Mose II, 23:11 - BAIBLO ALOO NGMAMI KLƆUKLƆU Ɔ

¹¹ Se jeha nɛ ji kpaago ɔ lɛɛ ngmɛɛ ngmɔ ɔ he nɛ e fɔ si gu nɛ e jɔɔ e he, nɛ o ko ya kpa e nɔ ní, bɔ nɛ pee nɛ o ma a mi ohiatsɛmɛ ɔmɛ nɛ a ye e nɔ ní, konɛ nɔ́ nɛ maa piɛ ɔ, pu mi lohwehi hu nɛ a ye. O wai ngmɔ ɔmɛ kɛ oliv abɔɔ ɔmɛ hu, mo tsu a mi ní jã kɛ̃.

Mose II, 23:11 ပူးပေါင်းရင်းမြစ်များ

Mose III, 25:22

Be nɛ nyɛ ngɛ ní due ngɛ jeha kpaanyɔne ɔ mi ɔ, nyɛ maa hi ngmɔ niba ní momo ɔ yee kɛ yaa si nyɛ ma kpa ní nɛ nyɛ du jamɛ a jeha a.

Mose III, 25:20

Nɔ ko ma bi ke, “Jeha kpaagone ɔ nɛ wa du we ní, nɛ wa kpa we ní hulɔ ɔ, mɛni wa maa ye mɔ.”

Mose II, 23:10

“Du ní ngɛ o ngmɔ ɔ mi nɛ o kpa jeha ekpa.

Mose II, 23:12

“Ligbi ekpa o kɛ tsu ní ngɛ otsi mi, se ligbi nɛ ji kpaago ɔ lɛɛ mo ko tsu nɔ́ ko, bɔ nɛ pee nɛ o na amɛ, o teji ɔmɛ, o nyɔguɛ ɔmɛ, kɛ o nibwɔ ɔmɛ nɛ tsuɔ ní ha mo ɔ nɛ a jɔɔ a he.

Mose IV, 16:14

Jehanɛ ɔ hu, o kɛ wɔ yɛ zugba nɛ hi, nɛ baa ní ko nɔ; ngmɔhi, kɛ wai abɔɔhi hu o ha we wɔ. Anɛ e peeɔ mo kaa o ma nyɛ nimli kaa kikɛ nɛ ɔ maa sisi lo? Dɛbi, wa be bae!”

Nehemia 10:31

Ke nibwɔhi ba jua niye ní, loo nɔ́ kpa ko ha wɔ ngɛ Hejɔɔmi ligbi ɔ nɔ, loo nyami be kpa ko mi ɔ, wa be hee. Daa jeha kpaago ɔ, wa be ngmɔ hue. Jehanɛ hu, hiɔhi nɛ nihi hɛɛ wɔ ɔ tsuo wa be jee hu; wa maa ngɔ kɛ ke mɛ.

Mose V, 15:11

Be tsuaa be ɔ, ohiatsɛmɛ komɛ maa hi nyɛ nyɛmimɛ Israel fɔfɔɛ ɔmɛ a kpɛti nɛ e fi mɛ kɛ̃; lɔ ɔ he ɔ, i ngɛ mo fae ke o bli o dɛ mi ha mɛ.

Nehemia 10:32

Wa ngɛ si woe hu ke daa jeha a, wa ti nɔ tsuaa nɔ ma tsu sika hiɔ yi kake mi dlami etɛ mi kake, nɛ a kɛ wo wa Mawu ɔ we ɔ he hiɔ ɔmɛ.