Mose II, 27:2 - BAIBLO ALOO NGMAMI KLƆUKLƆU Ɔ

² Moo pee kolihi ngɛ e kɔ nya eywiɛ ɔmɛ, nɛ a kɛ bɔ sami la tɛ ɔ nɛ tsa. A ngɔ akɔblee kɛ ha he.

Mose II, 27:2 ပူးပေါင်းရင်းမြစ်များ

Matsɛmɛ I, 1:50

Adoniya ye Salomo gbeye wawɛɛ nitsɛ; e ya sɛ bo tsu ɔ mi, nɛ e ya fua bɔ sami la tɛ ɔ he koli ɔmɛ.

Matsɛmɛ I, 2:28

Yoab nu sane nɛ ba a. (Lɛɛ e fi Adoniya se, se pi Absalom). Lɔ ɔ he ɔ, e tu fo ya sɛ Yawɛ bo tsu ɔ mi ya fua bɔ sami la tɛ ɔ he koli ɔmɛ.

Matsɛmɛ I, 8:64

Jamɛ a ligbi ɔ nɔuu ɔ, Salomo pee kue ɔ nɛ ngɛ Yawɛ we kpɛti ɔ klɔuklɔu, nɛ e sã sami bɔ, kɛ niye ní bɔ ngɛ lejɛ ɔ; e ngɔ lohwe ɔmɛ a zɔ ɔ hu kɛ sã tue mi jɔmi bɔ. E pee nɔ́ nɛ ɔ, ejakaa akɔblee bɔ sami la tɛ ɔ klee we bɔ nɛ a ma nyɛ sã bɔ nɛ ɔmɛ tsuo ngɛ nɔ.

Matsɛmɛ II, 16:14

Lɔ ɔ se ɔ, e je akɔblee bɔ sami la tɛ momo ɔ nɛ maa Yawɛ hɛ mi ɔ kɛ je e ma he ɔ ngɛ Yawɛ we ɔ, kɛ e bɔ sami la tɛ he ɔ a kpɛti ɔ, nɛ e kɛ ya ma e bɔ sami la tɛ he ɔ we omleyi je.

Kronika II, 4:1

Matsɛ Salomo ha nɛ a pee akɔblee bɔ sami la tɛ; e kami ji gugue enuɔ, e blimi ji gugue enuɔ, nɛ e hiɔwe yami ji gugue enyɔ kɛ fa.

La 118:27

Yawɛ ji Mawu; e ha wɔ la. Nyɛɛ hɛɛ tã kuɔmi ngɛ nyɛ dɛ, nɛ nyɛɛ bɔ sala kɛ ya bɔle bɔ sami la tɛ ɔ koli ɔmɛ.

Mose II, 27:3

Moo pee e he ngɛyuhi nɛ a kɛ muɔ la zu, sofihi, kahi, gbowehi, kɛ la jemi ngɛyuhi. Ngɔɔ akɔblee kɛ pee ní nɛ ɔmɛ tsuo.

Mose II, 29:12

Ngɔɔ na muɔ ɔ eko nɛ o ngɔ o nine nguɛ kɛ sɔ mi nɛ o kɛ kpa bɔ sami la tɛ ɔ koli ɔmɛ a he. Lɔ ɔ se ɔ, mo plɛ muɔ ɔ nɛ piɛ ɔ tsuo kɛ pue bɔ sami la tɛ ɔ sisi.

Mose II, 38:30

Lɔ ɔ ji nɔ nɛ e ngɔ kɛ pee kpe he bo tsu ɔ nya sinya a nɔ dami ní ɔmɛ, akɔblee bɔ sami la tɛ ɔ kɛ e he akɔblee ya a, bɔ sami la tɛ ɔ he ní ɔmɛ tsuo,

Ezekiel 43:15

E yi mi he nɛ a sãã bɔ ɔmɛ ngɛ ɔ peeɔ gugue kake. Koli eywiɛ maa si glouu ngɛ la tɛ ɔ kɔ nya eywiɛ ɔmɛ.

Mose III, 16:18

é je kpo kɛ ya bɔ sami la tɛ nɛ ngɛ Yawɛ hɛ mi ɔ he, nɛ e ya kpata Yawɛ kɛ ha la tɛ ɔ. É ngɔ na ku ɔ muɔ ɔ eko, kɛ akpakpo ɔ hu muɔ ɔ eko kɛ kpa bɔ sami la tɛ ɔ koli ɔmɛ a he.

Mose III, 4:18

Jehanɛ, é ngɔ muɔ ɔ eko kɛ kpa la tɛ ɔ nɛ a sãã tsopa kɛ e he via ngɛ nɔ ɔ koli ɔmɛ a he ngɛ kpe he bo tsu ɔ mi. Muɔ nɛ maa piɛ ɔ, é tsɛ̃ kɛ pue bɔ sami la tɛ ɔ nɛ ngɛ kpe he bo tsu ɔ sinya a nya a sisi.

Mose III, 4:25

Jehanɛ, osɔfo ɔ nɛ ngɔ e nine nguɛ kɛ sɔ muɔ ɔ mi, nɛ e kɛ kpa la tɛ ɔ nɛ a sãã sami bɔ ngɛ nɔ ɔ koli ɔmɛ a he. É tsɛ̃ muɔ nɛ piɛ ɔ ngɔ pue bɔ sami la tɛ ɔ sisi.

Mose III, 4:7

Lɔ ɔ se ɔ, e ngɔ muɔ ɔ eko kɛ kpa la tɛ ɔ nɛ a sãã tsopa kɛ e he via ngɛ nɔ ɔ koli ɔmɛ a he ngɛ kpe he bo tsu ɔ mi. É tsɛ̃ muɔ nɛ piɛ ɔ ngɔ pue bɔ sami la tɛ ɔ nɛ ngɛ kpe he bo tsu ɔ sinya nya a sisi.

Mose III, 8:15

Mose gbe lohwe ɔ, nɛ e ngɔ e nine nguɛ kɛ sɔ muɔ ɔ mi, nɛ e kɛ kpa bɔ sami la tɛ ɔ koli ɔmɛ a he. Kɛkɛ nɛ e tsɛ̃ muɔ ɔ kɛ pue bɔ sami la tɛ ɔ sisi. Blɔ nɔ nɛ a gu kɛ tsukɔ bɔ sami la tɛ ɔ he ji nɛ ɔ nɛ.

Zakaria 9:15

Yawɛ Tabohiatsɛ ɔ maa bu e ma a he, a maa naa amlami fɔli ɔmɛ a nɔ, nɛ a ma kpata a hɛ mi. Muɔ ma pue si kaa wai nɛ hyi kplu. A ma pue a he nyɛli a muɔ si basaa kaa bɔ nɛ a kpaa muɔ kɛ pueɔ bɔ sami la tɛ nɔ ɔ.

Mose IV, 3:31

Ní tsumi nɛ a tu kɛ wo a dɛ mi ji: ní tsumi tsuaa ní tsumi nɛ kɔɔ somi daka a he, okplɔɔ ɔ, kane tso ɔ, bɔ sami la tɛ ɔmɛ, níhi nɛ osɔfo ɔmɛ kɛ sɔmɔɔ ngɛ he klɔuklɔu ɔ, kɛ tsu mi pomi bo ɔ.

Hebribi 6:18

E tsɔɔ kaa nɔ́ enyɔ nɛ ɔmɛ be tsakee gblegbleegble, nɛ Mawu hu be a he lakpa yee. Kɛkɛ ɔ, kɛ gu a nɔ ɔ, wɔ nihi nɛ wa ba sa we ngɛ Mawu ngɔ ɔ, e maa wo wɔ he wami, konɛ waa pɛtɛ nɔ́ nɛ wa ngɔ wa hɛ ngɔ fɔ nɔ ɔ he nɛ wa.