Mose II, 24:3 - BAIBLO ALOO NGMAMI KLƆUKLƆU Ɔ

³ Mose ba nɛ e ba bɔ ma a nɔ́ tsuaa nɔ́ nɛ Yawɛ de lɛ ɔ, kɛ mlaa amɛ tsuo nɛ e wo ɔ. Ma a tsuo nya sɔ nɛ a de ke, “Nɔ́ tsuaa nɔ́ nɛ Yawɛ de wɔ ke waa pee ɔ, wa maa pee.”

Mose II, 24:3 ပူးပေါင်းရင်းမြစ်များ

Kronika II, 15:14

A kɛ ngmlaa ka kita ngɛ Yawɛ biɛ mi ke a maa ye somi ɔ nɔ. Kɛkɛ nɛ a he ose, nɛ a kpa titimatihi, kɛ kolihi.

Kronika II, 15:15

Yuda ma a tsuo nya, ejakaa a so somi nɛ ɔ kɛ a tsui tsuo. A bua jɔ Yawɛ jami ɔ he, nɛ Yawɛ hu he mɛ, nɛ e ha mɛ tue mi jɔmi ngɛ he tsuaa he.

La 50:5

Bɔ nɛ e ngɛ dee ji nɛ ɔ nɛ: “Ye ni klɔuklɔuhi nɛ i kɛ mɛ so kɛ gu bɔ sami mi ɔ, nyɛ bua a nya kɛ ba ha mi.”

Mose II, 19:8

Nɛ ma a tsuo he nɔ nɛ a de ke, “Nɔ́ tsuaa nɔ́ nɛ Yawɛ de ɔ, wa maa pee.” Mose kpale ya bɔ Yawɛ bɔ nɛ ma a de ɔ.

Mose II, 24:2

Mo Mose nɔ kake pɛ lɛ o hɛ mo kɛ su ye he; ni nɛmɛ nɛ piɛ ɔ, mɛɛ lɛɛ a ko su ye he tsɔ. Ma a hu nɛ ko kuɔ yo ɔ.”

Mose II, 24:7

Kɛkɛ nɛ e ngɔ somi womi ɔ, nɛ e kane kɛ ha ma a tsuo. Ma a he nɔ nɛ a de ke, “Wa maa bu Yawɛ tue; nɛ nɔ́ tsuaa nɔ́ nɛ e fa wɔ ke wa pee ɔ, wa maa pee.”

Yeremia 11:4

Benɛ i jé a nɛmɛ ɔmɛ kɛ je Egipt ɔ, somi nɛ i kɛ mɛ so ji nɛ ɔ nɛ. Egipt zugba a ngɛ kaa flɔɔnɔɔ kɛ e mi la nɛ ngɛ tsoe gegeege. I wo mɛ mlaa ke a bu mi tue, nɛ nɔ́ tsuaa nɔ́ nɛ i de mɛ ke a pee ɔ, a pee. I de mɛ ke, ke a bu mi tue ɔ, a maa pee ye ma, nɛ imi hu ma pee a Mawu.

Yeremia 34:13

Israel Mawu ɔ de mi ke ma ya de ma a ke, “Benɛ i ya je nyɛ nɛmɛ ɔmɛ kɛ je Egipt zugba a nɔ, nɛ i ha nɛ a ye a he kɛ je nyɔguɛ si himi mi ɔ, i kɛ mɛ so somi ko. I de mɛ ke

Hagai 2:5

Benɛ nyɛ maa je Egipt ɔ, i wo nyɛ si nɛ ɔ ke ye mumi ɔ kɛ nyɛ maa hi si daa. I kɛ nyɛ ngɛ kɛ mwɔɔ, lɔ ɔ he ɔ, nyɛ ko ye gbeye.

Malaki 2:10

Anɛ pi tsɛ kake too nɛ wɔ tsuo wa ngɛ lo? Anɛ pi Mawu kake too ɔ nɛ bɔ wɔ tsuo lo? Mɛni he je mɔ nɛ wa yi wa nyɛmimɛ anɔkuale ɔ? Somi ɔ nɛ Mawu kɛ wa nɛmɛ ɔmɛ so ɔ, mɛni he je wa yi nɔ ɔ?

Mose V, 11:1

“Nyɛɛ suɔ Yawɛ, nyɛ Mawu ɔ, nɛ nyɛɛ ye e mlaa amɛ tsuo a nɔ daa.

Mose V, 4:1

Jehanɛ Mose de Israel ma a ke, “Nyɛɛ bu mlaa amɛ nɛ ma tsɔɔ nyɛ ɔ tue, nɛ nyɛɛ ye a nɔ, konɛ nyɛ yi nɛ na wami, nɛ́ nyɛ ya ngɔ zugba a nɛ Yawɛ, nyɛ nɛmɛ a Mawu ɔ kɛ ngɛ nyɛ hae ɔ.

Mose V, 4:45

Benɛ Israel bi ɔmɛ je Egipt, nɛ a ba su kɔ̃ ɔ nɛ ngɛ Yordan pa a beleku je ngɛ Betpeor hanɔ ɔ, nɛ e ha mɛ mlaa nɛ ɔmɛ ɔ nɛ. Sa a, Amor bi ɔmɛ a matsɛ, Sihon nɛ je Heshbon ɔ nɛ ye zugba nɛ ɔ nɔ. Se Mose kɛ Israel bi ɔmɛ ba ye e nɔ, benɛ a je Egipt kɛ ma a.

Mose V, 4:5

“I tsɔɔ nyɛ mlaa amɛ tsuo kaa bɔ nɛ Yawɛ, ye Mawu ɔ fa mi ke ma pee ɔ; nyɛɛ ye a nɔ ngɛ zugba nɛ nyɛ yaa ngɔ ɔ nɔ.

Mose V, 5:1

Mose bua Israel ma a tsuo nya, nɛ e de mɛ ke, “Israel bi, nyɛɛ bu mlaa nɛ ɔmɛ tsuo nɛ i ngɛ nyɛ woe mwɔnɛ ligbi nɛ ɔ tue. Nyɛɛ kase mɛ nɛ nyɛɛ hyɛ nɛ nyɛɛ ye a nɔ.

Mose V, 5:31

Se mo Mose lɛɛ, hii hiɛmɛ nɛ ɔ ngɛ ye ngɔ, nɛ ma ha mo mlaa amɛ, kɛ fami ɔmɛ tsuo. O tsɔɔ ma a, nɛ a ye nɔ ngɛ zugba nɛ i ngɛ mɛ hae ɔ nɔ.’

Mose V, 6:1

“Mlaahi nɛ Yawɛ, nyɛ Mawu ɔ fa mi ke ma tsɔɔ nyɛ ji nɛ ɔmɛ nɛ. Nyɛɛ ye a nɔ ngɛ zugba a nɛ nyɛ yaa ngɔ nɛ nyɛɛ hi nɔ ɔ nɔ.

Yoshua 24:21

Ma a de Yoshua ke, “Dɛbi! Wa ma sɔmɔ Yawɛ.”

Yoshua 24:22

Jehanɛ, Yoshua de mɛ ke, “Nyɛ nitsɛmɛ ji odase yeli kaa nyɛ de ke nyɛ ma sɔmɔ Yawɛ.” Ma a he nɔ ke, “Ee, wɔ lɛ wa de ja; odase yeli ji wɔ.”

Yoshua 24:24

Ma a de Yoshua ke, “Wa ma sɔmɔ Yawɛ, wa Mawu ɔ. Wa maa ye e mlaa amɛ a nɔ.”