Mose II, 24:16 - BAIBLO ALOO NGMAMI KLƆUKLƆU Ɔ

^16-18 Yawɛ hɛ mi nyami ɔ kple Sinai yo ɔ nɔ, nɛ bɔku ɔ ha yo ɔ nɔ ligbi ekpa. Ligbi nɛ ji kpaago ɔ, Yawɛ tsɛ Mose kɛ je bɔku ɔ mi. Benɛ Israel bi ɔmɛ na Yawɛ hɛ mi nyami ɔ, e pee mɛ kaa la nɛ ngɛ tsoe ngɛ yo ɔ yi mi. Mose hi lejɛ ɔ nyɔ kɛ pia nyɔ kɛ pia ligbi nyingmi eywiɛ.

Mose II, 24:16 ပူးပေါင်းရင်းမြစ်များ

Mose II, 16:10

Benɛ Aaron kɛ Israel ma a ngɛ munyu ɔ tue nɛ a plɛ nɛ a maa hyɛ nga a nɔ blɔ ɔ, né Yawɛ hɛ mi nyami nɛ je kpo ngɛ bɔku ɔ mi.

Mose IV, 16:42

Se benɛ ma a tsuo nya bua ngɔ wo Mose kɛ Aaron he ɔ, a plɛ kɛ kpee kpe he bo tsu ɔ, nɛ a na kaa bɔku ɔ ba ma lejɛ ɔ, nɛ Yawɛ hɛ mi nyami ɔ je e he kpo.

Ezekiel 1:28

Alale su slɔɔtohi nɛ je kpo ngɛ mi ɔ ngɛ fɛu kaa nɔ́ ko. Bɔ nɛ Yawɛ hɛ mi nyami ɔ kpɛmi nɛ a be nyɛe maa kale ɔ je e he kpo ji nɛ ɔ nɛ. Benɛ i na nɔ́ nɛ ɔ, i tsɔ fia si, nɛ i ngɔ ye hɛ mi ngɔ bu zugba. Kɛkɛ nɛ i nu gbi ko nɛ ngɛ mi dee ke,

La 99:7

E kɛ mɛ tu munyu ngɛ bɔku titima mi. A ye mlaahi nɛ e wo mɛ, kɛ famihi nɛ e fa mɛ ɔ tsuo nɔ.

Mose IV, 14:10

Kɛkɛ nɛ ma mluku ɔ tsuo de ke a fia mɛ tɛ. Se tlukaa a, Yawɛ hɛ mi nyami ɔ ba je e he kpo kɛ tsɔɔ Israel ma a tsuo ngɛ kpe he bo tsu ɔ he.

Mose III, 9:23

Jehanɛ, Mose kɛ Aaron sɛ kpe he bo tsu ɔ mi, nɛ benɛ a je kpo ɔ, a gbaa ma a. Kɛkɛ nɛ Yawɛ hɛ mi nyami ɔ je kpo, nɛ ma a tsuo pɛpɛɛpɛ na.

Kpojemi 1:10

Nyɔmtsɛ ɔ ligbi ɔ, mumi ɔ ba ye nɔ, nɛ i nu gbi ko nɛ ngɛ pɛe wawɛɛ kaa titimati ngɛ ye se.

2 Korintobi 4:6

Mawu lɛ de ke, “La nɛ tso kɛ je diblii mi.” Lɛ Mawu ɔ nɔuu lɛ haa la kpɛɔ ngɛ wa tsui mi. Nɛ la nɛ ɔ haa wa leɔ Mawu hɛ mi nyami nɛ kpɛɔ ngɛ Kristo hɛ mi ɔ.

Mose II, 20:10

Ligbi nɛ ji kpaago ɔ ji Yawɛ, o Mawu ɔ Hejɔɔmi ligbi. Jamɛ a ligbi ɔ, ko tsu nɔ́ ko kulaa; mo nitsɛ jio, o binyumu jio, o biyo jio, o tsɔlɔ nyumu jio, o mawayo jio, o lohwe jio, nubwɔ nɛ ngɛ o ma a mi jio;

Mose II, 19:11

nɛ benɛ e maa su ligbi nɛ ji etɛ ɔ, a dla a he; ejakaa hiɛmɛ nɛ ɔ ligbi nɛ ji etɛ ɔ, imi Yawɛ, ma kple si kɛ ba Sinai yo ɔ nɔ, nɛ nɔ tsuaa nɔ maa na mi.

Mose II, 19:9

Yawɛ de Mose ke, “Hyɛ, i ma o ngɔ ngɛ bɔku kpii mi, konɛ ke ma a nu nɛ i kɛ mo ngɛ munyu tue ɔ, a he mo nɛ a ye kɛ ya neneene.” Mose ho nɛ e ya bɔ Yawɛ heto nɛ ma a ha lɛ ɔ.

Mose III, 9:6

Mose de mɛ ke, “Enɛ ɔ ji nɔ́ nɛ Yawɛ fa ke nyɛɛ pee konɛ nyɛɛ na Yawɛ hɛ mi nyami ɔ.”

Yesaya 4:5

Kɛkɛ ɔ, Yawɛ maa ngɔ bɔku kɛ ba ha Zion yo ɔ, kɛ nihi tsuo nɛ ba kpe ngɛ lejɛ ɔ a nɔ; piani ɔ, Yawɛ ma ha bɔku maa wo, nɛ nyɔ mi ɔ, la su ku, kɛ la nɛ ngɛ kpɛe plamplam maa ba. Mawu hɛ mi nyami ɔ maa ha ma a tsuo nɔ.