔfo ɔmɛ a nɔ́. Enɛ ɔ ji nike ní nɛ ma a kɛ ba ke Yawɛ.

Mose II, 25:16

Somi womi ɔ nɛ ma ngɔ ha mo ɔ, ngɔɔ kɛ wo daka a mi.

Mose II, 16:34

Nɛ kaa bɔ nɛ Yawɛ fa Mose ɔ, Aaron ngɔ kɛ ma somi daka a hɛ mi.

Mose I, 1:8

Mawu wo nɔ́ ɔ biɛ ke “Hiɔwe”. Nɛ je jɔ, nɛ je na; nɛ e pee ligbi nɛ ji enyɔ.

Mose I, 1:5

E wo la a biɛ ke “Piani” nɛ e tsɛ diblii ɔ ke “Nyɔ.” Nɛ je jɔ, nɛ je na; nɛ e pee kekleekle ligbi.

Mose III, 24:2

e de Israel bi ɔmɛ nɛ a ngɔ oliv nu nɛ a si mi nɛ e mi tsɔ ngleinglei kɛ ba, nɛ a kɛ ba wo kane ɔmɛ a mi ngɛ bo tsu ɔ mi, konɛ la nɛ hi tsoe be tsuaa be ngɛ lejɛ ɔ.

Mose IV, 18:5

He klɔuklɔu ɔ, kɛ bɔ sami la tɛ ɔ, o kɛ o bimɛ ɔmɛ pɛ nyɛ tsu ní ngɛ lejɛ ɔ, konɛ ye mi mi nɛ ko fu Israel bi ɔmɛ ekohu.

Mose II, 12:14

Ligbi nɛ ɔ maa pee kaimi ligbi nguaa ha nyɛ, nɛ nyɛ maa ye ligbi ɔ kaa nyami be kɛ ha Yawɛ; nɛ enɛ ɔ maa pee mlaa nɛ fɔɔ si ha nyɛɛ kɛ nyɛ nina kɛ maa ya neneene.

Mose III, 6:15

É piti mamu bukɔbukɔ, kɛ nu ɔ, kɛ tsopa kɛ e he via nɛ ngɛ niye ní bɔ ɔ nɔ ɔ tsuo e dɛ kɔkɔ kake, nɛ e sã ngɛ bɔ sami la tɛ ɔ nɔ, konɛ e je via liliili, nɛ e pee kaimi nɔ ha Yawɛ.

Mose III, 7:36

Jamɛ a ligbi ɔ nɛ Yawɛ pɔ mɛ nu ɔ nɛ e fa Israel bi ɔmɛ ke a ngɔ bɔ nɛ a sãã a mi fa nɛ ɔ ngɔ ha mɛ. E ji mlaa nɛ fɔɔ si ha Israel bi ɔmɛ kɛ a nina tsuo kulaa yi nɔhi tsuo.

Mose III, 10:9

“O kɛ o binyumu ɔmɛ nyɛ ti nɔ ko nɔ ko kó nu wai, loo dã nɛ nya wa kɛ ya kpe he bo tsu ɔ mi. Ke nyɛ pee ja a, nyɛ ma gbo. Enɛ ɔ maa pee mlaa nɛ fɔɔ si ha nyɛ kɛ yaa neneene.

Mose III, 17:7

Enɛ ɔ ma ha Israel bi ɔmɛ maa jɔɔ bɔ sami ha mumi yayamihi nɛ hɛɛ apletsi su nɛ a jee Mawu se nɛ a ya jaa a. Enɛ ɔ maa pee mlaa nɛ fɔɔ si ha mɛ, kɛ a nina kɛ yaa neneene.

Mose III, 23:14

Nyɛ ko ye blɛfo kpokploku, loo blɛfo nɛ a sã, loo abolo kɛ yaa si be nɛ nyɛ maa ngɔ nyɛ Mawu ɔ bɔ kɛ ba ha lɛ. Enɛ ɔ ji mlaa nɛ maa fɔ si kɛ ha nyɛ yi nɔ ɔmɛ tsuo ngɛ nyɛ hi he ɔmɛ tsuo kɛ yaa neneene.

Mose III, 23:21

Jamɛ a ligbi ɔ, nɔ ko nɔ ko kó tsu ní tsumi kpakpataa ko, se nyɛ bua nyɛ he nya, nɛ nyɛ ja Mawu. Enɛ ɔ ji mlaa nɛ maa fɔ si kɛ maa ya neneene ha nyɛ yi nɔ ɔmɛ tsuo pɛpɛɛpɛ ngɛ nyɛ sihi he ɔmɛ tsuo.

Mose IV, 35:29

Enɛ ɔmɛ ji mlaahi, kɛ blɔ nya tomihi nɛ fɔɔ si ha nyɛ, ngɛ yi nɔhi tsuo ngɛ he tsuaa he nɛ nyɛ ngɛ.