Mose II, 23:26 - BAIBLO ALOO NGMAMI KLƆUKLƆU Ɔ

²⁶ Yo ko mi be sanee, nɛ yo ko hu be yosa pee ngɛ zugba a nɔ. Ma ha o wami se maa kɛ.

Mose II, 23:26 ပူးပေါင်းရင်းမြစ်များ

Mose V, 7:14

Ma ko ma ko be je ɔ mi nɛ a maa gbaa mɛ babauu kaa nyɛ. A be nyumu ko, loo yo ko nae ngɛ nyɛ kpɛti nɛ be fɔe; nɛ nyɛ lohwe ɔmɛ hu ja nɔuu.

Hiob 5:26

O maa bwɔ kotokoto loko o ma gbo, kaa bɔ nɛ ngma waa saminya loko a kpaa a.

Mose V, 28:4

“Yawɛ ma ha nyɛ ma fɔ bimɛ babauu; nyɛ zugba a maa ba ní, nɛ nyɛ we mi lohwehi, nɛ ji nyɛ na amɛ, kɛ nyɛ to ɔmɛ hu maa bɔ.

Hiob 21:10

Niinɛ, a na ku ɔmɛ, kɛ na yi ɔmɛ naa bɔmi pɛpɛɛpɛ, nɛ na yi ɔmɛ fɔɔ nɛ nɔ́ ko pee we mɛ.

Yesaya 65:20

Ma he nɛ ɔ mi ɔ, bimwɔyo be gboe hu; nɔmoyo hu be gboe loko e be maa su. Ke a fɔ nɔ ko ɔ, ja e ye jeha lafa loko e ma gbo. Yayami peelɔ pɛ nɛ lɛɛ e be nae ja.

La 144:13

Wa blɛfo gba amɛ nɛ a hyi tɔ kɛ ngma, nɛ a na niye ní slɔɔtoslɔɔtohi ngɛ lejɛ ɔ; wa to ɔmɛ hu nɛ a fɔ babauu akpeakpe abɔ ngɛ kɔpe ɔmɛ a mi.

La 107:38

Yawɛ gbaa e ma a; e ha nɛ a he ba hiɛ babauu nitsɛ; a lohwehi hu e ha we nɛ a nɔ nɛ gbɔ́.

Mose I, 35:29

nɛ e gbo benɛ e bwɔ kotokoto; nɛ e bimɛ Esau kɛ Yakob pu lɛ.

Kronika I, 23:1

Benɛ David ba bwɔ kotokoto ɔ, e wo e binyumu Salomo matsɛ ngɛ Israel ma a nɔ.

Hiob 42:17

loko e gbo. Jamɛ a be ɔ, e bwɔ kotokoto.

La 55:23

Se mo Mawu, o ma sake mɛ kɛ fɔ muɔ voo ɔ mi; muɔ si pueli, kɛ lakpatsɛmɛ be a wami be ɔ fa tete po yee ngɛ je mi. Se imi lɛɛ ma ngɔ ye hɛ kɛ fɔ o nɔ.

La 90:10

Wa wami be ɔ tsuo ji jeha nyingmi kpaago. Ke wa ngɛ he wami ɔ, wa naa nyingmi kpaanyɔ, se lɛ tsuo peeɔ haomi kɛ aywilɛho sɔuu. Wa wami se poɔ tlukaa; nɛ wa bee kɛ yaa kaa lohwe pɛlitsɛmɛ nɛ te kɛ bee.

Mose V, 4:40

Nyɛɛ ye e mlaa amɛ tsuo nɛ i ngɛ nyɛ woe mwɔnɛ ɔ a nɔ, konɛ e hi ha nyɛɛ kɛ nyɛ nina. Ke nyɛ ye a nɔ ɔ, nyɛ maa hi zugba nɛ Yawɛ, nyɛ Mawu ɔ kɛ ngɛ nyɛ hae ɔ nɔ daa.”

Hosea 9:14

Lɔ ɔ he ɔ, Yawɛ, i kpa mo pɛɛ, ke yi ɔmɛ ngɔ hɔ ɔ, hɔ ɔ nɛ sane, nɛ nyu nɛ ta a nyɔ mi.