Mose II, 27:16 - BAIBLO ALOO NGMAMI KLƆUKLƆU Ɔ

¹⁶ Piɛ ɔ nya nitsɛ nya bo ɔ lɛɛ e kami nɛ pee nine mi blimi nyingmi eywiɛ. Á ngɔ kpa bluu, kpa tsu, kɛ kpa nɛ hɛɛ alamua tu su kɛ lo; nɛ a kɛ abui nɛ kadi ní saminyayoo ngɔ wo mi. Titima eywiɛ, kɛ nɔ dami nɔ́ eywiɛ nɛ hi he.

Mose II, 27:16 ပူးပေါင်းရင်းမြစ်များ

Mose II, 26:36

“Kpe he bo tsu ɔ sinya a nya bo ɔ, ngɔɔ kpa bluu, kpa tsu, kɛ kpa nɛ hɛɛ alamua tu su kɛ lo; nɛ a kɛ abui nɛ kadi ní kɛ wo mi.

La 45:14

Bo nɛ a lo ní saminyawiiwi kɛ wo mi nɛ e bu kɛ ba matsɛ ɔ ngɔ. E mawa amɛ nɛ a kpaka lɛ kɛ ba; e he biali, kɛ e huɛmɛ nyɛɛ e se yuu.

Manyadali 5:30

“Anɛ pi ní nɛ a ngɛ hae ngɛ gbae lo? Nyumu tsuaa nyumu nɔ́ ji zangmayo kake, loo enyɔ. Sisera lɛɛ e ma na bohi nɛ a ngɔ tsopa kɛ fi; bohi nɛ a lo ní kɛ wo mi. E maa ngɔ bo ɔ kpo enyɔ ba ha mi nɛ ma kɛ ha ye kuɛ mi!”

Mose II, 39:29

Mi mi fimi nɔ́ ɔ hu, a ngɔ kpa hiɔ kpakpa nɛ a tslɔ, kpa bluu, kpa nɛ hɛɛ alamua tu su, kɛ kpa tsu kɛ pee, nɛ a kadi ní wo mi kaa bɔ nɛ Yawɛ fa Mose ɔ.

Mose II, 36:37

A kɛ kpa bluu, kpa nɛ hɛɛ alamua tu su, kɛ kpa tsu lo kpe he bo tsu ɔ sinya a nya bo ɔ; nɛ a kadi ní kɛ wo mi.

Mose II, 28:39

“Hiɔwe tade ɔ, a ngɔ kpa hiɔ kpakpa kɛ lo, nɛ a kadi ní kɛ wo mi. Pɛɛ ɔ hu ngɔɔ kpa hiɔ kpakpa a nɔuu kɛ kpɛ, konɛ a lo ní kɛ wo mi mi fimi nɔ́ ɔ mi.

Mose II, 26:31

“Tsu mi pomi bo ɔ, moo gbɔ kpa bluu, kpa tsu, kɛ kpa nɛ hɛɛ alamua tu su, nɛ a kɛ lo, nɛ á je blɔ nɛ a kadi kerub saminyawiiwi kɛ wo mi.

Mose II, 27:15

Kasa kake ɔ hu tsu nya bohi nɛ hi lejɛ ɔ. Mɛ hu a kami nɛ pee nine mi blimi nyingmi etɛ ɔ kɛ̃, kɛ a he titima etɛ, kɛ nɔ dami nɔ́ etɛ.

Mose II, 27:17

Titima amɛ tsuo nɛ bɔle piɛ ɔ kɛ kpe ɔ, a pee akɔblee nɔ dami nɔ́ kɛ ha mɛ. Jehanɛ, a kɛ sika hiɔ nɛ pee a mani womi tso ɔmɛ, nɛ a pee sika hiɔ gbowehi kɛ wo a he.

Mose IV, 3:26

kue ɔ nɛ bɔle kpe he ɔ, kɛ bɔ sami la tɛ ɔ he bo ɔmɛ, kɛ kue ɔ nitsɛ nya bo ɔ kɛ e he tangme kpa amɛ. Ní tsumi tsuaa ní tsumi nɛ kɔɔ ní nɛ ɔmɛ a he ɔ, mɛ lɛ a ma tsu.