Mose II, 25:10 - BAIBLO ALOO NGMAMI KLƆUKLƆU Ɔ

¹⁰ “Ha nɛ a ngɔ akasia tso kɛ kpɛ daka mimi pɔtɛɛ ko nɛ e kami ji nine mi blimi enuɔ, e blimi ji nine mi blimi etɛ, nɛ e mi kuɔmi ji nine mi blimi etɛ.

Mose II, 25:10 ပူးပေါင်းရင်းမြစ်များ

Hebribi 9:4

Níhi nɛ ngɛ tsu nɛ ɔ mi ji tsopa kɛ e he via sami la tɛ nɛ a kɛ sika tsu pee ɔ, somi daka a nɛ a kɛ sika tsu ha he ɔ kɛ e mi sika tsu kplu ɔ nɛ mana a ngɛ mi ɔ, Aaron dɛma tso ɔ nɛ tsɛ̃ ba be ko ɔ, kɛ tɛ tɛtlɛɛ enyɔ ɔmɛ nɛ a ngma mlaa amɛ ngɛ a nɔ ɔ.

Kpojemi 11:19

Mawu sɔlemi we ɔ nɛ ngɛ hiɔwe ɔ nya bli, nɛ a na e somi daka a nɛ fɔɔ si ngɛ lejɛ ɔ. Kɛkɛ nɛ oslabai gba; hiɔwe si, zugba mimiɛ, nɛ gbiɛ ngo ngu agboagbo nɛ pue zugba a nɔ.

Kronika II, 8:11

Salomo klɛ̃ e yo, Egipt matsɛ biyo ɔ kɛ je David ma a mi kɛ ho we ko nɛ e po ha lɛ ɔ mi ya. Salomo de ke, “E sɛ́ kaa ye yo ɔ hii Israel matsɛ, David we ɔ mi; ejakaa he tsuaa he nɛ Yawɛ somi daka a ba a, lejɛ ɔ peeɔ klɔuklɔu.”

Mose II, 35:12

somi daka a, e he tso ɔmɛ, nya nɔ́ ɔ, kɛ tsu mi pomi bo ɔ nɛ a kɛ tsiɔ somi daka a hɛ mi ɔ;

Mose IV, 3:31

Ní tsumi nɛ a tu kɛ wo a dɛ mi ji: ní tsumi tsuaa ní tsumi nɛ kɔɔ somi daka a he, okplɔɔ ɔ, kane tso ɔ, bɔ sami la tɛ ɔmɛ, níhi nɛ osɔfo ɔmɛ kɛ sɔmɔɔ ngɛ he klɔuklɔu ɔ, kɛ tsu mi pomi bo ɔ.

Mose IV, 4:5

“Ke be nɛ ma a maa hia kɛ je a sito he ɔ, Aaron kɛ e bimɛ ɔmɛ nɛ a ya sɛ bo tsu ɔ mi, nɛ a je tsu mi pomi bo ɔ nɛ ngɛ somi daka a nɛ somi womi ɔ ngɛ mi ɔ hɛ mi ɔ kɛ ha daka a he.

Mose II, 31:7

kpe he bo tsu ɔ, daka a nɛ a kɛ somi womi ɔ maa wo mi ɔ kɛ e nya nɔ́ ɔ, bo tsu ɔ he ní ɔmɛ tsuo,

Mose II, 39:32

Jehanɛ ɔ, a gbe kpe he bo tsu ɔ he ní tsumi ɔ tsuo pɛpɛɛpɛ nya. Israel bi ɔmɛ tsu ní ɔ pɛpɛɛpɛ kaa bɔ nɛ Yawɛ fa Mose ɔ.

Mose IV, 4:6

Lɔ ɔ se ɔ, a ngɔ apletsi he womi nɛ a je blɔ pee kɛ ha he, nɛ a ngɔ bo bluu hu kɛ ha lɔ ɔ nɔ, loko a ngɔ tsohi nɛ a kɛ maa hɛɛ daka a kɛ hɔɔ a blɔ hehi.