Mose II, 26:3 - BAIBLO ALOO NGMAMI KLƆUKLƆU Ɔ

³ Moo kpɛ bo ɔ enuɔ kɛ tsa a sibi a nya, nɛ o kpɛ enuɔ kpa amɛ hu ja nɔuu.

Mose II, 26:3 ပူးပေါင်းရင်းမြစ်များ

Kolosebi 2:19

Nɛ mɛɛ lɛɛ a mɛtɛ we Kristo nɛ ji yi ɔ he. Nɔmlɔ tso ɔ tsuo ɔ, yi ɔ mi e naa níhi tsuo nɛ hia lɛ ɔ kɛ jeɔ. Niye ní nɛ ɔ guɔ kpɔ ɔmɛ, kɛ pani ɔmɛ a mi, nɛ e haa nɔmlɔ tso ɔ waa bɔ nɛ Mawu to ɔ.

Kolosebi 2:2

I ngɛ enɛ ɔ pee nɛ ma kɛ wo mɛ bua, konɛ suɔmi nɛ ha a pee kake. Kɛkɛ ɔ, a maa nu ní kpakpahi nɛ a mi kuɔ ɔ tsuo a sisi saminya nɛ nɔ jemi be mi, nɛ a maa le Mawu laami sane ɔ. Mawu laami sane ɔ ji Kristo ɔ nɛ.

Efesobi 4:16

E ngɛ nɔmlɔ tso ɔ he ní ɔmɛ tsuo a nɔ he wami, nɛ e haa nɛ kpɔ nya kpɔ nya amɛ tsuo tsaa a sibi a nya. Nɛ ke he ní ɔmɛ tsuo tsu a blɔ nya ní tsumi pɛpɛɛpɛ bɔ nɛ sa a, nɔmlɔ tso ɔ tsuo waa, nɛ e yiɔ tɔ kɛ suɔmi ní tsumi.

1 Korintobi 12:4

Mumi mi nike ní slɔɔtohi lɛ ngɛ, se mumi kake ɔ nɔuu lɛ haa.

Yohane 17:21

I ngɛ pɛɛ kpae nɛ mɛ tsuo a pee kake. Tsaatsɛ! Bɔ nɛ o ngɛ ye mi, nɛ i ngɛ o mi ɔ, mɛ hu a hi wa mi jã nɔuu. Pee mɛ kake, konɛ je ɔ nɛ he ye kaa mo nɛ o tsɔ mi.

Mose II, 36:10

A kpɛ bo enuɔ kɛ tsa a sibi a nya, nɛ a kpɛ enuɔ kpa amɛ hu ja nɔuu.

Mose II, 26:9

Moo kpɛ bo ɔ enuɔ kɛ tsa a sibi a nya, nɛ o kpɛ ekpa nɛ piɛ ɔ hu kɛ tsa a sibi a nya. Bo ekpane ɔ nɛ maa ha bo tsu ɔ nya a lɛɛ dɔɔ mi enyɔ.

Mose II, 26:2

Bo ɔmɛ tsuo nɛ a sɔ fiee; bo kake kami nɛ pee nine mi blimi nyingmi enuɔ kɛ ekpa, nɛ e blimi nɛ pee nine mi blimi kpaanyɔ.

Mose II, 26:4

Bo enuɔ ɔmɛ nɛ a tsa a; ngɔɔ kpa bluu kɛ pee gahi kɛ wo a nyagbe nɔ́ enyɔ ɔmɛ a ti kake he; bo kaketsɛ ɔ hu o pee lɛ ja nɔuu.