Mose II, 25:11 - BAIBLO ALOO NGMAMI KLƆUKLƆU Ɔ

¹¹ Ngɔɔ sika tsu ngmingmiingmi kɛ ha daka a mi, kɛ e he tsuo, nɛ o kɛ sika tsu ɔ eko nɛ wo zã kɛ bɔle e he ɔ kulaa.

Mose II, 25:11 ပူးပေါင်းရင်းမြစ်များ

Mose II, 25:24

Ngɔɔ sika tsu ngmingmiingmi kɛ ha he, nɛ o ngɔ sika tsu ɔ eko kɛ wo e nya amɛ kɛ kpe.

Kronika II, 3:4

Kue ɔ nɛ ngɛ Yawɛ we ɔ hɛ mi ɔ kami ji gugue enuɔ, kaa we ɔ mi blimi pɛpɛɛpɛ. E hiɔwe yami ji gugue nyingmi etɛ. A kɛ sika tsu ngmingmiingmi ha gbogbo ɔ he ngɛ tsu ɔ mi blɔ.

Matsɛmɛ I, 6:20

Kpɛti tsu nɛ ɔ kami ji gugue enuɔ, e blimi gugue enuɔ, kɛ e hiɔwe yami hu gugue enuɔ; nɛ a kɛ sika tsu ngmingmiingmi ha he. Bɔ sami la tɛ ɔ, a kɛ seda gbegbeli ha he.

Mose II, 30:3

Ngɔɔ sika tsu ngmingmiingmi kɛ ha e he tsuo: e yi mi, e kasa nya amɛ, kɛ e koli ɔmɛ, nɛ o kɛ sika tsu ɔ kɛ̃ nɛ wo zã dɛɛ kɛ bɔle lɛ kɛ kpe.

Hebribi 9:4

Níhi nɛ ngɛ tsu nɛ ɔ mi ji tsopa kɛ e he via sami la tɛ nɛ a kɛ sika tsu pee ɔ, somi daka a nɛ a kɛ sika tsu ha he ɔ kɛ e mi sika tsu kplu ɔ nɛ mana a ngɛ mi ɔ, Aaron dɛma tso ɔ nɛ tsɛ̃ ba be ko ɔ, kɛ tɛ tɛtlɛɛ enyɔ ɔmɛ nɛ a ngma mlaa amɛ ngɛ a nɔ ɔ.

Mose II, 25:12

Moo pee sika tsu ga eywiɛ, nɛ o ka kɛ wo daka a nane eywiɛ ɔmɛ a he; ga enyɔ nɛ hi kasa hiɛ, nɛ enyɔ hu nɛ hi kasa hiɛ.

Mose II, 28:23

Moo pee sika tsu ga enyɔ kɛ wo gugue tade ɔ hiɔwe kɔ nya enyɔ ɔmɛ a he,