Mose II, 25:18 - BAIBLO ALOO NGMAMI KLƆUKLƆU Ɔ

¹⁸ Ngɔɔ sika tsu nɛ a si nɔ tɛtlɛɛ kɛ pee bɔfohi nɛ a tsɛɛ kerub ɔ enyɔ kɛ ma nya nɔ́ ɔ nɔ ngɛ daka a kami mi hiɛ kɛ hiɛ.

Mose II, 25:18 ပူးပေါင်းရင်းမြစ်များ

Hebribi 9:5

Kerubhi nɛ tsɔɔ Mawu hɛ mi nyami ɔ daa si ngɛ somi daka nya nɔ́ ɔ nɔ, nɛ a gbɛ a pɛlihi a mi ngɛ he nɛ a kɛ tɔmi paa ngɛ ɔ. Se wa be nyɛe ma gba níhi a mi fitsofitso amlɔ nɛ ɔ.

Ezekiel 10:20

Kerub ɔmɛ nɛ i na ngɛ nina mi ngɛ Kebar pa a nya a, mɛ tutuutu ji Israel Mawu ɔ kerub nɛ ɔmɛ.

Ezekiel 10:2

Kɛkɛ nɛ Mawu de nyumu ɔ nɛ ha kploba a ke, “Yaa sɛ tlɔɔke nane ɔmɛ a kpɛ ngɛ kerub ɔmɛ a sisi. Ngɔɔ o nine enyɔ ɔmɛ kɛ ya muɔ la ngu hɛuu ɔ eko nɛ o fĩa ngɔ pue ma a nɔ.” I na nɛ́ nyumu ɔ pee ja niinɛ.

Kronika I, 28:18

E tsɔɔ sika tsu ngmingmiingmi hiɛmi nɛ a kɛ pee bɔ sami la tɛ ɔ nɛ a sãã tsopa kɛ e he via ngɛ nɔ ɔ, kɛ nɔ́ nɛ a kɛ maa pee zugba lɛ ɔ kɛ ha kerub ɔmɛ nɛ gbɛ a pɛlihi a mi kɛ ha Yawɛ somi daka a he ɔ.

Samuel I, 4:4

Lɔ ɔ he ɔ, a tsɔ ya ngɔ Yawɛ somi daka a ngɛ Shilo kɛ ba. Somi daka a daa si ha Yawɛ Ope ɔ matsɛ sɛ. Eli binyumu enyɔ ɔmɛ, Hofni kɛ Finehas piɛ nihi nɛ ngɔ somi daka a kɛ ba a a he.

Mose I, 3:24

E fie nyumu ɔ kɛ je lejɛ ɔ, nɛ e ngɔ kerubhi kɛ klaate ya to Eden ngmɔ ɔ beleku je, konɛ a bu blɔ ɔ nɛ a guu nɔ kɛ yaa tso nɛ haa nɔ wami ɔ he. Klaate ɔ ngɛ tsoe plamplam kaa la, nɛ e ngɛ e he poe.

Mose II, 25:17

“Ngɔɔ sika tsu ngmingmiingmi kɛ pee daka a nya nɔ́ nɛ e kami ji nine mi blimi enuɔ, nɛ e mi blimi ji nine mi blimi etɛ.

Mose II, 25:19

Kerub kake nɛ hi hiɛ, nɛ kake hu nɛ hi hiɛ. Moo pee kerub enyɔ ɔmɛ nɛ a kɛ daka a nya nɔ́ ɔ nɛ tsa.

Kronika II, 3:10

Jehanɛ, matsɛ ɔ ha nɛ e ní tsuli ɔmɛ hlɔ kerub enyɔ nɛ e kɛ sika tsu ha a he, nɛ e ngɔ mɛ ya ma he klɔuklɔu pe kulaa a.

Mose II, 25:36

Kpɔ ɔmɛ, tso gblaa amɛ, kɛ kpɛti kane tso ɔ tsuo nɛ tsa; a ngɔ sika tsu ngmingmiingmi nɛ a si nɔ tɛtlɛɛ kɛ pee lɛ tsuo.

Ezekiel 10:3

Jamɛ a be ɔ, kerub ɔmɛ daa si ngɛ Yawɛ we ɔ leneyi je. Kɛkɛ nɛ bɔku ba hyi kue ɔ nɛ ngɛ Yawɛ we ɔ kpɛti ɔ tɔ.