Mose II, 25:22 - BAIBLO ALOO NGMAMI KLƆUKLƆU Ɔ

²² Lejɛ ɔ ji he nɛ i kɛ mo maa kpe ngɛ; nɛ mlaahi tsuo nɛ ma wo Israel ma a kɛ gu o nɔ ɔ, ma da kerub enyɔ ɔmɛ a kpɛ kɛ de mo.

Mose II, 25:22 ပူးပေါင်းရင်းမြစ်များ

Mose IV, 7:89

Benɛ Mose ya sɛ kpe he bo tsu ɔ mi, konɛ e kɛ Yawɛ nɛ ya tu munyu ɔ, e nu Yawɛ gbi nɛ e kɛ lɛ ngɛ munyu tue kɛ je somi daka a nya nɔ́ ɔ yi mi, ngɛ kerub enyɔ ɔmɛ a kpɛti.

Yesaya 37:16

“Yawɛ Tabohiatsɛ Israel Mawu lee, mo nɛ o hii si ngɛ o matsɛ sɛ nɔ ngɛ kerub ɔmɛ a yi mi lokoo; mo nɔ kake too pɛ ji Mawu, nɛ je nɛ ɔ mi matsɛ yemi ɔmɛ tsuo ngɛ o sisi. Mo lɛ o bɔ hiɔwe kɛ zugba!

La 80:1

Israel to hyɛlɔ, mo nɛ o nyɛɛɔ Israel hɛ mi kaa bɔ nɛ to hyɛlɔ tsɔɔ to ɔ, moo bu wɔ tue koo! Mo nɛ o hii si ngɛ hɛ kali a nɔ ɔ,

Matsɛmɛ II, 19:15

nɛ e fa kue ha Yawɛ ke, “Yawɛ, Israel Mawu lee, mo nɛ o hii si ngɛ o matsɛ sɛ ɔ nɔ ngɛ kerub ɔmɛ a yi mi lokoo. Mo nɔ kake too ji Mawu, nɛ je nɛ ɔ mi matsɛ yemi ɔmɛ tsuo ngɛ o sisi. Mo lɛ o bɔ hiɔwe kɛ zugba.

Samuel I, 4:4

Lɔ ɔ he ɔ, a tsɔ ya ngɔ Yawɛ somi daka a ngɛ Shilo kɛ ba. Somi daka a daa si ha Yawɛ Ope ɔ matsɛ sɛ. Eli binyumu enyɔ ɔmɛ, Hofni kɛ Finehas piɛ nihi nɛ ngɔ somi daka a kɛ ba a a he.

Mose IV, 17:4

Muɔ tso ɔmɛ ya pue somi daka a hɛ mi ngɛ kpe he bo tsu ɔ mi he nɛ i kɛ mo kpee ngɛ ɔ.

Mose III, 16:2

E de lɛ ke, “De o nyɛminyumu Aaron ke e ko ya he klɔuklɔu pe kulaa a ngɛ tsu mi pomi bo ɔ se be saisaa, konɛ e ko gbo. Ejakaa lejɛ ɔ ji he nɛ i jeɔ ye he kpo ngɛ ngɛ bɔku mi, ngɛ somi daka a nya nɔ́ ɔ nɔ.

La 99:1

Yawɛ ngɛ matsɛ yee; je ma amɛ a he ngɛ doe blibliibli. E hii si ngɛ e sɛ ɔ nɔ ngɛ kerub ɔmɛ a nɔ, nɛ zugba ngɛ mimiɛe.

Samuel II, 6:2

E kɛ mɛ tsuo ho Baala ya ngɛ Yuda, konɛ a ya ngɔ Mawu somi daka a ngɛ lejɛ ɔ kɛ ba. Somi daka nɛ ɔ, a kɛ Yawɛ Tabohiatsɛ ɔ nɛ ngɛ tsɛ yee ngɛ kerub ɔmɛ a nɔ ɔ biɛ tsɛɔ lɛ.

Mose II, 30:36

Moo wɛɛ eko nɛ e pee bukɔbukɔ kaa mamu, nɛ o ngɔ eko kɛ ya ma daka a nɛ somi womi ɔ ngɛ mi ɔ hɛ mi ngɛ kpe he bo tsu ɔ mi he nɛ i kɛ nyɛ maa kpe ngɛ ɔ. Nyɛɛ hɛɛ tsopa kɛ e he via nɛ ɔ kaa nɔ́ ko klɔuklɔu nitsɛnitsɛ.

Mose II, 30:6

Ngɔɔ bɔ sami la tɛ nɛ ɔ kɛ ma tsu mi pomi bo ɔ se ngɛ daka a nɛ somi womi ɔ ngɛ mi ɔ hɛ mi. Lejɛ ɔ ji he nɛ i kɛ nyɛ maa kpe ngɛ.

Manyadali 20:27

Jamɛ a be ɔ mi ɔ, Mawu somi daka a ngɛ Betel;

La 90:1

Nyɔmtsɛ, mo ji wa wesa he ngɛ yi nɔhi tsuo a mi.

Mose III, 1:1

Yawɛ tsɛ Mose nɛ e kɛ lɛ tu munyu kɛ je kpe he bo tsu ɔ mi, nɛ e de lɛ ke,

Mose II, 31:18

Benɛ Mawu kɛ Mose tu munyu gbe nya ngɛ Sinai yo ɔ nɔ ɔ, Mawu ngɔ tɛ tɛtlɛɛ enyɔ ɔmɛ nɛ lɛ nitsɛ e ngma mlaa amɛ ngɛ nɔ ɔ kɛ ha Mose.

Mose II, 31:6

Nɛ hyɛ, i hla Ahisamak bi Oholiab kɛ je Dan wɛtso ɔ mi, konɛ e piɛ e he kɛ tsu ní ɔ. Jehanɛ, gali kpa amɛ hu i dloo mɛ ga ní tsumi he juɛmi klɛdɛɛ, konɛ ní nɛ ɔmɛ tsuo nɛ i fa mo ke o pee ɔ, a nyɛ nɛ a pee:

Mose II, 20:24

Nyɛɛ ngɔ zu kɛ puɛ bɔ sami la tɛ ha mi, nɛ nyɛɛ ngɔ jijɔ, kɛ na kɛ pee sami bɔ, kɛ tue mi jɔmi bɔ ngɛ nɔ. He tsuaa he nɛ i fa nyɛ ke nyɛ ja mi ngɛ ɔ, ma ba lejɛ ɔ nɛ ma ba gbaa nyɛ.

Mose I, 18:33

Benɛ Yawɛ kɛ Abraham tu munyu gbe nya a, Yawɛ je e he, nɛ Abraham hu kpale kɛ ho we mi ya.

Mose II, 27:21

Aaron kɛ kane ɔ nɛ ma kpe he bo tsu ɔ mi, ngɛ tsu mi pomi bo ɔ nɛ haa somi daka a hɛ mi ɔ hɛ mi. Aaron kɛ e binyumu ɔmɛ nɛ a hyɛ kane ɔ nɔ ngɛ ye hɛ mi daa kɛ je gbɔkuɛ kɛ yaa si mɔtu. Enɛ ɔ maa pee mlaa nɛ fɔɔ si kɛ yaa neneene kɛ ha Israel bi ɔmɛ, kɛ a nina tsuo.

Kronika I, 13:6

David kɛ Israel ma a ho Yuda zugba a nɔ ya konɛ a ya ngɔ Mawu somi daka a ngɛ Baala nɛ e biɛ kpa ji Kiriat Yearim ɔ. Somi daka nɛ ɔ, a kɛ Yawɛ nɛ hii kerub ɔmɛ a kpɛti ɔ biɛ tsɛɔ lɛ.

La 80:2

je o he kpo kɛ tsɔɔ Efraim, Benyamin, kɛ Manase wɛtso ɔmɛ. Je o he wami ɔ kɛ tsɔɔ wɔ; ba nɛ o ba he wa yi wami!

Ezekiel 43:6

Benɛ nyumu ɔ daa si ngɛ ye kasa nya ngɛ lejɛ ɔ, i nu nɛ Yawɛ kɛ mi tu munyu kɛ je we ɔ mi ke,