Mose II, 23:21 - BAIBLO ALOO NGMAMI KLƆUKLƆU Ɔ

²¹ Moo bu lɛ, nɛ o nu e gbi, nɛ o ko tsɔ e hɛ mi atuã; ejakaa imi nɛ i tsɔ lɛ, nɛ e kɛ nyɛ tɔmi ɔmɛ be nyɛ pae.

Mose II, 23:21 ပူးပေါင်းရင်းမြစ်များ

La 78:56

Se a ka Mawu, Hiɔwe No ɔ; a tsɔ e hɛ mi atuã, nɛ a yi e mlaa amɛ a nɔ.

La 78:40

Hyɛ bɔ nɛ a tsɔ e hɛ mi atuã si abɔ ngɛ nga a nɔ! Hyɛ bɔ nɛ a pee lɛ nidɔ ní si abɔ ngɛ nga kplanaa a nɔ!

Hebribi 12:25

Lɔ ɔ he ɔ, nɔ nɛ kɛ nyɛ ngɛ munyu tue ɔ, nyɛɛ bu lɛ tue. Nihi nɛ bui nɔ nɛ bɔ mɛ kɔkɔ ngɛ zugba a nɔ tue ɔ, a yi a he. Nɛ wɔɔ lɛɛ ke nɔ nɛ je hiɔwe ɔ kɛ wɔ ngɛ munyu tue nɛ wa bui lɛ tue ɔ, kɛ wa maa pee kɛ ye wa he kɛɛ?

Yohane 10:38

Se ke jamɛ a ní tsumi ɔmɛ i tsuɔ ɔ, lɔ ɔ lɛɛ ke nyɛ he we imi nitsɛ yi po ɔ, níhi nɛ i peeɔ ɔ, nyɛ he nyɛɛ ye mɔ. Kɛkɛ ɔ, nyɛ maa le si kake nyɔngloo kaa Tsɛ ɔ ngɛ ye mi, nɛ imi hu i ngɛ Tsɛ ɔ mi.”

Yohane 10:30

I kɛ Tsɛ ɔ ni kake ji wɔ.”

Yoshua 24:19

Yoshua ya nɔ, nɛ e de ma a ke, “E ngɛ mi ja; se eko ɔ, nyɛ be Yawɛ nyɛe ma sɔmɔ. Mawu klɔuklɔu ji lɛ, nɛ e kɛ nyɛ tɔmi ɔmɛ, kɛ yayami ɔmɛ be nyɛ pae. A kɛ lɛ plee we nɔ́ he,

Mose II, 3:14

Mawu de Mose ke, “IMI JI NƆ NƐ I JI.” E ya nɔ nɛ e de lɛ ke, “Bɔ nɛ o ma de Israel bi ɔmɛ ji, ‘Nɔ nɛ a tsɛɛ lɛ IMI JI ɔ tsɔ mi nyɛ ngɔ.’ ”

Kolosebi 2:9

Ejakaa bɔ nɛ Mawu su ngɛ tutuutu ɔ, lɔ ɔ wa naa ngɛ Kristo mi benɛ e ba ngɛ he lo mi ɔ nɛ.

Efesobi 4:30

Nyɛ ko wo Mawu Mumi Klɔuklɔu ɔ mi mi la. Ejakaa mumi ɔ ngɛ kaa so ko nɛ Mawu ngɔ kɛ kadi nyɛ kɛ tsɔɔ kaa be ma nɛ Mawu ma ha nɛ nyɛ maa ye nyɛ he.

Mose V, 18:19

E maa tu munyu ngɛ ye biɛ mi, nɛ ke nɔ ko bui lɛ ɔ, imi nitsɛ ma gbla nɔ ɔ tue.

Mose IV, 14:11

Yawɛ bi Mose ke, “Kɛ yaa si mɛni be ma nɛ ɔ ma kua mi? Kɛ yaa si mɛni be loko a ma he mi maa ye ngɛ okadihi babauu nɛ i pee ngɛ a kpɛti ɔ he?

Yohane 5:23

Kɛkɛ ɔ, nihi tsuo maa wo Bi ɔ hɛ mi nyami kaa bɔ nɛ a woɔ Tsɛ ɔ hɛ mi nyami ɔ. Lɔ ɔ he ɔ, nɔ tsuaa nɔ nɛ wui imi Bi ɔ, ye hɛ mi nyami ɔ, Tsɛ ɔ nɛ tsɔ mi ɔ hɛ mi nyami e wui ɔ nɛ.

Mose IV, 14:35

I ngɛ kita kae kaa nyɛ nimli kpekpemi yiwutsotsɛmɛ nɛ nyɛ tsɔ atuã wo mi ɔ, nɔ́ nɛ ma pee nyɛ ji nɛ ɔ nɛ. Nyɛ tsuo nyɛ ma gbo tlɔ nga a nɔ ngɛ hiɛmɛ nɛ ɔ. Imi, Yawɛ lɛ i de.’ ”

Mose II, 32:34

Moo lɛɛ yaa nɛ o ya kpaka ye ma a kɛ ya he nɛ i de mo ɔ. Ye bɔfo ɔ maa nyɛɛ o hɛ mi. Se be ma nɛ ma wo ma a hiɔ ngɛ a he yayami ɔ he.”

Mose II, 6:3

I je ye he kpo tsɔɔ Abraham, Isak, kɛ Yakob kaa Mawu Ope; se ye biɛ Yawɛ ɔ lɛɛ i ha we nɛ a le.

Kpojemi 2:23

Ma gbe e se nyɛɛli ɔmɛ hulɔ. Kɛkɛ ɔ, asafo ɔmɛ tsuo maa na kaa imi ji nɔ nɛ le adesahi tsuo a juɛmi, kɛ a tsui mi. Ma wo nyɛ ti nɔ tsuaa nɔ hiɔ ngɛ nɔ́ nɛ e tsu ɔ he.

Kpojemi 2:8

Nɛ e de ke, “Bɔfo ɔ nɛ ngɛ asafo ɔ nya ngɛ Smirna a, ngmaa womi nɛ ɔ ya ha lɛ ke, “Sɛ gbi nɛ je nɔ nɛ ji kekleekle no kɛ nyagbe no ɔ ngɔ ji nɛ ɔ nɛ; e gbo, nɛ e kpale ba wami mi ekohu.

Kpojemi 1:8

Nyɔmtsɛ Mawu Ope ɔ, nɔ nɛ ngɛ sa a, nɛ e ngɛ amlɔ nɛ ɔ, nɛ e maa ba a ke, “Imi ji kekleekle no kɛ nyagbe no.”

La 2:12

Nyɛ he nɛ do blibliibli, nɛ nyɛ kpla si ngɛ e hɛ mi. Ke pi jã a, e mi mi ma fu nyɛ si kake too, nɛ nyɛ hɛ mi ma kpata. Nihi tsuo nɛ ba saa we ngɛ Yawɛ ngɔ ɔ ma na bua jɔmi.

Kpojemi 3:7

“Bɔfo ɔ nɛ ngɛ asafo ɔ nya ngɛ Filadelfia a, ngmaa womi nɛ ɔ ya ha lɛ ke, “Sɛ gbi nɛ je nɔ klɔuklɔu nɛ yeɔ anɔkuale ɔ ngɔ ji nɛ ɔ nɛ. Lɛ nɛ e hɛɛ David safe ɔ nɛ. Ke e bli sinya a, nɔ ko nɔ ko be nyɛe ma nga; nɛ ke e nga a, nɔ ko nɔ ko be nyɛe ma bli.

1 Yohane 5:16

Ke o na o nyɛmi nɛ ngɛ yayami pee, nɛ pi yayami nɔ́ nɛ ma ha nɛ e hɛ mi nɛ kpata a, moo fa kue ha Mawu, konɛ e ha lɛ wami. Nihi tsuo nɛ peeɔ yayami nɔ́ nɛ ha we nɛ nɔ hɛ mi kpataa a, enɛ ɔ kɔɔ a he. Se yayami ngɛ nɛ haa nɔ hɛ mi kpataa, nɛ lɔ ɔ lɛɛ i de we ke nyɛɛ fa kue ha Mawu ngɛ he.

Hebribi 3:16

Mɛnɔmɛ lɛ a nu Mawu gbi, nɛ a tsɔ atuã a? Anɛ pi nihi nɛ Mose kɛ mɛ je Egipt ɔ tsuo lo?

Mateo 17:5

Benɛ e ngɛ munyu ɔ tue kɛ mwɔɔ ɔ, bɔku hleii ko ba ha a nɔ, nɛ gbi je bɔku ɔ mi de ke, “Ye Bi nɛ i suɔ lɛ, nɛ i naa e he tsui ji nɛ ɔ nɛ! Nyɛɛ bu lɛ tue.”

Mateo 1:23

“Hyɛ, yiheyo ko ma na muklii, nɛ e ma fɔ binyumu; a ma tsɛ lɛ ke Yimanuel” nɛ sisi ji, “Mawu kɛ wɔ ngɛ.”

Yeremia 23:6

E yi nɔ ɔ, a ma he Yuda yi wami, nɛ tue mi jɔmi maa ba Israel. A ma tsɛ lɛ ke ‘Yawɛ ji wa yi wami hemi.’ ”

Yeremia 5:7

Yawɛ bi ke, “Mɛni he je lɛ ma ngɔ ye ma a he yayami ɔmɛ kɛ pa mɛ ɔ? Ye ma a kua mi nɛ a ya ja yaka mawuhi. I lɛ ye ma a kɛ ya si a tɔ saminya, se ajuama bɔmi mohu ji nɔ́ nɛ a suɔ, nɛ yaholi a wehi a mi a naa mɛ ngɛ.

Yesaya 57:15

“Imi ji Mawu klɔuklɔu nɛ hii hiɔwe kɛ yaa neneene ɔ nɛ. I hii he klɔuklɔu ngɛ hiɔwe lokoo; se nɔ nɛ baa e he si ngɛ e mumi mi, nɛ e tsui mi tsɔ ɔ, i kɛ lɛ hiɔ si; i woɔ e mumi kã, konɛ e ngɔ e hɛ ngɔ fɔ ye nɔ, nɛ e na wami he.

Yesaya 45:6

I ngɛ nɔ́ nɛ ɔ pee, konɛ nihi tsuo ngɛ je ɔ mi, kɛ je beleku je kɛ ya si bonyoku je nɛ a le kaa imi ji Yawɛ, nɛ ye se ɔ, mawu kpa ko be hu.

Yesaya 42:8

“Ye biɛ ji Yawɛ; imi pɛ ji Mawu. I be ye hɛ mi nyami ɔ ngɔe kɛ ha mawu kpahi, nɛ ye yi jemi ɔ hu i be ngɔe kɛ ha amagahi.

Yesaya 9:6

Ejakaa a fɔ bi ha wɔ! A ha wɔ binyumuyo! Lɛ nɛ e ma ba ye wa nɔ. A ma tsɛ lɛ ke, “Nyakpɛ ga wolɔ,” “Mawu he walɔ,” “Tsɛ nɛ ngɛ kɛ yaa neneene,” “Ganɔ nɛ yi nɔ jɔ.”

Yesaya 7:14

Yoo, i nu. Nyɔmtsɛ ɔ nitsɛ ma ha nyɛ okadi ko; yiheyo ko maa ngɔ hɔ, nɛ e ma fɔ binyumu, nɛ e maa wo lɛ biɛ ke, ‘Yimanuel’.

La 83:18

konɛ a le kaa mo Yawɛ, mo nɔ kake too lɛ o ngɛ he wami pe nɔ tsuaa nɔ ngɛ je ɔ mi tsuo.

La 72:19

A je e biɛ klɔuklɔu ɔ yi kɛ ya neneene! A wo e hɛ mi nyami ngɛ je ɔ mi tsuo! Amen! Amen!

Mose V, 9:7

“Nyɛ hɛ ko je nɔ kɔkɔɔkɔ, bɔ nɛ nyɛ wo Yawɛ, nyɛ Mawu ɔ mi mi la ngɛ nga kplanaa a nɔ. Kɛ je ligbi ɔ nɛ nyɛ je Egipt zugba a nɔ kɛ ba si be nɛ nyɛ ba su hiɛmɛ nɛ ɔ, Yawɛ hɛ mi atuã sɔuu nyɛ ngɛ tsɔe.

Manyadali 13:18

Se Yawɛ bɔfo ɔ bi lɛ ke, “Mɛni he je o ngɛ hlae nɛ o le ye biɛ? Ye biɛ ɔ, e ji nyakpɛ biɛ.”

Yesaya 9:5

Ta buli nɛ ma wɔ tuami ɔ, a tokota amɛ, kɛ a tade ɔmɛ nɛ muɔ sɛ mi ɔ, a kɛ la maa sã lɛ tsuo, kaa lɛ́ ngɛ la mi.

Malaki 3:1

Yawɛ Tabohiatsɛ ɔ ke, “Ma tsɔ ye tsɔlɔ ɔ, nɛ e ma ya dla blɔ ngɔ to mi. Lɔ ɔ se ɔ, Nyɔmtsɛ ɔ nɛ nyɛ ngɛ blɔ hyɛe ɔ maa ba e we ɔ tlukaa. Tsɔlɔ ɔ nɛ nyɛ hla kaa nyɛ maa na a maa ba, nɛ e ma ba fiɛ ye somi ɔ.”