Mose II, 23:17 - BAIBLO ALOO NGMAMI KLƆUKLƆU Ɔ

¹⁷ Daa jeha a, o ma a mi nyumu ɔmɛ tsuo nɛ a ba bua si etɛ ngɛ imi Yawɛ, o Mawu ɔ, ye hɛ mi.

Mose II, 23:17 ပူးပေါင်းရင်းမြစ်များ

Mose V, 16:16

“Israel ma a mi nyumu ɔmɛ tsuo kulaa nɛ a bua a he nya si etɛ ngɛ jeha mi ngɛ he kake ɔ nɛ Yawɛ, nyɛ Mawu ɔ to nɛ a ja lɛ ngɛ ɔ. Be ɔmɛ ji Hetsɔmi nyami be, Ngmakpami nyami be, kɛ Gbasisihimi nyami be. Nɔ ko nɔ ko nɛ ko ba nyami nɛ ɔ kɛ e dɛ gu.

Mose II, 34:23

“Daa jeha a, o ma a mi nyumu ɔmɛ tsuo nɛ a ba bua si etɛ ngɛ imi Yawɛ, Israel Mawu ɔ, ye hɛ mi.

Luka 2:42

Benɛ Yesu ye jeha nyɔngma kɛ enyɔ ɔ, a ya Yerusalem kaa bɔ nɛ kusumi ɔ tsɔɔ ɔ.

La 84:7

Pɔ tɔɛ mɛ; mohu ɔ, a naa he wami he, nɛ a nyɛɛɔ kɛ ya suu Mawu hɛ mi tɔɔ ngɛ Zion.

Mose V, 31:11

Ke Israel ma a tsuo ba bua a he nya ngɛ Yawɛ, nyɛ Mawu ɔ hɛ mi ngɛ he nɛ a to nɛ a ja lɛ ngɛ ɔ, nyɛɛ kane mlaa nɛ ɔ nɛ a nu.

Mose V, 12:5

Yawɛ, nyɛ Mawu ɔ maa hla he kake ngɛ nyɛ wɛtso ɔmɛ tsuo a mi, nɛ e maa ngɔ e biɛ kɛ wo lejɛ ɔ kaa e si himi he nɛ a ja lɛ ngɛ.

Mose II, 23:14

“Moo ye nyami be slɔɔto etɛ ha mi ngɛ jeha mi.

La 42:2

Mawu hɛngmengmletsɛ, o he kuma ngɛ mi yee. Mɛni be po ma ba su o ngɔ nɛ ma ja mo?

La 122:4

Lejɛ ɔ nɛ Yawɛ wɛtso ɔmɛ yaa ya naa Yawɛ si kaa bɔ nɛ a fa Israel ma a ke a pee ɔ.

Yesaya 1:12

Mɛnɔ de nyɛ ke ke nyɛ ma mi jami ɔ, nyɛɛ ngɔ ní nɛ ɔmɛ tsuo kɛ ba sã bɔ ha mi? Mɛnɔ de nyɛ ke nyɛ ba nyɛɛ ye sɔlemi we ɔ kpo ɔ nɔ?

La 42:3

Ya sɔuu i ngɛ foe nyɔ kɛ pia. Ye vo nyu ba pee ye niye ní; ejakaa nihi ngɛ mi bie kpamisa ke, “Jije o Mawu ɔ ngɛ?”