Mose II, 25:8 - BAIBLO ALOO NGMAMI KLƆUKLƆU Ɔ

⁸ Ha nɛ a ma he klɔuklɔu ko ha mi, konɛ ma hi a kpɛti.

Mose II, 25:8 ပူးပေါင်းရင်းမြစ်များ

2 Korintobi 6:16

Mɛni kake peemi ngɛ Mawu sɔlemi we ɔ kɛ amagahi a kpɛti? Ejakaa wɔɔ lɛɛ Mawu hɛ kalɔ ɔ sɔlemi we ji wɔ! Mawu de ke, “I kɛ ye ma a maa hi si; ma pee a Mawu, nɛ mɛ hu a maa pee ye ma.”

Kpojemi 21:3

I nu nɛ gbi ko pɛ wawɛɛ kɛ je matsɛ sɛ ɔ he kɛ de ke, “Jehanɛ ɔ lɛɛ Mawu hi he ji nimli a kpɛti! E kɛ mɛ maa hi si, nɛ a maa pee e ma. Mawu nitsɛ kɛ mɛ maa hi si, nɛ e maa pee a Mawu.

Matsɛmɛ I, 6:13

I kɛ ye ma Israel maa hi si, nɛ i be a he jee.”

Mose II, 29:45

Ma hi Israel bi ɔmɛ a kpɛti, nɛ ma pee a Mawu.

Zakaria 2:10

Yawɛ ke, “Yerusalem bi, nyɛ la nɛ nyɛ bua nɛ jɔ; ejakaa i ma nɛ i kɛ nyɛ ba hi si.”

Hebribi 3:6

Se Kristo lɛɛ e ye anɔkuale ngɛ Mawu we ɔ kaa Mawu bi. Ke waa kɛ kã kɛ gɛjɛmi hɛɛ hɛ kɛ nɔ fɔmi ɔ mi kpɛii ɔ, wa peeɔ Mawu we bi.

Zakaria 8:3

Ma kpale kɛ ba Zion, nɛ ma ba hi Yerusalem. Jehanɛ lɛɛ a ma tsɛ ma a ke ma nɛ yeɔ anɔkuale; nɛ a ma tsɛ Yawɛ Tabohiatsɛ yo ɔ ke yo klɔuklɔu.

Yesaya 12:6

Nyɛ nihi tsuo nɛ nyɛ ngɛ Zion, nyɛ hwɔ lele nɛ nyɛ la kɛ bua jɔmi. Ejakaa Mawu kle, Mawu klɔuklɔu ji Israel Mawu ɔ nɛ kɛ nyɛ ngɛ ɔ nɛ.”

Mose IV, 5:3

Nyɛ je nimli nɛ ɔmɛ tsuo kɛ je nyɛ kpɛti, nyumuhi jio, yihi jio, konɛ a ko ble ma sito he ɔ, he nɛ i hii ngɛ ye ma a a kpɛti ɔ.”

Mose III, 4:6

É ngɔ e nine nguɛ ngɔ sɔ muɔ ɔ mi, nɛ é fĩa ngɛ tsu mi pomi bo klɔuklɔu ɔ hɛ mi si kpaago.

Mose II, 15:2

Yawɛ ji ye he falɔ kpanaa; lɛ ji nɔ nɛ he ye yi wami. Ma je e yi, ejakaa lɛ ji ye Mawu; ma wo e hɛ mi nyami, ejakaa Tsaatsɛ e Mawu ji lɛ.

Mose III, 10:4

Mose tsɛ Aaron tsɛ nyɛminyumu Uziel bimɛ, Mishael kɛ Elzafan kɛ ba, nɛ e de mɛ ke, “Nyɛɛ ba hiɛ ɔ nɛ nyɛ ba muɔ nyɛ nyɛmimɛ ɔmɛ kɛ je he klɔuklɔu ɔ kɛ ho ma a sito he ɔ se ya.”

Ni Tsumi 7:44

“Wa nɛmɛ ɔmɛ hɛɛ bo tsu nɛ tsɔɔ Mawu sihi he ɔ ngɛ nga a nɔ. A pee bo tsu ɔ pɛpɛɛpɛ kaa bɔ nɛ Mawu de Mose ke e pee ɔ.

Mose II, 29:46

A ma na maa le kaa imi ji Yawɛ, a Mawu ɔ, nɔ nɛ je mɛ kɛ je Egipt zugba a nɔ ɔ, konɛ ma hi a kpɛti. Imi ji Yawɛ, a Mawu ɔ nɛ.

Mose III, 26:11

Ma pee ye sihi he ngɛ nyɛ kpɛti; i be nyɛ siee.

Mose V, 12:11

Yawɛ maa hla he ko pɔtɛɛ nɛ a ja lɛ ngɛ. Nyɛɛ ngɔ bɔ sami ní ɔmɛ tsuo nɛ i ngɛ nyɛ a he mlaa woe nɛ ɔ kɛ ya sã bɔ ngɛ lejɛ ɔ: nyɛ sami bɔ ɔmɛ, nike ní ɔmɛ, nyɛ mi dlami nyɔngmanyɔngma mi kakaaka amɛ, kɛ bɔ pɔtɛɛ ɔmɛ nɛ nyɛ wo si ke nyɛ ma ha Yawɛ ɔ.

Yoshua 22:31

Osɔfo Eleazar bi Finehas de mɛ ke, “Jehanɛ lɛɛ wa na kaa Yawɛ kɛ wɔ ngɛ. Nyɛ tsɔ we e hɛ mi atuã; mohu ɔ, nyɛ je Israel bi ɔmɛ kɛ je tue gblami nɛ Yawɛ kɛ maa ba a nɔ ɔ mi.”

Mose II, 15:17

O ngɔ mɛ kɛ ba, nɛ o ba to mɛ si ngɛ mo nitsɛ o yo ɔ nɔ he nɛ mo Yawɛ nitsɛ o dla kɛ ha o si himi, he klɔuklɔu nɛ mo Yawɛ nitsɛ o to sisi ɔ.

Kronika I, 22:19

Lɔ ɔ he ɔ, nyɛ sɔmɔ Yawɛ, nyɛ Mawu ɔ kɛ nyɛ tsui tsuo, kɛ nyɛ juɛmi tsuo. Nyɛɛ je Yawɛ we ɔ mami sisi, konɛ nyɛɛ ngɔ Yawɛ somi daka a, kɛ ní klɔuklɔu kpa amɛ tsuo nɛ a kɛ sɔmɔɔ lɛ ɔ kɛ ba ma mi.”

Ezekiel 37:26

I kɛ mɛ maa so he jɔmi somi. E maa pee somi nɛ maa hi si daa. Ma baa a yi saminya. Ma gbaa ma a, nɛ a he maa hiɛ babauu. Ma ma ye we klɔuklɔu ɔ ngɛ zugba a nɔ he nɛ a ngɛ ɔ, nɛ we ɔ maa hi lejɛ ɔ daa.

Ezekiel 37:28

Ke i ma ye we ɔ ngɛ lejɛ ɔ, nɛ i ngɛ a kpɛti daa kɛ yaa neneene ɔ, kɛkɛ je ma amɛ maa le kaa imi ji Yawɛ; nɛ imi nitsɛ lɛ i hla Israel kaa ye ma a nɛ.”

Ezekiel 43:7

“Nɔmlɔ adesa, ye matsɛ sɛ maa si ngɛ hiɛmɛ nɛ ɔ; ma hi Israel bi ɔmɛ a kpɛti ngɛ hiɛmɛ nɛ ɔ kɛ maa ya neneene. Kɛkɛ ɔ, Israel ma a jio, a matsɛmɛ ɔmɛ jio, a be ye hɛ mi si puee hu; a be mawu kpahi jae, nɛ a be a matsɛmɛ ɔmɛ a gbogboe ɔmɛ pue ngɛ hiɛmɛ nɛ ɔ hu.