Mose II, 23:14 - BAIBLO ALOO NGMAMI KLƆUKLƆU Ɔ

¹⁴ “Moo ye nyami be slɔɔto etɛ ha mi ngɛ jeha mi.

Mose II, 23:14 ပူးပေါင်းရင်းမြစ်များ

Mose V, 16:16

“Israel ma a mi nyumu ɔmɛ tsuo kulaa nɛ a bua a he nya si etɛ ngɛ jeha mi ngɛ he kake ɔ nɛ Yawɛ, nyɛ Mawu ɔ to nɛ a ja lɛ ngɛ ɔ. Be ɔmɛ ji Hetsɔmi nyami be, Ngmakpami nyami be, kɛ Gbasisihimi nyami be. Nɔ ko nɔ ko nɛ ko ba nyami nɛ ɔ kɛ e dɛ gu.

Mose III, 23:16

aloo ligbi nyingmi enuɔne nɛ ji Hejɔɔjmi ligbi kpaagone ɔ we jena a, nyɛɛ ngɔ kpokploku kɛ ba sã niye ní bɔ ha Yawɛ.

Mose III, 23:5

Kekleekle nyɔhiɔ ɔ we ligbi nyɔngma kɛ eywiɛne ɔ gbɔkuɛ ji Hetsɔmi ɔ nɛ a kɛ woɔ Yawɛ hɛ mi nyami ɔ sisije.

Mose II, 23:17

Daa jeha a, o ma a mi nyumu ɔmɛ tsuo nɛ a ba bua si etɛ ngɛ imi Yawɛ, o Mawu ɔ, ye hɛ mi.

Mose III, 23:4

Nyɛɛ fiɛ nyami ligbi nɛ ɔmɛ ngɛ a be ɔmɛ a mi pɛpɛɛpɛ kɛ ha ma a.

Samuel I, 1:3

Daa jeha a, Elkana jeɔ Rama kɛ yaa Shilo ya jaa Yawɛ Tabohiatsɛ ɔ, nɛ e sãã bɔ kɛ haa lɛ. Lejɛ ɔ Hofni kɛ Finehas, Eli binyumu enyɔ ɔmɛ ngɛ osɔfo yee ngɛ.

Matsɛmɛ I, 9:25

Si etɛ ngɛ jeha mi ɔ, Salomo sãã sami bɔ, kɛ tue mi jɔmi bɔ ngɛ bɔ sami la tɛ ɔ nɛ e puɛ kɛ ha Yawɛ ɔ nɔ. E sãã tsopa kɛ e he via hulɔ kɛ haa Yawɛ. Jehanɛ, Salomo gbe Yawɛ we ɔ nya.

Kronika II, 8:13

E sã sami bɔhi, kaa bɔ nɛ Mose mlaa a tsɔɔ kaa a pee nyami be ɔmɛ, Hejɔɔmi ligbihi, Nyɔhiɔhe nyami behi, kɛ nyami be etɛ ɔmɛ nɛ a yeɔ ngɛ jeha mi ɔ. Mɛ ji Abolokplolo nyami be, Ngmakpami nyami be, kɛ Gbasisihimi nyami be.

Mose II, 34:17

“Mo ko ngɔ nɔ́ ko nɛ a sile kɛ pee mawu nɛ o ja.

Mose II, 34:18

“Moo ye Abolokplolo nyami be ɔ. Kaa bɔ nɛ i fa mo ɔ, moo ye abolo kplolo ligbi kpaago ngɛ Abib nyɔhiɔ ɔ mi be nɛ a to ɔ pɛpɛɛpɛ; ejakaa Abib nyɔhiɔ ɔ mi o je Egipt kɛ ba a nɛ.

Mose V, 16:1

“Nyɛɛ ye Hetsɔmi nyami be ɔ ngɛ nyɔhiɔ nɛ a tsɛɛ Abib ɔ mi kɛ wo Yawɛ, nyɛ Mawu ɔ hɛ mi nyami. Nyɔ ko mi ngɛ jamɛ a nyɔhiɔ ɔ mi nɛ e kpɔ̃ nyɛ kɛ je Egipt ɔ nɛ.

Ezekiel 46:9

“Nyami be tsuaa nyami be nɛ ma a tsuo ma Yawɛ jami ɔ, nihi nɛ maa gu omleyi je agbo ɔ mi kɛ sɛ we ɔ mi ɔ, á gu leneyi je agbo ɔ mi kɛ je kpo; nɛ nihi nɛ maa gu leneyi je agbo ɔ mi kɛ sɛ mi ɔ, á gu omleyi je nɔ́ ɔ mi kɛ je kpo. Nɔ ko nɔ ko kó gu blɔ nɛ e kɛ sɛ we ɔ mi ɔ kɛ je kpo; é gu agbo nɛ ngɛ e hɛ mi tɛɛ ɔ mi kɛ je kpo.