Mose II, 26:1 - BAIBLO ALOO NGMAMI KLƆUKLƆU Ɔ

¹ “Jehanɛ, kpe he bo tsu ɔ, ngɔɔ bo popoe nyɔngma kɛ pee; a ngɔ kpa bluu, kpa tsu, kɛ kpa nɛ hɛɛ alamua tu su kɛ lo bo nɛ ɔ, nɛ a kadi kerub saminyawiiwi kɛ wo mi.

Mose II, 26:1 ပူးပေါင်းရင်းမြစ်များ

Samuel II, 7:2

David de gbalɔ Natan ke, “Hyɛ kaa imi lɛɛ i ngɛ we nɛ a ma kɛ seda mi, be mi nɛ Mawu somi daka a lɛɛ bo tsu mi lɛ e ngɛ!”

Matsɛmɛ I, 6:29

A je blɔ kpɛ níhi kaa kerubhi, tã, kɛ mɔmɔhi nɛ a blɛke saminyawiiwi ngɔ mɛtɛ gbogbo ɔmɛ a he kɛ kpe ngɛ we ɔ mi blɔ, kɛ kpo nɔ blɔ tsuo.

Kronika I, 17:1

Jehanɛ lɛɛ David ba je matsɛ we ɔ mi. Ligbi ko ɔ, e tsɔ ya tsɛ gbalɔ Natan kɛ ba, nɛ e de lɛ ke, “Hyɛ kaa imi i ngɛ we nɛ a ma kɛ seda mi, be mi nɛ Yawɛ somi daka a lɛɛ e ngɛ bo tsu mi!”

Kronika I, 21:29

Yawɛ kpe he bo tsu ɔ nɛ Mose pee ngɛ nga a nɔ ɔ, kɛ bɔ sami la tɛ ɔ ngɛ jami he ɔ ngɛ Gibeon jamɛ be ɔ mi kɛ mwɔɔ.

Mose II, 25:18

Ngɔɔ sika tsu nɛ a si nɔ tɛtlɛɛ kɛ pee bɔfohi nɛ a tsɛɛ kerub ɔ enyɔ kɛ ma nya nɔ́ ɔ nɔ ngɛ daka a kami mi hiɛ kɛ hiɛ.

Mose II, 25:4

kpa bluu, kpa tsu, kpa nɛ hɛɛ alamua tu su, kpa hiɔ kpakpa nɛ a tslɔ, apletsi he bwɔmi,

Mose II, 25:8

Ha nɛ a ma he klɔuklɔu ko ha mi, konɛ ma hi a kpɛti.

Mose II, 26:2

Bo ɔmɛ tsuo nɛ a sɔ fiee; bo kake kami nɛ pee nine mi blimi nyingmi enuɔ kɛ ekpa, nɛ e blimi nɛ pee nine mi blimi kpaanyɔ.

Mose II, 26:31

“Tsu mi pomi bo ɔ, moo gbɔ kpa bluu, kpa tsu, kɛ kpa nɛ hɛɛ alamua tu su, nɛ a kɛ lo, nɛ á je blɔ nɛ a kadi kerub saminyawiiwi kɛ wo mi.

Mose II, 26:36

“Kpe he bo tsu ɔ sinya a nya bo ɔ, ngɔɔ kpa bluu, kpa tsu, kɛ kpa nɛ hɛɛ alamua tu su kɛ lo; nɛ a kɛ abui nɛ kadi ní kɛ wo mi.

Mose II, 31:7

kpe he bo tsu ɔ, daka a nɛ a kɛ somi womi ɔ maa wo mi ɔ kɛ e nya nɔ́ ɔ, bo tsu ɔ he ní ɔmɛ tsuo,

Mose II, 35:11

Kpe he bo tsu ɔ, e he hami ní ɔmɛ, kɛ e nɔ hami ní ɔmɛ, e gbowe ɔmɛ kɛ e sima tso ɔmɛ, e mani tso ɔmɛ, e titima amɛ kɛ e nɔ dami ní ɔmɛ;

Mose II, 35:35

E dloo mɛ ga ní tsumi tsuaa ga ní tsumi he juɛmi, kɛ nile babauu kɛ ha tso, aloo tɛ, aloo dade mi kpɛmi, kɛ ga ní tɛnimi kɛ ní kadimi nɛ a ngɔɔ kpa bluu, kpa nɛ hɛɛ alamua tu su, kpa tsu, kɛ kpa hiɔ kpakpa nɛ a tslɔ kɛ peeɔ ɔ. A nyɛɔ nɛ a tsuɔ ga ní tsumi tsuaa ga ní tsumi, nɛ a peeɔ ga ní tɛnimi hulɔ.

Mose II, 35:6

kpa bluu, kpa nɛ hɛɛ alamua tu su, kpa tsu, kɛ kpa hiɔ kpakpa nɛ a tslɔ; apletsi he bwɔmi,

Mose II, 36:35

A kɛ kpa nɛ hɛɛ alamua tu su, kɛ kpa tsu lo tsu mi pomi bo ɔ. A je blɔ kadi kerub saminyawiiwi kɛ wo mi.

Mose II, 39:3

A si sika tsu ɔ nɔ tɛtlɛɛ, nɛ a poo lɛ dlɛɛdlɛɛ kaa kpa loko a ngɔ kɛ futu kpa bluu, kpa nɛ hɛɛ alamua tu su, kpa tsu, kɛ kpa hiɔ kpakpa nɛ a tslɔ ɔ.

Mose II, 40:2

“Kekleekle nyɔhiɔ ɔ we kekleekle ligbi ɔ nɔ ɔ, ngɔɔ kpe he bo tsu ɔ kɛ ma si.

Mose IV, 3:25

Kpe he bo tsu ɔ he níhi nɛ a tu kɛ wo a dɛ mi ji: kpe he ɔ, bo tsu ɔ kɛ e nɔ hami nɔ́ ɔ, bo tsu ɔ sinya a nya bo ɔ,

Mose IV, 4:25

a maa tloo kpe he ɔ he bo ɔmɛ, bo tsu ɔ kɛ e he hami nɔ́ ɔ, e yi bumi nɔ́ ɔ nɛ a ngɔ apletsi he womi nɛ a je blɔ pee kɛ kpɛ ɔ, kpe he bo tsu sinya a nya bo ɔ,

Yohane 1:14

Munyu ɔ ba plɛ adesa, nɛ e kɛ wɔ hi si. Dloomi kɛ anɔkuale hyi lɛ babauu. Wa na lɛ, nɛ a wo e hɛ mi nyami kaa lɛ pɛ ji Tsɛ ɔ Bi.

Yohane 2:21

Se sɔlemi we nɛ Yesu ngɛ he munyu tue ɔ ji lɛ nitsɛ e nɔmlɔ tso. Lɔ ɔ he ɔ, benɛ a tle Yesu si kɛ je gbeje ɔ, e kaseli ɔmɛ kai kaa e wo nɔ́ nɛ ɔ nɔ ta de mɛ hyɛ,

Hebribi 8:2

E sɔmɔɔ ngɛ he klɔuklɔu pe kulaa nɛ ji bo tsu nitsɛnitsɛ nɛ Nyɔmtsɛ ɔ nitsɛ ma, se pi nɔmlɔ adesa ko nɛ ma a.

Hebribi 9:2

A ma bo tsu, nɛ a po mi enyɔ. A tsɛɛ bo tsu ɔ he nɛ a guu kɛ sɛɛ mi ɔ he klɔuklɔu. Kane tso, kɛ okplɔɔ kɛ e nɔ abolo klɛdɛɛ ɔ ngɛ lejɛ ɔ.

Hebribi 9:9

Enɛ ɔ tsuo ji okadi nɛ kɔɔ mwɔnɛmwɔnɛ ɔ si himi he. E tsɔɔ kaa nike níhi, kɛ bɔ ɔmɛ nɛ a sãã kɛ haa Mawu ɔ be nyɛe ma ha nɛ nɔ nɛ ma Mawu jami ɔ tsui mi ma tsɔ bɔ nɛ sa;

Kpojemi 19:8

Mawu ha lɛ tade nɛ a kɛ kploba ngmingmiingmi nɛ ngɛ kpɛe klaiklai pee.” Ní kpakpahi nɛ ni klɔuklɔu ɔmɛ peeɔ ɔ, lɔ ɔ ji kploba a nɛ.

Kpojemi 21:3

I nu nɛ gbi ko pɛ wawɛɛ kɛ je matsɛ sɛ ɔ he kɛ de ke, “Jehanɛ ɔ lɛɛ Mawu hi he ji nimli a kpɛti! E kɛ mɛ maa hi si, nɛ a maa pee e ma. Mawu nitsɛ kɛ mɛ maa hi si, nɛ e maa pee a Mawu.