Mose II, 26:14 - BAIBLO ALOO NGMAMI KLƆUKLƆU Ɔ

¹⁴ “Jehanɛ, o maa kpɛ bo kpa enyɔ kɛ ha kpe he bo tsu ɔ he; ngɔɔ agbosu he womi nɛ a wo lɛ kɔbɛi kɛ pee kekleekle nɔ́ ɔ, nɛ o ngɔ apletsi he womi nɛ a je blɔ pee kɛ pee enyɔne ɔ.

Mose II, 26:14 ပူးပေါင်းရင်းမြစ်များ

Mose II, 36:19

A kpɛ bo kpa enyɔ kɛ ha kpe he bo tsu ɔ he; a kɛ agbosu he womi nɛ a wo lɛ kɔbɛi kpɛ kekleekle nɔ́ ɔ, nɛ a kɛ apletsi he womi nɛ a je blɔ pee kpɛ enyɔne ɔ.

Mose II, 25:5

agbosu he womi nɛ a wo lɛ kɔbɛi, lohwe he womi nɛ a je blɔ pee, tso nɛ a tsɛɛ ke akasia,

Ezekiel 16:10

Lɔ ɔ se ɔ, i ngɔ ní nɛ ɔmɛ kɛ dla o he ha mo: tade nɛ a lo ga níhi saminyayoo kɛ wo mi, tokota kpakpa, mlɛ mi fimi nɔ́, kploba falefale, kɛ sliiki bo.

Yesaya 25:4

O ngɛ kaa mɔ kɛ ha ohiatsɛmɛ. O ngɛ kaa mɔ kɛ ha nɔ́ nali. Mo ji a wesa he ngɛ kɔɔhiɔ nɛ nya wa mi, kɛ hɔ̃ ngɛ pu ngmangmaangma nya. Yiwutsotsɛmɛ nɛ a yi mi wa kaa ahumi ngɛ fĩɛ be mi po, o jeɔ mɛ kɛ jeɔ a dɛ mi.

Yesaya 4:6

E hɛ mi nyami ɔ maa pee hɔ̃ ha ma a piani kɛ tsi pu la a nya, nɛ e maa pee wesa he ngɛ hiɔmi kɛ ahumi be mi.

La 27:5

Haomi be mi ɔ, e maa ngɔ mi kɛ laa ngɛ laami he ɔ, ngɛ e we ɔ; e maa ngɔ mi kɛ da tɛ sa nɔ.

Mose IV, 4:10

A ngɔ apletsi he womi nɛ a je blɔ pee kɛ ha kane tso ɔ, kɛ e he ní ɔmɛ tsuo a he, nɛ a ngɔ kɛ wo tlɔɔke mi.

Mose IV, 4:5

“Ke be nɛ ma a maa hia kɛ je a sito he ɔ, Aaron kɛ e bimɛ ɔmɛ nɛ a ya sɛ bo tsu ɔ mi, nɛ a je tsu mi pomi bo ɔ nɛ ngɛ somi daka a nɛ somi womi ɔ ngɛ mi ɔ hɛ mi ɔ kɛ ha daka a he.

Mose II, 39:34

he hami bo ɔ nɛ a kɛ agbosu he womi nɛ a wo lɛ kɔbɛi kpɛ ɔ; he hami bo ɔ nɛ a kɛ apletsi he womi nɛ a je blɔ pee kpɛ ɔ; tsu mi pomi bo ɔ nɛ a kɛ tsiɔ somi daka a hɛ mi ɔ;

Mose II, 35:23

Nɔ tsuaa nɔ nɛ ngɛ kpa bluu, aloo kpa nɛ hɛɛ alamua tu su, aloo kpa tsu, aloo kpa hiɔ kpakpa, aloo apletsi he bwɔmi, aloo agbosu he womi nɛ a wo lɛ kɔbɛi, aloo apletsi he womi nɛ a je blɔ pee ɔ ngɔ kɛ ba.

Mose II, 35:7

agbosu he womi nɛ a wo lɛ kɔbɛi; apletsi he womi nɛ a je blɔ pee; akasia tso;

Mose II, 26:13

Jehanɛ, kpe he bo tsu ɔ he bo ɔ nine mi blimi enyɔ nɛ piɛ ngɛ e kami mi kasa kake nɛ ɔ, kɛ nine mi blimi enyɔ hu nɛ piɛ ngɛ kasa kpa a, e kpla si ngɛ kpe he bo tsu ɔ nya hiɛ kɛ hiɛ nɛ e kɛ ha tsu ɔ nya.

Mose IV, 4:25

a maa tloo kpe he ɔ he bo ɔmɛ, bo tsu ɔ kɛ e he hami nɔ́ ɔ, e yi bumi nɔ́ ɔ nɛ a ngɔ apletsi he womi nɛ a je blɔ pee kɛ kpɛ ɔ, kpe he bo tsu sinya a nya bo ɔ,