Mose II, 25:2 - BAIBLO ALOO NGMAMI KLƆUKLƆU Ɔ

² “De Israel bi ɔmɛ ke a ba ke mi ní. Nɔ tsuaa nɔ nɛ e tsui ma gbo nɔ kaa e maa ke nɔ́ ko ɔ, nyɛ he.

Mose II, 25:2 ပူးပေါင်းရင်းမြစ်များ

2 Korintobi 9:7

Lɔ ɔ he ɔ, nɔ tsuaa nɔ nɛ ha bɔ nɛ e to kaa e ma ha. E ha kɛ bua jɔmi, se pi kaa a ngɛ e nɔ nyɛe ke e pee; ejakaa Mawu suɔ nɔ nɛ haa nɔ́ kɛ bua jɔmi.

Ezra 2:68

We puɔ nya dali nɛ kpale kɛ ba a, a ti ni komɛ nɛ ba Yawɛ we ɔ ngɛ Yerusalem ɔ je a tsui mi faa ke ní amlɔ nɔuu, konɛ a kɛ ma Yawɛ we ɔ ekohu ngɛ he nɛ e ma sa a.

Nehemia 11:2

Ni kpahi nɛ a si a gugue ke a maa hi Yerusalem ɔ, Israel ma a je a yi saminya.

Ezra 7:16

Ngɔɔ ní nɛ ɔmɛ hu kɛ piɛ he: sika hiɔ, sika tsu tsuo nɛ o ma bua nya ngɛ Babilonia zugba a nɔ, kɛ nike níhi nɛ Israel ma a, kɛ osɔfo ɔmɛ wo si kaa a ma ha kɛ je a tsui mi faa a; nɛ o ngɔ lɛ tsuo kɛ ya Mawu we ɔ nɛ ngɛ Yerusalem ɔ.

Ezra 1:6

Nihi tsuo nɛ a kɛ mɛ ngɛ ɔ tsuo wo mɛ blɔ kɛ níhi babauu; sika hiɔ ní, sika tsu, tlomi, lohwehi, nike ní kpahi nɛ a he jua wa, kɛ nike níhi nɛ je tsui mi faa kɛ ba Mawu we ɔ.

Ezra 3:5

A sãã bɔ pɔtɛɛ nɛ ɔmɛ hulɔ: sami bɔhi nɛ a sãã nyami be kaa Nyɔhiɔhe nyami be mi, bɔhi nɛ a sãã daa ke ma a ba bua a he nya nɛ a ma ja Yawɛ kikɛ nɛ ɔ, kɛ bɔhi tsuo nɛ nihi jeɔ a tsui mi faa nɛ a kɛ ba haa Yawɛ.

La 110:3

Ligbi ɔ nɛ o maa hia ta kɛ wo o he nyɛli ɔmɛ ɔ, o ma mi bi ɔmɛ maa ngɔ a he kɛ ha ngɛ mɛ nitsɛmɛ a suɔmi nya. Nihewi babauu ma ba pue si ngɛ yo klɔuklɔu ɔmɛ a nɔ kaa makɛ bɔ́.

Manyadali 5:9

Israel tatsɛmɛ ɔmɛ nɛ ngɔ a he ngɔ ke ɔ, i ná a he bua jɔmi. Nyɛ je Yawɛ yi!

Mose IV, 18:24

ejakaa Israel bi ɔmɛ a níhi a mi dlami nyɔngmanyɔngma mi kakaaka nɛ a kɛ ba haa Yawɛ ɔ, i ngɔ mɛ tsuo ngɔ ha Levi bi ɔmɛ kaa a weto ní. Enɛ ɔ he je nɛ i de mɛ ke a be weto ní kpa ko nae ngɛ Israel ɔ nɛ.”

Mose II, 25:1

Yawɛ de Mose ke,

Mose II, 25:3

Nike ní ɔmɛ nɛ a pee sika tsu, sika hiɔ kɛ akɔblee;