Mose II, 23:9 - BAIBLO ALOO NGMAMI KLƆUKLƆU Ɔ

⁹ “Koo wa nubwɔ yi mi; nyɛ le bɔ nɛ nubwɔ si himi ngɛ ha, ejakaa nyɛ ya hi si kaa nibwɔhi ngɛ Egipt.

Mose II, 23:9 ပူးပေါင်းရင်းမြစ်များ

La 94:6

A ngɛ yalɔyihi, kɛ awusahi gbee; nibwɔhi nɛ ngɛ wa zugba a nɔ hu, a ngɛ a muɔ si puee ja nɔuu.

Mose II, 21:21

Se ke e gbo we amlɔ, nɛ ligbi kake, loo ligbi enyɔ be loko e gbo ɔ, a ko gbla nyɔmtsɛ ɔ tue; ejakaa nyɔguɛ ɔ gbenɔ ɔ ngɛ kaa nyɔguɛtsɛ ɔ sika nɛ laa.

Mose II, 22:20

“Nɔ tsuaa nɔ nɛ maa sã bɔ kɛ ha mawu kpa ko, se pi imi Yawɛ ɔ, a kpata e hɛ mi.

Mose II, 22:21

“Koo pee nubwɔ yayami, nɛ koo wa lɛ yi mi; ejakaa nyɛ hu nyɛ ya to nubwɔ ngɛ Egipt zugba a nɔ.

Ezekiel 22:29

Zugba a nɔ bi ɔmɛ tsuo yeɔ amimi, nɛ a haa níhi; a waa dɛgutsɛ, kɛ ohiatsɛmɛ yi mi. A yeɔ nubwɔ amimi wawɛɛ nitsɛ nɛ a yɛ se.

Ezekiel 22:7

Nɔ ko nɔ ko be ma a mi nɛ buɔ e fɔli. O yeɔ nibwɔhi amimi, nɛ o waa awusahi, kɛ yalɔyihi hu yi mi.

Mose III, 19:33

“Ke nɔ ko ba to nyɛ nubwɔ ngɛ zugba a nɔ ɔ, nyɛ ko pee lɛ yayami.

Mateo 18:33

Anɛ mo hu e sɛ kaa o naa o nyɛmi tsɔlɔ mɔbɔ kaa bɔ nɛ i na mo mɔbɔ ɔ lo?’

Mose V, 10:19

Lɔ ɔ he ɔ, nyɛɛ suɔ nibwɔ ɔmɛ a sane; ejakaa nyɛ hu nyɛ ya to nubwɔ hyɛ ngɛ Egipt.

Mose V, 23:7

“Koo hie Edom no; ejakaa o nyɛmi ji lɛ. Koo hie Egipt no; ejakaa o ya hi e zugba a nɔ hyɛ.

Mose V, 27:19

“ ‘Mawu maa gbiɛ nɔ tsuaa nɔ nɛ plɛɔ nibwɔhi, awusahi, kɛ yalɔyihi a sane hɛ mi buɔ si.’ “Ma a tsuo ma he nɔ ke, ‘Amen!’