Mose II, 26:31 - BAIBLO ALOO NGMAMI KLƆUKLƆU Ɔ

³¹ “Tsu mi pomi bo ɔ, moo gbɔ kpa bluu, kpa tsu, kɛ kpa nɛ hɛɛ alamua tu su, nɛ a kɛ lo, nɛ á je blɔ nɛ a kadi kerub saminyawiiwi kɛ wo mi.

Mose II, 26:31 ပူးပေါင်းရင်းမြစ်များ

Mateo 27:51

Tlukaa a, tsu mi pomi bo nɛ ngɛ sɔlemi we ɔ mi gba enyɔ kɛ je hiɔwe kɛ ba ma si. Zugba mimiɛ, nɛ tɛ sahi a mi gba,

Kronika II, 3:14

A kɛ kpa bluu, kpa he jua wawɛ nɛ hɛɛ alamua tu su, kpa tsu, kɛ kploba kpɛ tsu mi pomi bo nɛ a lo kerubhi kɛ wo mi ha he klɔuklɔu pe kulaa a.

Mose II, 36:35

A kɛ kpa nɛ hɛɛ alamua tu su, kɛ kpa tsu lo tsu mi pomi bo ɔ. A je blɔ kadi kerub saminyawiiwi kɛ wo mi.

Mose III, 16:2

E de lɛ ke, “De o nyɛminyumu Aaron ke e ko ya he klɔuklɔu pe kulaa a ngɛ tsu mi pomi bo ɔ se be saisaa, konɛ e ko gbo. Ejakaa lejɛ ɔ ji he nɛ i jeɔ ye he kpo ngɛ ngɛ bɔku mi, ngɛ somi daka a nya nɔ́ ɔ nɔ.

Mose II, 36:8

Ní tsuli ɔmɛ a kpɛti ni nɛmɛ nɛ a hɛ mi ngɛ ga saminya a ngɔ bo popoe nyɔngma kɛ pee kpe he bo tsu ɔ. A ngɔ kpa bluu, kpa tsu, kɛ kpa nɛ hɛɛ alamua tu su kɛ lo bo ɔmɛ, nɛ a kadi kerub saminyawiiwi ngɔ wo a mi.

Mose II, 26:1

“Jehanɛ, kpe he bo tsu ɔ, ngɔɔ bo popoe nyɔngma kɛ pee; a ngɔ kpa bluu, kpa tsu, kɛ kpa nɛ hɛɛ alamua tu su kɛ lo bo nɛ ɔ, nɛ a kadi kerub saminyawiiwi kɛ wo mi.

Efesobi 2:14

Ejakaa Kristo nitsɛ ba pee Yuda bi, kɛ ma je li kake, nɛ enɛ ɔ ha nɛ he jɔmi ba. Ninyɛ nɛ pee kaa gbogbo ngɛ Yuda bi kɛ ma je li a kpɛti ɔ, Kristo ha nɛ jamɛ a ninyɛ ɔ se po gbidigbidi.

Marko 15:38

Sɔlemi we ɔ mi pomi bo ɔ mi gba kɛ je hiɔwe ba ma si.

Lahi 7:1

Matsɛbiyo, hyɛ bɔ nɛ o nane ngɛ fɛu ngɛ tokota mi ha! Bɔ nɛ o fiɔhi kpe ngɛ o mlɛ mi ɔ ngɛ fɛu kaa nɔ́ ko nɛ galɔ kpanaa ko je blɔ pee.

La 137:5

Ke ye hɛ je mo Yerusalem, o nɔ ɔ, lɛɛ ye hiɔ nine nɛ gbo.

Mose III, 16:15

Jehanɛ, é gbe akpakpo ɔ nɛ a kɛ ma yayami pami bɔ sami ha ma a. É ngɔ muɔ ɔ kɛ ba he klɔuklɔu pe kulaa a, nɛ e ya fĩa kɛ pue somi daka a nya nɔ́ ɔ nɔ, kɛ somi daka a he kɛ kpe kaa bɔ nɛ a kɛ na ku ɔ muɔ ɔ pee ɔ pɛpɛɛpɛ.

Mose II, 40:21

Lɔ ɔ se ɔ, e kɛ daka a ba ma kpe he bo tsu ɔ mi, nɛ e kɛ tsu mi pomi bo ɔ kpla si, nɛ e kɛ tsi somi daka a nɛ mlaa amɛ ngɛ mi ɔ hɛ mi kaa bɔ nɛ Yawɛ fa lɛ, Mose ɔ.

Mose II, 40:3

Ngɔɔ somi daka a nɛ mlaa amɛ ngɛ mi ɔ kɛ ma mi, konɛ o ngɔ tsu mi pomi bo ɔ kɛ tsi daka a hɛ mi.

Mose II, 38:23

E he piɛlɔ ji Ahisamak nɛ je Dan wɛtso ɔ mi ɔ bi Oholiab. Oholiab nɛ ɔ, nɔ́ mi kpɛ́lɔ, galɔ, kɛ bo lolɔ ji lɛ; nɛ e ngɔɔ kpa bluu, kpa nɛ hɛɛ alamua tu su, kpa tsu, kɛ kpa hiɔ kpakpa nɛ a tslɔ kɛ loɔ bo.

Mose II, 35:35

E dloo mɛ ga ní tsumi tsuaa ga ní tsumi he juɛmi, kɛ nile babauu kɛ ha tso, aloo tɛ, aloo dade mi kpɛmi, kɛ ga ní tɛnimi kɛ ní kadimi nɛ a ngɔɔ kpa bluu, kpa nɛ hɛɛ alamua tu su, kpa tsu, kɛ kpa hiɔ kpakpa nɛ a tslɔ kɛ peeɔ ɔ. A nyɛɔ nɛ a tsuɔ ga ní tsumi tsuaa ga ní tsumi, nɛ a peeɔ ga ní tɛnimi hulɔ.

Mose II, 35:25

Yihi tsuo nɛ ga ngɛ a hɛ mi ɔ tslɔ kpa bluu, kpa nɛ hɛɛ alamua tu su, kpa tsu, kɛ kpa hiɔ kpakpa kɛ ba.

Mose II, 35:6

kpa bluu, kpa nɛ hɛɛ alamua tu su, kpa tsu, kɛ kpa hiɔ kpakpa nɛ a tslɔ; apletsi he bwɔmi,

Mose II, 28:15

“Gugue tade ɔ nɛ a kɛ leɔ ye yi mi ɔ, moo pee lɛ ngɛ ga mi; bɔ nɛ o pee efɔd ɔ, ja nɔuu o pee lɛ. Níhi nɛ ó ngɔ kɛ pee enɛ ɔ hu ji nɛ ɔmɛ nɛ: sika tsu kpa, kpa bluu, kpa tsu, kpa nɛ hɛɛ alamua tu su, kɛ kpa kpakpa nɛ a tslɔ.

Mose II, 25:18

Ngɔɔ sika tsu nɛ a si nɔ tɛtlɛɛ kɛ pee bɔfohi nɛ a tsɛɛ kerub ɔ enyɔ kɛ ma nya nɔ́ ɔ nɔ ngɛ daka a kami mi hiɛ kɛ hiɛ.

Mose II, 25:4

kpa bluu, kpa tsu, kpa nɛ hɛɛ alamua tu su, kpa hiɔ kpakpa nɛ a tslɔ, apletsi he bwɔmi,

Luka 23:45

Nɛ sɔlemi we ɔ mi pomi bo ɔ mi gba enyɔ.

Mose II, 26:32

Ngɔɔ kɛ kpla akasia tso eywiɛ a he; tso nɛ ɔmɛ ɔ, ngɔɔ sika tsu kɛ ha a he, nɛ a kɛ sika tsu gbowe nɛ kɔ a nya loko a ngɔ mɛ kɛ ma sika hiɔ nɔ dami nɔ́ eywiɛ ɔmɛ a nɔ.

Mose II, 27:21

Aaron kɛ kane ɔ nɛ ma kpe he bo tsu ɔ mi, ngɛ tsu mi pomi bo ɔ nɛ haa somi daka a hɛ mi ɔ hɛ mi. Aaron kɛ e binyumu ɔmɛ nɛ a hyɛ kane ɔ nɔ ngɛ ye hɛ mi daa kɛ je gbɔkuɛ kɛ yaa si mɔtu. Enɛ ɔ maa pee mlaa nɛ fɔɔ si kɛ yaa neneene kɛ ha Israel bi ɔmɛ, kɛ a nina tsuo.

Mose II, 36:36

A kɛ akasia tso pee titima eywiɛ kɛ ha tsu mi pomi bo ɔ. A ngɔ sika tsu kɛ ha a he, nɛ a kɛ sika tsu gbowehi hɔ a nya. Jehanɛ, a pee sika hiɔ nɔ dami nɔ́ eywiɛ ha mɛ.

Mose II, 27:16

Piɛ ɔ nya nitsɛ nya bo ɔ lɛɛ e kami nɛ pee nine mi blimi nyingmi eywiɛ. Á ngɔ kpa bluu, kpa tsu, kɛ kpa nɛ hɛɛ alamua tu su kɛ lo; nɛ a kɛ abui nɛ kadi ní saminyayoo ngɔ wo mi. Titima eywiɛ, kɛ nɔ dami nɔ́ eywiɛ nɛ hi he.

Mose II, 35:12

somi daka a, e he tso ɔmɛ, nya nɔ́ ɔ, kɛ tsu mi pomi bo ɔ nɛ a kɛ tsiɔ somi daka a hɛ mi ɔ;

Mose IV, 4:5

“Ke be nɛ ma a maa hia kɛ je a sito he ɔ, Aaron kɛ e bimɛ ɔmɛ nɛ a ya sɛ bo tsu ɔ mi, nɛ a je tsu mi pomi bo ɔ nɛ ngɛ somi daka a nɛ somi womi ɔ ngɛ mi ɔ hɛ mi ɔ kɛ ha daka a he.