Mose II, 25:20 - BAIBLO ALOO NGMAMI KLƆUKLƆU Ɔ

²⁰ Kerub ɔmɛ nɛ a gbɛ a pɛlihi a mi kɛ ya hiɔwe nɛ a kɛ ha daka a nya nɔ́ ɔ he. A plɛ a hɛ mi ngɔ kpee a sibi, nɛ a hi nya nɔ́ ɔ nɔ hyɛe.

Mose II, 25:20 ပူးပေါင်းရင်းမြစ်များ

Kronika I, 28:18

E tsɔɔ sika tsu ngmingmiingmi hiɛmi nɛ a kɛ pee bɔ sami la tɛ ɔ nɛ a sãã tsopa kɛ e he via ngɛ nɔ ɔ, kɛ nɔ́ nɛ a kɛ maa pee zugba lɛ ɔ kɛ ha kerub ɔmɛ nɛ gbɛ a pɛlihi a mi kɛ ha Yawɛ somi daka a he ɔ.

Matsɛmɛ I, 8:7

Kerub ɔmɛ gbɛ a pɛlihi a mi kɛ ha daka a, kɛ tsohi nɛ hɛɛ daka a tsuo a he.

Hebribi 9:5

Kerubhi nɛ tsɔɔ Mawu hɛ mi nyami ɔ daa si ngɛ somi daka nya nɔ́ ɔ nɔ, nɛ a gbɛ a pɛlihi a mi ngɛ he nɛ a kɛ tɔmi paa ngɛ ɔ. Se wa be nyɛe ma gba níhi a mi fitsofitso amlɔ nɛ ɔ.

1 Petro 3:22

Yesu Kristo ho hiɔwe ya; e ya hii si ngɛ Mawu hiɔ nɔ, nɛ e ngɛ bɔfohi, kɛ mumi mi níhi tsuo nɛ ngɛ he wami a nɔ yee.

1 Petro 1:12

Mawu je tsɔɔ gbali nɛ ɔmɛ kaa ní tsumi nɛ a ngɛ tsue ɔ, pi mɛ nitsɛmɛ nɛ a ma na he se, se nyɛ mohu. Amlɔ nɛ ɔ, a fiɛ sane kpakpa ngɔ ha nyɛ tsuo. Mumi Klɔuklɔu ɔ nɛ a tsɔ kɛ je hiɔwe, nɛ e kɛ mɛ tu munyu ɔ, lɛ nɔuu e he wami a kɛ fiɛ ha nyɛ. Ní nɛ ɔmɛ ji níhi nɛ bɔfo ɔmɛ tete ko suɔ kaa a maa nu sisi.

Hebribi 1:14

Mawu bɔfo ɔmɛ ɔ, mɛni ji a ní tsumi mɔ? Mumihi ji mɛ, nɛ a sɔmɔɔ Mawu. Ke Mawu ma he nɔ ko yi wami ɔ, mɛ lɛ Mawu tsɔɔ.

Kolosebi 2:10

Nyɛɛ kɛ Kristo pee kake, lɔ ɔ he ɔ, Kristo nɛ ji yi ha nɔ yeli tsuo ɔ su ngɛ nyɛ mi.

Efesobi 3:10

E pee enɛ ɔ, konɛ jehanɛ lɛɛ nɔ yeli tsuo, kɛ nihi nɛ ngɛ tsɛ yee ngɛ hiɔwe ɔ nɛ a na bɔ nɛ Mawu juɛmi mi kuɔ, kɛ bɔ nɛ asafo ɔ ngɛ ní tsue nɛ Mawu yi mi tomi ɔ nɛ ba mi.

1 Korintobi 11:10

Enɛ ɔ he ɔ, e sa kaa yo nɛ ha e yi nɔ kaa okadi ha hiɔwe bɔfo ɔmɛ kɛ tsɔɔ kaa a ha lɛ he blɔ ke e sɔle, loo e fiɛ Mawu sɛ gbi ɔ.

1 Korintobi 4:9

Ejakaa e peeɔ mi kaa Mawu ngɔ wɔ bɔfo ɔmɛ ngɔ pee sekpɛli. Wa ngɛ kaa nihi nɛ a bu mɛ gbenɔ fɔ, konɛ a gbe mɛ ngɛ ma hɛ mi, nɛ je ɔ, hiɔwe bɔfohi, kɛ adesahi tsuo nɛ na mɛ.

Yohane 1:51

Nyagbe ɔ, e de mɛ ke, “I ngɛ nyɛ dee anɔkuale mi ke hiɔwe nya ma bli, nɛ nyɛ maa na Mawu bɔfo ɔmɛ nɛ a ngɛ kuɔe kɛ ngɛ imi Nɔmlɔ Bi ɔ ye ngɔ bae, nɛ a ngɛ kpalee kɛ ngɛ yae.”

Mateo 24:31

Titimati nguaa a maa pɛ, nɛ Nɔmlɔ Bi ɔ maa tsɔ e bɔfo ɔmɛ kɛ ya je ɔ kɔ nya eywiɛ ɔmɛ. A ma ya bua nihi nɛ e hla a a nya kɛ maa je he kake kɛ maa ya he kake.

Ezekiel 28:14

I ngɔ Mawu bɔfo ko nɛ he ngɛ gbeye kɛ to lejɛ ɔ, konɛ e bu o he. O hi ye yo klɔuklɔu ɔ nɔ; o slaa si ngɛ tɛhi nɛ ngɛ kpɛe nylamnylam ɔ a kpɛti.

Ezekiel 1:20

He tsuaa he nɛ a suɔ ɔ, lejɛ ɔ a yaa, nɛ tlɔɔke nane ɔmɛ kɛ mɛ tsuo peeɔ nɔ́ tsuaa nɔ́ si kake too; ejakaa hɛ kali ɔmɛ a mumi lɛ hɛɛ nane ɔmɛ.

Kronika II, 3:10

Jehanɛ, matsɛ ɔ ha nɛ e ní tsuli ɔmɛ hlɔ kerub enyɔ nɛ e kɛ sika tsu ha a he, nɛ e ngɔ mɛ ya ma he klɔuklɔu pe kulaa a.

Mose II, 25:18

Ngɔɔ sika tsu nɛ a si nɔ tɛtlɛɛ kɛ pee bɔfohi nɛ a tsɛɛ kerub ɔ enyɔ kɛ ma nya nɔ́ ɔ nɔ ngɛ daka a kami mi hiɛ kɛ hiɛ.

Mose I, 28:12

E nla nɛ gba he tso ko maa si ngɛ zugba nɛ e yi mi ya pi hiɔwe, nɛ Mawu bɔfohi ngɛ gba he tso ɔ kuɔe nɛ a ngɛ kplee.

Mose II, 25:19

Kerub kake nɛ hi hiɛ, nɛ kake hu nɛ hi hiɛ. Moo pee kerub enyɔ ɔmɛ nɛ a kɛ daka a nya nɔ́ ɔ nɛ tsa.

Matsɛmɛ I, 6:27

Salomo kɛ kerub enyɔ ɔmɛ ma a sibi a kasa nya ngɛ he klɔuklɔu pe kulaa a. A gbɛ a pɛlihi a mi; kerub kake pɛli kɛ e nyɛmi nɔ́ nya ya kpe ngɛ tsu ɔ kpɛti. Pɛli enyɔ ɔmɛ nɛ piɛ ɔ, nɔ kake nɔ́ nya sa gbogbo he ngɛ hiɛ, nɛ nɔ kake hu nɔ́ nya sa gbogbo he ngɛ hiɛ.

Matsɛmɛ I, 6:23

Salomo kɛ oliv tso pee kerub enyɔ ngɔ ma he klɔuklɔu pe kulaa a; kerub kake kami ji nine mi blimi nyingmi enyɔ.