Mose II, 23:25 - BAIBLO ALOO NGMAMI KLƆUKLƆU Ɔ

²⁵ O ma ja imi Yawɛ, o Mawu ɔ, nɛ ma gbaa mo kɛ nya mi ngma, kɛ nyu, nɛ o be hiɔ nue.

Mose II, 23:25 ပူးပေါင်းရင်းမြစ်များ

Mose V, 7:15

Yawɛ be hae nɛ hiɔ nɛ nu nyɛ; nɛ Egipt hiɔ yaya amɛ nɛ nyɛ le ɔ ekoeko be nyɛ he sae; nyɛ he nyɛli mohu lɛ a maa nu hiɔ yaya nɛ ɔmɛ.

Mose II, 15:26

E de mɛ ke, “Ke nyɛ maa bu Yawɛ, nyɛ Mawu ɔ tue, nɛ nyɛ maa pee nɔ́ nɛ da ngɛ e hɛ mi, nɛ nyɛ maa ye e kita amɛ, kɛ e mlaa amɛ tsuo a nɔ ɔ, lɛɛ hiɔ ɔmɛ nɛ i kɛ gbla Egipt bi ɔmɛ a tue ɔ, ekoeko be nyɛ nɔ bae. Imi ji Yawɛ; imi ji nyɛ tsalɔ.”

Yoshua 22:5

Nyɛɛ hyɛ saminya, nɛ nyɛɛ ye mlaa amɛ nɛ Yawɛ tsɔlɔ Mose wo nyɛ ɔ a nɔ. Nyɛɛ suɔ Yawɛ, nyɛ Mawu ɔ; nyɛɛ pee e suɔmi nya ní; nyɛɛ ye e mlaa amɛ a nɔ, nyɛɛ ye lɛ anɔkuale, nɛ nyɛ sɔmɔ lɛ kɛ nyɛ tsui tsuo, kɛ nyɛ klaa tsuo.”

Yesaya 33:24

Nihi nɛ ngɛ zugba a nɔ ɔ, a ti nɔ ko nɔ ko be dee hu ke, “I be he wami.” A maa ngɔ ma a tsuo a he yayami kɛ pa mɛ.

La 103:3

E kɛ ye he yayamihi tsuo paa mi, nɛ e tsaa ye he hiɔhi tsuo.

Mose V, 7:13

e maa suɔ nyɛ, nɛ e maa gbaa nyɛ. E ma ha nyɛ he maa hiɛ, nɛ nyɛ ma fɔ bimɛ babauu. E maa gbaa nyɛ ngmɔ ɔmɛ, nɛ nyɛ ma na blɛfo, wai, kɛ oliv nu. E maa gbaa nyɛ, nɛ nyɛ na amɛ kɛ to ɔmɛ maa bɔ. Gbaami nɛ ɔmɛ tsuo e kɛ maa gbaa nyɛ ngɛ zugba nɛ e ka nyɛ nɛmɛ ɔmɛ kita ke e ma ngɔ ha nyɛ ɔ nɔ.

Mose V, 10:12

“Jehanɛ, Israel bi, nyɛɛ bu nɔ́ nɛ Yawɛ, nyɛ Mawu ɔ ngɛ hlae kaa nyɛɛ pee ɔ tue. Nyɛ ja Yawɛ, nyɛ Mawu ɔ, nɛ nyɛɛ ye e mlaa amɛ tsuo a nɔ pɛpɛɛpɛ. Nyɛɛ suɔ lɛ, nɛ nyɛ sɔmɔ lɛ kɛ nyɛ tsui tsuo, kɛ nyɛ klaa tsuo.

Mose V, 6:13

Nyɛɛ ye Yawɛ, nyɛ Mawu ɔ gbeye; nyɛ ja lɛ pɛ; nɛ e biɛ nyɛ kɛ ka kita.

Mateo 4:10

Kɛkɛ nɛ Yesu de lɛ ke, “Satan, jee hiɛmɛ nɛ ɔ! Ngmami ɔ ke, ‘Ja Nyɔmtsɛ o Mawu ɔ, nɛ o sɔmɔ lɛ pɛ!’ ”

Samuel I, 12:20

Se Samuel de mɛ ke, “Nyɛ ko ye gbeye. E ngɛ mi kaa nyɛ ná pee kikɛmɛ a yayami nɛ ɔmɛ tsuo lɛɛ, se kɛ̃, nyɛ ko je Yawɛ se; mohu nyɛ sɔmɔ lɛ kɛ nyɛ tsui tsuo.

Mose V, 10:20

Nyɛɛ bu Yawɛ, nyɛ Mawu ɔ tue, nɛ nyɛ ja lɛ nɔ kake pɛ. Nyɛɛ ye lɛ anɔkuale, nɛ nyɛɛ wo si ngɛ e biɛ mi pɛ.

Yoshua 24:21

Ma a de Yoshua ke, “Dɛbi! Wa ma sɔmɔ Yawɛ.”

Mose V, 13:4

Nyɛɛ nyɛɛ Yawɛ, nyɛ Mawu ɔ se, nɛ nyɛɛ ye lɛ pɛ gbeye; nyɛɛ bu lɛ tue, nɛ nyɛɛ ye e mlaa amɛ a nɔ; nyɛ ja lɛ, nɛ nyɛɛ ye lɛ anɔkuale.

Samuel I, 7:3

Samuel de Israel bi ɔmɛ ke, “Ke nyɛ maa kpale ba nyɛɛ Yawɛ se niinɛ kɛ nyɛ tsui tsuo ɔ, lɛɛ nyɛ je ma se mawu ɔmɛ, kɛ yo wɔ Ashtarot ɔ kɛ je nyɛ kpɛti. Nyɛ dla nyɛ tsui mi kɛ ha Yawɛ, nɛ nyɛ sɔmɔ lɛ nɔ kake too, nɛ e ma je nyɛ kɛ je Filisti bi ɔmɛ a dɛ mi.”

Yoshua 24:24

Ma a de Yoshua ke, “Wa ma sɔmɔ Yawɛ, wa Mawu ɔ. Wa maa ye e mlaa amɛ a nɔ.”

Malaki 3:10

Nyɛɛ ngɔ mi dlami nyɔngmanyɔngma mi kakaaka amɛ tsuo kɛ ba nito he ɔ, konɛ niye ní nɛ hiɛ ngɛ ye we ɔ. Nyɛɛ ka mi nɛ nyɛɛ hyɛ kaa i be hiɔwe saflɛhi blie nɛ ma ha nɛ ní kpakpa babauu maa nɛ ngɔ pue nyɛ nɔ babaaba kaa hiɔmi lo?

Yesaya 33:16

Jamɛatsɛ ɔ ma ná he jɔmi kaa nɔ ko nɛ ngɛ mɔ nɛ he wa saminya mi. E ma na ní maa ye, nɛ e ma na nyu maa nu.

Samuel I, 12:24

Nɔ́ nɛ sa nyɛ peemi kɛkɛ ji nyɛɛ ye Yawɛ gbeye, nɛ nyɛ kai ní nguahi nɛ e pee ha nyɛ ɔ.

Yeremia 8:2

A be wu nɛ ɔmɛ a nya buae, nɛ a be mɛ pue hulɔ; wu ɔmɛ maa pee kaa kuku ngɛ zugba a nɔ. A ma ka wu ɔmɛ ngɔ ha pu kɛ nyɔhiɔ kɛ dodoehi. Ní nɛ ɔmɛ ji níhi nɛ ma a suɔ saminya; ma a sɔmɔ mɛ, nɛ a bi ní ngɛ a ngɔ, nɛ a ja mɛ hulɔ.

Mose III, 11:44

Imi ji Yawɛ, nyɛ Mawu ɔ nɛ. Nyɛɛ pee nyɛ he klɔuklɔu; ejakaa Nɔ Klɔuklɔu ji mi. Lɔ ɔ he ɔ, lohwehi nɛ sãã si ɔ, nyɛ ko ngɔ ekoeko kɛ ble nyɛ he.

Mose III, 26:3

“Ke nyɛ bu ye gbi tue nɛ nyɛ ye ye blɔ nya tomi ɔmɛ, kɛ ye mlaa amɛ a nɔ ɔ,

Fiɛlɔ 5:20

Akɛnɛ Mawu haa lɛ bua jɔmi daa he je ɔ, e pa be e he haoe kɛ kane e wami ligbi ɔmɛ hu.

Daniel 1:15

Ligbi nyɔngma se ɔ, a na kaa Daniel, kɛ e huɛmɛ etɛ ɔmɛ plɔke, nɛ a wo lo nihewi ɔmɛ tsuo nɛ mɛɛ a yeɔ matsɛ ɔ niye ní kpakpa a.