Mose II, 24:6 - BAIBLO ALOO NGMAMI KLƆUKLƆU Ɔ

⁶ Mose kɛ muɔ ɔ fa wo kahi a mi; nɛ fa a nɛ piɛ ɔ, e tsɛ̃ ngɔ pue bɔ sami la tɛ ɔ nɔ.

Mose II, 24:6 ပူးပေါင်းရင်းမြစ်များ

Matsɛmɛ II, 17:15

A kua e blɔ nya tomi ɔmɛ, kɛ somi nɛ e kɛ a nɛmɛ ɔmɛ so ɔ, kɛ slɔmihi nɛ e slɔ mɛ ɔ. A ya nyɛɛ yakayaka amagahi a se, nɛ mɛ nitsɛmɛ a plɛ pee yakayaka nimli. Je ma amɛ nɛ bɔle mɛ kɛ kpe, nɛ Yawɛ wo mɛ mlaa ngɛ a he ke a ko pee a níhi kaa mɛ ɔ, a ya nyɛɛ jamɛatsɛmɛ ɔmɛ mohu a se.

La 99:6

E we osɔfohi ji Mose, kɛ Aaron. Nihi nɛ fa kue ha lɛ ɔ, Samuel piɛ a he. Mɛ tsuo a fa kue ha lɛ, nɛ e bu mɛ tue.

Mose II, 12:22

Nyɛɛ ngɔ muɔ ɔ kɛ wo kã mi. Lɔ ɔ se ɔ, nyɛɛ fi nga kɛ bla kaa bɛ, nɛ nyɛ kɛ sɔ muɔ ɔ kɛ kpa sinya tso enyɔ ɔmɛ, kɛ yiti nɔ́ ɔ a he. Nyɛ ti nɔ ko nɛ ko gu sinya a nya kɛ je kpo kɛ yaa si mɔtu,

Mose II, 12:7

Lɔ ɔ se ɔ, a ngɔ muɔ ɔ eko kɛ diki we mi he nɛ a maa ye lo ɔ ngɛ ɔ sinya tso enyɔ ɔmɛ, kɛ a yiti nɔ́ ɔ a he.

Mose II, 24:8

Jehanɛ Mose ngɔ muɔ ɔ kɛ fĩa ma a nɔ, nɛ e de ke, “Somi nɛ Yawɛ kɛ nyɛ so ɔ, e nya sɔumi muɔ ji nɛ ɔ nɛ, kaa bɔ nɛ a ngma ngɛ womi nɛ ɔ mi ɔ.”

Mose II, 29:16

Lɔ ɔ se ɔ, moo gbe to ɔ, nɛ o tsɛ̃ e muɔ ɔ kɛ pue bɔ sami la tɛ ɔ kɔ nya eywiɛ ɔmɛ tsuo.

Mose II, 29:20

Lɔ ɔ se ɔ, moo gbe to ɔ, nɛ o ngɔ e muɔ ɔ eko kɛ kpa Aaron kɛ e binyumu ɔmɛ a hiɔ nɔ tue nya lo ɔmɛ, a hiɔ nine gɔleku ɔmɛ, kɛ a hiɔ nane gɔleku ɔmɛ a he. Muɔ nɛ piɛ ɔ lɛɛ mo kpa kɛ pue bɔ sami la tɛ ɔ kɔ nya eywiɛ ɔmɛ tsuo.

Yeremia 31:32

Somi nɛ ɔ maa je kpa ngɛ somi nɛ i kɛ a nɛmɛ ɔmɛ so ɔ he. Benɛ i kɛ a nɛmɛ ɔmɛ so ɔ, jamɛ a be ɔ nɛ i nu a kɔni si nɛ i kpaka mɛ kɛ je Egipt zugba a nɔ. I kɛ mɛ hi si kaa a huno, se somi nɛ i kɛ mɛ so ɔ lɛɛ a yi nɔ fɛɛ.

Mose III, 1:11

É gbe lɛ ngɛ Yawɛ hɛ mi ngɛ bɔ sami la tɛ ɔ we omleyi je, konɛ Aaron binyumu ɔmɛ nɛ ji osɔfo ɔmɛ nɛ a tsɛ̃ muɔ ɔ ngɔ pue bɔ sami la tɛ ɔ he kɛ kpe.

Mose III, 1:5

Jehanɛ, e gbe na ku ɔ ngɛ Yawɛ hɛ mi, nɛ Aaron binyumu ɔmɛ, nɛ ji osɔfo ɔmɛ kɛ muɔ ɔ nɛ ba; lɔ ɔ se ɔ, a tsɛ̃ muɔ ɔ ngɔ pue bɔ sami la tɛ nɛ ngɛ kpe he bo tsu ɔ sinya a nya a he kɛ kpe.

Mose III, 3:2

Nɔ ɔ nɛ ngɔ e nine kɛ fɔ lohwe ɔ yi mi, nɛ e gbe lɛ ngɛ kpe he bo tsu ɔ sinya a nya, konɛ Aaron bimɛ ɔmɛ nɛ ji osɔfo ɔmɛ nɛ a tsɛ̃ muɔ ɔ kɛ pue bɔ sami la tɛ ɔ he kɛ kpe.

Mose III, 3:8

é ngɔ e nine kɛ fɔ lohwe ɔ yi mi, nɛ e gbe lɛ ngɛ kpe he bo tsu ɔ hɛ mi. Osɔfo ɔmɛ nɛ a tsɛ̃ muɔ ɔ kɛ pue bɔ sami la tɛ ɔ he kɛ kpe.

Mose III, 4:6

É ngɔ e nine nguɛ ngɔ sɔ muɔ ɔ mi, nɛ é fĩa ngɛ tsu mi pomi bo klɔuklɔu ɔ hɛ mi si kpaago.

1 Korintobi 11:25

Ja nɔuu e wo kplu ɔ hu benɛ a ye ní ɔ ta a, nɛ e de ke, “Kplu nɛ ɔ ji Mawu somi he ɔ nɛ a kɛ ye muɔ sɔu nya. Nyɛɛ pee enɛ ɔ, be tsuaa be nɛ nyɛ maa nu ɔ, nɛ nyɛ kɛ kai mi.”

Kolosebi 1:20

Lɔ ɔ he ɔ, Mawu ná he bua jɔmi kaa kɛ gu e Bi ɔ nɔ ɔ, e ma dla e kɛ je ɔ tsuo pɛpɛɛpɛ, níhi nɛ ngɛ hiɔwe, kɛ níhi nɛ ngɛ zugba a nɔ ɔ a kpɛti. Niinɛ, Mawu gu e Bi ɔ muɔ nɛ pue si ngɛ sɛumi tso ɔ nɔ ɔ nɔ nɛ e kɛ tsu nɔ́ nɛ ɔ, nɛ e kɛ tue mi jɔmi ba.

Hebribi 12:24

Yesu, nɔ nɛ ha a so somi he ɔ, e ngɔ nyɛ ba nɛ ɔ nɛ. Muɔ nɛ a fĩa, nɛ tsuɔ ní kpakpahi nɛ pe Habel nɔ́ ɔ he nyɛ ba a nɛ.

Hebribi 8:9

Somi he nɛ ɔ maa slo kulaa ngɛ somi nɛ i kɛ a nɛmɛ ɔmɛ so blema benɛ i je mɛ kɛ je Egipt ɔ he. Somi nɛ i kɛ mɛ so ɔ, a yi nɔ; lɔ ɔ he ɔ, i ngmɛɛ a he.

Hebribi 9:18

Enɛ ɔ he je nɛ kekleekle somi ɔ po muɔ a kɛ ma nɔ mi ɔ nɛ.

Hebribi 9:19

Kekleekle ɔ, Mose tsɔɔ ma a mlaa amɛ tsuo nɛ Mawu wo ɔ kaa bɔ nɛ mlaa a nitsɛ tsɔɔ ɔ. Lɔ ɔ se ɔ, e ngɔ nga nɛ a fi kɛ bla kaa bɛ, kɛ jijɔ he bwɔmi tsutsuu kɛ sɔ na kɛ to muɔ, kɛ nyu, nɛ e kɛ fĩa womi kpo ɔ nitsɛ, kɛ ma mluku ɔ tsuo a nɔ.

Hebribi 9:21

Bo tsu ɔ, kɛ kplu ɔmɛ nɛ a kɛ jaa Mawu ɔ, Mose ngɔ muɔ kɛ fĩa mɛ tsuo a nɔ jã nɔuu.

1 Petro 1:19

se mohu, gbenɔ nɛ Kristo gbo, nɛ e ngɔ e he kɛ sã bɔ nɛ he jua wa a. Ee, Kristo ngɛ kaa to bi nɛ kpa, aloo mu ko be e he.

1 Petro 1:2

Tsɛ Mawu hla nyɛ kaa bɔ nɛ e to ke e maa pee ɔ, nɛ e Mumi Klɔuklɔu ɔ pee nyɛ ma klɔuklɔu, konɛ nyɛɛ bu Yesu Kristo tue, nɛ e muɔ ɔ nɛ tsu nyɛ he. Mawu dloomi kɛ he jɔmi nɛ hiɛ fuu ha nyɛ.