Mose II, 25:9 - BAIBLO ALOO NGMAMI KLƆUKLƆU Ɔ

⁹ A pee sihi he nɛ ɔ kɛ e mi dlami ní ɔmɛ ngɛ henɔhi a nya pɛpɛɛpɛ kaa bɔ nɛ ma tsɔɔ mo ɔ.

Mose II, 25:9 ပူးပေါင်းရင်းမြစ်များ

Mose II, 25:40

Hyɛ nɛ o pee mɛ pɛpɛɛpɛ kaa henɔhi nɛ i ngɛ mo tsɔɔe ngɛ yo ɔ nɔ ɔ.

Hebribi 8:5

Ní nɛ osɔfo ɔmɛ tsuɔ ɔ ngɛ kaa ní tsumi nɛ a tsuɔ ngɛ hiɔwe ɔ henɔ, loo e nini kɛkɛ. Mose hu kikɛ nɛ ɔ nɔuu e tsu ní. Benɛ e maa ma bo tsu ɔ, Mawu de lɛ ke, “Hyɛ nɛ o pee ní ɔmɛ tsuo pɛpɛɛpɛ kaa henɔ nɛ i tsɔɔ mo ngɛ yo ɔ nɔ ɔ.”

Ni Tsumi 7:44

“Wa nɛmɛ ɔmɛ hɛɛ bo tsu nɛ tsɔɔ Mawu sihi he ɔ ngɛ nga a nɔ. A pee bo tsu ɔ pɛpɛɛpɛ kaa bɔ nɛ Mawu de Mose ke e pee ɔ.

Hebribi 9:9

Enɛ ɔ tsuo ji okadi nɛ kɔɔ mwɔnɛmwɔnɛ ɔ si himi he. E tsɔɔ kaa nike níhi, kɛ bɔ ɔmɛ nɛ a sãã kɛ haa Mawu ɔ be nyɛe ma ha nɛ nɔ nɛ ma Mawu jami ɔ tsui mi ma tsɔ bɔ nɛ sa;

Hebribi 8:2

E sɔmɔɔ ngɛ he klɔuklɔu pe kulaa nɛ ji bo tsu nitsɛnitsɛ nɛ Nyɔmtsɛ ɔ nitsɛ ma, se pi nɔmlɔ adesa ko nɛ ma a.

Hebribi 9:2

A ma bo tsu, nɛ a po mi enyɔ. A tsɛɛ bo tsu ɔ he nɛ a guu kɛ sɛɛ mi ɔ he klɔuklɔu. Kane tso, kɛ okplɔɔ kɛ e nɔ abolo klɛdɛɛ ɔ ngɛ lejɛ ɔ.

Mose II, 26:30

O pee kpe he bo tsu nɛ ɔ pɛpɛɛpɛ kaa henɔ nɛ i tsɔɔ mo ngɛ yo ɔ nɔ ɔ.

Mose IV, 8:4

Bɔ nɛ a pee kane tso ɔ ji nɛ ɔ nɛ: a ngɔ sika tsu nɛ a fia nɔ tɛtlɛɛ kɛ pee kane tso ɔ kɛ je e nane kɛ ya si e mɔmɔ ɔmɛ a he, kaa bɔ nɛ nɔ hyɛmi nɔ́ ɔ nɛ Yawɛ kɛ tsɔɔ Mose ɔ ngɛ ɔ pɛpɛɛpɛ.

Mose II, 39:32

Jehanɛ ɔ, a gbe kpe he bo tsu ɔ he ní tsumi ɔ tsuo pɛpɛɛpɛ nya. Israel bi ɔmɛ tsu ní ɔ pɛpɛɛpɛ kaa bɔ nɛ Yawɛ fa Mose ɔ.

Mose II, 39:42

Israel bi ɔmɛ tsu ní tsumi ɔ tsuo kaa bɔ nɛ Yawɛ fa Mose ɔ pɛpɛɛpɛ.

Mose II, 39:43

Mose ya nɛ e ya hyɛ nɔ́ tsuaa nɔ́, nɛ e na kaa a tsu ní ɔ pɛpɛɛpɛ kaa bɔ nɛ Yawɛ fa lɛ ɔ. Nɛ Mose gbaa mɛ.

Mose IV, 4:12

Ní ɔmɛ tsuo nɛ a kɛ sɔmɔɔ ngɛ he klɔuklɔu ɔ, a je mɛ nɛ a fi kɛ wo bo bluu mi, nɛ a ngɔ apletsi he womi nɛ a je blɔ pee kɛ ha a he, loko a kɛ wo tlɔɔke ɔ mi.