Mose II, 26:36 - BAIBLO ALOO NGMAMI KLƆUKLƆU Ɔ

³⁶ “Kpe he bo tsu ɔ sinya a nya bo ɔ, ngɔɔ kpa bluu, kpa tsu, kɛ kpa nɛ hɛɛ alamua tu su kɛ lo; nɛ a kɛ abui nɛ kadi ní kɛ wo mi.

Mose II, 26:36 ပူးပေါင်းရင်းမြစ်များ

Mose II, 36:37

A kɛ kpa bluu, kpa nɛ hɛɛ alamua tu su, kɛ kpa tsu lo kpe he bo tsu ɔ sinya a nya bo ɔ; nɛ a kadi ní kɛ wo mi.

Yohane 14:6

Yesu he nɔ ke, “Imi ji blɔ ɔ, imi ji anɔkuale ɔ, nɛ imi ji wami ɔ hulɔ. Nɔ ko nɔ ko yɛ Tsɛ ɔ ngɔ kaa ja e gu ye nɔ.

Yohane 10:9

Imi ji agbo ɔ nɛ; nɔ tsuaa nɔ nɛ ba guu agbo ɔ mi kɛ sɛɔ mi ɔ, e yi ma na wami. E maa sɛ mi, nɛ e maa kpale je kpo ya na niye ní.

La 78:60

E si e sihi he ɔ nɛ ngɛ Shilo ɔ, bo tsu ɔ nɛ e hi mi ngɛ e ma a kpɛti ɔ.

Samuel II, 7:6

Kɛ je ligbi nɛ i ya kpɔ Israel ma a kɛ je Egipt kɛ ba si mwɔnɛ ligbi nɛ ɔ, i hí we ko mi hyɛ; bo tsu ji we nɛ i hii mi.

Mose IV, 9:15

Ligbi ɔ nɛ a ma kpe he ɔ, bɔku ɔ ba ha he. Kɛ je gbɔkuɛ kɛ ya si je na a, bɔku ɔ ngɛ kpɛe kaa la.

Mose IV, 3:25

Kpe he bo tsu ɔ he níhi nɛ a tu kɛ wo a dɛ mi ji: kpe he ɔ, bo tsu ɔ kɛ e nɔ hami nɔ́ ɔ, bo tsu ɔ sinya a nya bo ɔ,

Mose II, 39:33

Nɛ a ngɔ kpe he bo tsu ɔ, kɛ e he ní ɔmɛ tsuo kɛ ba Mose ngɔ; e he gbowe ɔmɛ, sima tso ɔmɛ, mani tso ɔmɛ, titima amɛ, kɛ nɔ dami ní ɔmɛ;

Mose II, 35:11

Kpe he bo tsu ɔ, e he hami ní ɔmɛ, kɛ e nɔ hami ní ɔmɛ, e gbowe ɔmɛ kɛ e sima tso ɔmɛ, e mani tso ɔmɛ, e titima amɛ kɛ e nɔ dami ní ɔmɛ;

Mose II, 26:31

“Tsu mi pomi bo ɔ, moo gbɔ kpa bluu, kpa tsu, kɛ kpa nɛ hɛɛ alamua tu su, nɛ a kɛ lo, nɛ á je blɔ nɛ a kadi kerub saminyawiiwi kɛ wo mi.

Mose II, 27:16

Piɛ ɔ nya nitsɛ nya bo ɔ lɛɛ e kami nɛ pee nine mi blimi nyingmi eywiɛ. Á ngɔ kpa bluu, kpa tsu, kɛ kpa nɛ hɛɛ alamua tu su kɛ lo; nɛ a kɛ abui nɛ kadi ní saminyayoo ngɔ wo mi. Titima eywiɛ, kɛ nɔ dami nɔ́ eywiɛ nɛ hi he.

Mose II, 28:39

“Hiɔwe tade ɔ, a ngɔ kpa hiɔ kpakpa kɛ lo, nɛ a kadi ní kɛ wo mi. Pɛɛ ɔ hu ngɔɔ kpa hiɔ kpakpa a nɔuu kɛ kpɛ, konɛ a lo ní kɛ wo mi mi fimi nɔ́ ɔ mi.

Mose II, 38:18

Piɛ ɔ nya bo ɔ, a ngɔ kpa bluu, kpa nɛ hɛɛ alamua tu su, kpa tsu, kɛ kpa hiɔ kpakpa nɛ a tslɔ kɛ kadi ní saminyayoo ngɔ wo mi. E kami ji nine mi blimi nyingmi eywiɛ, nɛ e blimi ji nine mi blimi nyɔngma, kaa piɛ ɔ he bo ɔmɛ pɛpɛɛpɛ.

Mose II, 39:29

Mi mi fimi nɔ́ ɔ hu, a ngɔ kpa hiɔ kpakpa nɛ a tslɔ, kpa bluu, kpa nɛ hɛɛ alamua tu su, kɛ kpa tsu kɛ pee, nɛ a kadi ní wo mi kaa bɔ nɛ Yawɛ fa Mose ɔ.

Ezekiel 16:10

Lɔ ɔ se ɔ, i ngɔ ní nɛ ɔmɛ kɛ dla o he ha mo: tade nɛ a lo ga níhi saminyayoo kɛ wo mi, tokota kpakpa, mlɛ mi fimi nɔ́, kploba falefale, kɛ sliiki bo.

Mose II, 28:15

“Gugue tade ɔ nɛ a kɛ leɔ ye yi mi ɔ, moo pee lɛ ngɛ ga mi; bɔ nɛ o pee efɔd ɔ, ja nɔuu o pee lɛ. Níhi nɛ ó ngɔ kɛ pee enɛ ɔ hu ji nɛ ɔmɛ nɛ: sika tsu kpa, kpa bluu, kpa tsu, kpa nɛ hɛɛ alamua tu su, kɛ kpa kpakpa nɛ a tslɔ.

Mose II, 35:15

bɔ sami la tɛ ɔ nɛ a sãã tsopa kɛ e he via ngɛ nɔ ɔ, kɛ e tso ɔmɛ; nɔ pɔmi nu ɔ, tsopa kɛ e he via a; kpe he bo tsu ɔ sinya a nya bo ɔ,

Mose II, 40:5

Ngɔɔ sika tsu bɔ sami la tɛ ɔ nɛ a kɛ maa sã tsopa kɛ e he via a kɛ ma somi daka a hɛ mi, nɛ o wo bo ngɔ kpla si ngɛ kpe he bo tsu ɔ sinya a nya.