Mose II, 23:24 - BAIBLO ALOO NGMAMI KLƆUKLƆU Ɔ

²⁴ Ko kpla si ha a mawu ɔmɛ; ko ja mɛ, nɛ a jami kusumi ní ɔmɛ hu koo pee. Se mohu, o ywia a mawu ɔmɛ, nɛ o ku a wɔ titima amɛ dukuduku kɛ pue si.

Mose II, 23:24 ပူးပေါင်းရင်းမြစ်များ

Mose II, 20:5

Ko kpla si ha mɛ, nɛ ko ja mɛ hulɔ; ejakaa imi Yawɛ, o Mawu ɔ, a kɛ mi plee we nɔ́ he. I gblaa ni nɛmɛ nɛ nyɛɛ mi ɔ, kɛ a bimɛ, kɛ a bibimɛ a tue hluu kɛ yaa si yi nɔ etɛne kɛ eywiɛne bimɛ a nɔ.

Mose IV, 33:52

nyɛɛ fie zugba a nɔ bi ɔmɛ tsuo kɛ je lejɛ ɔ. Nyɛɛ ywia a we amaga amɛ tsuo nɛ a ngɔ tɛ, loo nɔ́ ko nɛ a sile kɛ pee ɔ; a jami he ɔmɛ hu nyɛɛ gbɛ mɛ.

Mose V, 12:3

Nyɛɛ ku a bɔ sami la tɛ ɔmɛ, nɛ nyɛɛ ywia a wɔ titima amɛ wɔtsɔwɔtsɔ. Nyɛɛ sã a yo wɔ Ashera a, nɛ nyɛɛ poo a mawu ɔmɛ a we amaga amɛ pue he. Nyɛ kpata a hɛ mi pɛsɛpɛsɛ, konɛ a ko ja mɛ ngɛ lejɛ ɔmɛ hu.

Mose V, 7:5

Bɔ nɛ nyɛɛ pee mohu ji kaa nyɛɛ ku a bɔ sami la tɛ ɔmɛ; nyɛɛ ywia mɛ dukuduku, nɛ nyɛɛ ywia a yo mawu nɛ a tsɛɛ Ashera a we amaga a, nɛ nyɛɛ sã wɔ ɔmɛ.

Kronika II, 33:9

Se Manase mlɔɔ Yuda kɛ Yerusalem ma mi bi ɔmɛ, nɛ a ya pee yayami nɛ kle kulaa pe yayami nɛ je ma amɛ nɛ Yawɛ fie kɛ je Israel bi ɔmɛ a blɔ mi ɔ pee ɔ po.

Mose III, 18:3

Egipt bi ɔmɛ nɛ nyɛ hi a zugba a nɔ ɔ, kɛ Kanaan bi ɔmɛ nɛ i ngɔ nyɛ kɛ yaa a zugba a a nɔ ɔ, nyɛ ko pee a kusumi níhi.

Mose II, 32:20

E wo na bi ɔ nɛ a pee ɔ, nɛ e mɛ he la, nɛ e sile. Lɔ ɔ se ɔ, e wɛɛ lɛ nɛ e pee mamu bukɔbukɔ, nɛ e ngɔ fĩa nyu hɛ mi, nɛ e ngɔ ha Israel bi ɔmɛ nɛ a nu.

Ezekiel 16:47

Pi kaa o ya wo o nyɛmiyi ɔmɛ a nane ngɛ yayamihi nɛ a pee ɔ a mi kɛkɛ, se e yi be ko kulaa nɛ o ba puɛ wawɛɛ pe mɛ ngɛ blɔ tsuaa blɔ nɔ ngɛ o je mi bami tsuo mi.”

La 101:3

I be yi wu tso níhi a he susue. Nihi nɛ kua Mawu ɔ, i kɛ mɛ be bɔe. A ní peemi níhi muɛ ye hɛ.

Kronika II, 33:2

Je ma amɛ nɛ Yawɛ fie kɛ je Israel bi ɔmɛ a blɔ mi ɔ, Manase ya nyɛɛ a ní yayami ɔmɛ a se, nɛ e pee yayami kɛ si Yawɛ.

Mose II, 23:13

“Nyɛɛ bu níhi tsuo nɛ imi Yawɛ, i de nyɛ ɔ tue saminya nɛ nyɛɛ ye nɔ. Nyɛ ko fa kue ha mawu kpa komɛ, nɛ a ko nu a biɛhi tete po ngɛ nyɛ nya.

Mose II, 23:32

O kɛ mɛ, loo a mawu ɔmɛ ko so somi ko.

Mose II, 23:33

Ko ha nɛ a hi o zugba a nɔ; ke o pee ja a, a ma ha nɛ o maa pee yayami kɛ si mi; ejakaa ke o ya sɔmɔ a mawu ɔmɛ pɛ kɛkɛ lɔ ɔ plɛ pee klama nɛ a tsɔ mo.”

Mose III, 26:1

Yawɛ de ke, “Nyɛ ko puɛ amagahi, nɛ nyɛ ko pee tɛ amagahi, loo titimahi kɛ ma si; nyɛ ko ja mɛ hulɔ; ejakaa imi ji Yawɛ, nyɛ Mawu ɔ nɛ.

Matsɛmɛ II, 3:2

E ngɛ mi kaa e pee yayami kɛ si Yawɛ lɛɛ, se e hi kulaa pe e tsɛ kɛ e nyɛ; ejakaa Baal amaga amɛ nɛ e tsɛ puɛ ɔ, e ku mɛ kɛ pue he.

Matsɛmɛ II, 18:4

E gbɛ jami he ɔmɛ, nɛ e ywia amaga a nɛ a puɛ kɛ ha yo mawu ɔ nɛ a tsɛɛ Ashera a, kɛ amaga kpa amɛ tsuo. Akɔblee sinɔ ɔ nɛ Mose pee, nɛ a tsɛɛ lɛ Nehushtan ɔ, lɔ ɔ hu e ywia lɛ tsɔkɔtsɔkɔ; ejakaa kɛ ba si jamɛ a be ɔ mi ɔ, Israel bi ɔmɛ jɔɔ we tsopa kɛ e he via sami kɛ ha akɔblee sinɔ ɔ.

Mose II, 20:3

“Ko ja mawu ko kɛ piɛ ye he.

Mose IV, 25:2

Yi nɛ ɔmɛ kpeeɔ mɛ kɛ yaa niye ní nɛ a kɛ ba sã bɔ ha a mawu ɔmɛ ɔ a he. A yeɔ ní ɔ, nɛ a jaa mawu ɔmɛ hulɔ.

Matsɛmɛ II, 17:8

Jehanɛ, je ma amɛ nɛ Yawɛ fie kɛ je a blɔ ɔ nɔ ɔ, Israel bi ɔmɛ bɔni a kusumi níhi peemi; slo ma se kusumi kpahi nɛ Israel matsɛmɛ ɔmɛ ngɔ kɛ ba a hulɔ.

Matsɛmɛ II, 17:11

nɛ a sã tsopa kɛ e he via ngɛ jami he ɔmɛ tsuo, kaa bɔ nɛ je ma amɛ nɛ Yawɛ fie kɛ je a blɔ ɔ nɔ ɔ pee ɔ pɛpɛɛpɛ. A pee ní yayamihi kɛ wo Yawɛ mi mi la.

Kronika II, 14:2

E ní peepee sa Yawɛ, e Mawu ɔ hɛ mi; e pee nɔ́ nɛ da, kɛ nɔ́ nɛ hi.

Kronika II, 25:14

Benɛ Amazia ya ye Edom bi ɔmɛ a nɔ kunimi nɛ e kpale kɛ ma a, e ngɔ a we amaga amɛ kɛ ba. E kɛ mɛ ba ma si, nɛ e ja mɛ, nɛ e sã tsopa kɛ e he via kɛ ha mɛ.

Hosea 10:2

A yi Mawu anɔkuale, lɔ ɔ he ɔ, a maa gbla a tue ngɛ a yayami ɔmɛ a he. Yawɛ maa ku a bɔ sami la tɛ ɔmɛ, kɛ titima amɛ kɛ pue si.