Mose II, 24:12 - BAIBLO ALOO NGMAMI KLƆUKLƆU Ɔ

¹² Yawɛ de Mose ke, “Moo kuɔ yo ɔ kɛ ba ye ngɔ nɛ o ba mlɛ, nɛ ma ngɔ tɛ tɛtlɛɛ enyɔ ɔmɛ kɛ a nɔ mlaa amɛ nɛ i ngma nɛ a kɛ tsɔse ma a ngɔ ha mo.”

Mose II, 24:12 ပူးပေါင်းရင်းမြစ်များ

Matsɛmɛ I, 19:11

Yawɛ de lɛ ke, “Jee kpo nɛ o ya da si ngɛ ye hɛ mi ngɛ yo ɔ nɔ.” Kɛkɛ nɛ Yawɛ ba be kɛ ho, nɛ e ha kɔɔhiɔ nɛ nya wa ba fia yo ɔ, nɛ e ywia tɛ sa amɛ, se Yawɛ be kɔɔhiɔ ɔ mi. Kɔɔhiɔ ɔ kpa fiami, nɛ zugba mimiɛ; se Yawɛ be zugba mimiɛmi ɔ mi.

Ezra 7:10

Ezra ngɔ e wami tsuo ngɔ ha kaa e maa kase Yawɛ mlaa a nɛ e tsu he ní. E suɔ hu kaa e maa tsɔɔ Israel ma a Mawu mlaa a, kɛ blɔ nya tomi ɔmɛ tsuo.

Nehemia 9:13

O kple si kɛ je hiɔwe kɛ ba Sinai yo ɔ nɔ, nɛ o kɛ o ma a ba tu munyu; o ha mɛ mlaa kpakpahi, kɛ ní tsɔɔmi nɛ hi kɛ pi si.

Nehemia 9:14

O tsɔɔ mɛ kaa a ye Hejɔɔmi ligbi ɔ klɔuklɔu, nɛ o gu o tsɔlɔ Mose nɔ kɛ ha mɛ o mlaa amɛ.

La 19:12

Mɛnɔ ma nyɛ maa na lɛ nitsɛ e tɔmihi? Yawɛ, tɔmihi nɛ i pee ngɛ laami mi ɔ, ngɔɔ kɛ pa mi!

Mose II, 19:3

Mose kuɔ yo ɔ kɛ ho Mawu ngɔ ya. Kɛkɛ nɛ Yawɛ tsɛ Mose ngɛ yo ɔ mi, nɛ e de lɛ ke e ya nɛ e ya de Israel bi ɔmɛ, nɛ ji Yakob nina a ke,

Mose II, 24:15

Kɛkɛ nɛ Mose kuɔ yo ɔ, nɛ bɔku ko ba ha yo ɔ nɔ.

Mose II, 24:2

Mo Mose nɔ kake pɛ lɛ o hɛ mo kɛ su ye he; ni nɛmɛ nɛ piɛ ɔ, mɛɛ lɛɛ a ko su ye he tsɔ. Ma a hu nɛ ko kuɔ yo ɔ.”

Mose II, 31:18

Benɛ Mawu kɛ Mose tu munyu gbe nya ngɛ Sinai yo ɔ nɔ ɔ, Mawu ngɔ tɛ tɛtlɛɛ enyɔ ɔmɛ nɛ lɛ nitsɛ e ngma mlaa amɛ ngɛ nɔ ɔ kɛ ha Mose.

Mose II, 32:1

Benɛ ma a na kaa Mose se ya fia si ngɛ yo ɔ nɔ, nɛ e kple we si kɛ bɛ ɔ, ma a bua a he nya kɛ ba na Aaron, nɛ a ba de lɛ ke, “Kikɛmɛ a Mose nɛ ɔ nɛ je wɔ kɛ je Egipt zugba a nɔ ɔ, wa li sane nɛ ya ba e nɔ. Lɔ ɔ he ɔ, moo pee mawu ha wɔ nɛ e nyɛɛ wa hɛ mi.”

Mose II, 34:1

Yawɛ de Mose ke, “Mo kó tɛ tɛtlɛɛ enyɔ kaa kekle ní ɔmɛ, konɛ ma ngma munyuhi nɛ ngɛ kekle tɛ ɔmɛ nɛ o ywia a a nɔ ɔ kɛ fɔ nɔ.

Yeremia 31:33

Se somi he ɔ nɛ i kɛ Israel ma a maa so jehanɛ ɔ, bɔ nɛ lɛɛ e maa hi ji nɛ ɔ nɛ; ma ngɔ ye mlaa kɛ wo a mi, nɛ ma ngma ngɛ a tsui nɔ. Ma pee a Mawu, nɛ a maa pee ye ma.

Mateo 5:19

Lɔ ɔ he ɔ, nɔ tsua nɔ nɛ maa tɔ mlaa nɛ ɔmɛ a kpɛti nyafii kake, nɛ e maa tsɔɔ ni kpahi ke a pee ja a, a maa bu lɛ nɔmlɔ nyafii pe kulaa ngɛ hiɔwe matsɛ yemi ɔ mi. Se nɔ tsuaa nɔ nɛ yeɔ mlaa a nɔ, nɛ e tsɔɔ ni kpahi hu ke a pee ja a, a maa bu lɛ nɔmlɔ nguaa ngɛ hiɔwe matsɛ yemi ɔ mi.

2 Korintobi 3:3

Nyɛ ngɛ kaa womi nɛ Kristo nitsɛ ngma nɛ e kɛ tsɔ wɔ; pi womi nɛ a kɛ ní ngmami nyu ngmaa ngɛ tɛ tɛtlɛɛhi a nɔ ɔ. Se mohu, enɛ ɔ ji womi nɛ Kristo ngma kɛ gu Mawu hɛ kalɔ ɔ mumi ɔ nɔ ngɛ adesa tsui mi.

2 Korintobi 3:7

Mlaa a nɛ a kpɛ́ ngɛ tɛhi a nɔ nɛ kɛ gbenɔ ba a, benɛ a ngɔ ha a, Mawu hɛ mi nyami ɔ je kpo. Hɛ mi nyami ɔ ha nɛ Mose hɛ mi ngɛ kpɛe. Ke jamɛ a be ɔ mi po nɛ hɛ mi nyami ɔ miɔ nɛ e maa ta a, e ha nɛ Mose hɛ mi ngɛ kpɛe bɔ nɛ Israel bi ɔmɛ nyɛ we Mose hɛ mi hyɛmi ɔ,

Mose V, 4:14

Yawɛ de mi jamɛ a be ɔ mi ke ma tsɔɔ nyɛ mlaa amɛ tsuo nɛ nyɛ maa ye a nɔ ngɛ zugba a nɛ nyɛ yaa ngɔ ɔ nɔ ɔ.

Mose V, 5:22

“Benɛ nyɛ bua nyɛ he nya ngɛ yo ɔ he ɔ, mlaahi nɛ Yawɛ ngɔ ha nyɛ tsuo ji nɛ ɔmɛ nɛ. Benɛ e wo gbi kɛ je la, kɛ bɔku kpii ɔ mi ɔ, jamɛ be ɔ mi nɛ e ha nyɛ mlaa nɛ ɔmɛ, nɛ ekpa ko piɛ we he. Lɔ ɔ se ɔ, e ngma mɛ ngɛ tɛ tɛtlɛɛ enyɔ nɔ, nɛ e ngɔ mɛ ngɔ ha mi.

Mose V, 5:31

Se mo Mose lɛɛ, hii hiɛmɛ nɛ ɔ ngɛ ye ngɔ, nɛ ma ha mo mlaa amɛ, kɛ fami ɔmɛ tsuo. O tsɔɔ ma a, nɛ a ye nɔ ngɛ zugba nɛ i ngɛ mɛ hae ɔ nɔ.’

Hebribi 9:4

Níhi nɛ ngɛ tsu nɛ ɔ mi ji tsopa kɛ e he via sami la tɛ nɛ a kɛ sika tsu pee ɔ, somi daka a nɛ a kɛ sika tsu ha he ɔ kɛ e mi sika tsu kplu ɔ nɛ mana a ngɛ mi ɔ, Aaron dɛma tso ɔ nɛ tsɛ̃ ba be ko ɔ, kɛ tɛ tɛtlɛɛ enyɔ ɔmɛ nɛ a ngma mlaa amɛ ngɛ a nɔ ɔ.