Mose II, 26:34 - BAIBLO ALOO NGMAMI KLƆUKLƆU Ɔ

³⁴ Daka a nɛ somi womi ɔ ngɛ mi ɔ, ngɔɔ e nya nɔ́ ɔ kɛ bu daka a nya ngɛ he klɔuklɔu pe kulaa a.

Mose II, 26:34 ပူးပေါင်းရင်းမြစ်များ

Mose II, 40:20

E ngɔ mlaa amɛ kɛ wo somi daka a mi. E kɛ tso ɔmɛ hɔɔ daka a he ga amɛ a mi, nɛ e ngɔ daka a nya nɔ́ ɔ ngɔ bu nya.

Mose II, 25:21

Ngɔɔ somi womi ɔ nɛ ma ha mo ɔ kɛ wo daka a mi, nɛ o ngɔ nya nɔ́ ɔ ngɔ bu nya.

Hebribi 9:5

Kerubhi nɛ tsɔɔ Mawu hɛ mi nyami ɔ daa si ngɛ somi daka nya nɔ́ ɔ nɔ, nɛ a gbɛ a pɛlihi a mi ngɛ he nɛ a kɛ tɔmi paa ngɛ ɔ. Se wa be nyɛe ma gba níhi a mi fitsofitso amlɔ nɛ ɔ.

Mose III, 16:2

E de lɛ ke, “De o nyɛminyumu Aaron ke e ko ya he klɔuklɔu pe kulaa a ngɛ tsu mi pomi bo ɔ se be saisaa, konɛ e ko gbo. Ejakaa lejɛ ɔ ji he nɛ i jeɔ ye he kpo ngɛ ngɛ bɔku mi, ngɛ somi daka a nya nɔ́ ɔ nɔ.

Matsɛmɛ I, 6:16

E ma se tsu ko nɛ a tsɛɛ he klɔuklɔu pe kulaa a ngɛ we ɔ se je. E kami ji gugue enuɔ, nɛ a kɛ seda gbegbeli po mi kɛ je siaudo ɔ nya kɛ ba ma zugba.

Ezekiel 41:4

Jehanɛ e susu tsu ɔ mi nitsɛ. E ná gugue enuɔ ngɛ tsu ɔ kasa kake, nɛ e ná ja nɔuu ngɛ kasa kpa amɛ tsuo. Tsu nɛ ɔ ngɛ kpɛtikpɛti tsu ɔ se. Kɛkɛ nɛ e de mi ke, “Hiɛmɛ nɛ ɔ ji he klɔuklɔu pe kulaa.”