Mose II, 23:1 - BAIBLO ALOO NGMAMI KLƆUKLƆU Ɔ

¹ “Nɔ́ nɛ o nɛ, loo o nui ɔ, ko de. Koo piɛ dikalɔ he kɛ ye lakpa odase.

Mose II, 23:1 ပူးပေါင်းရင်းမြစ်များ

Mose I, 39:17

Kɛkɛ nɛ yo ɔ bɔ lɛ kikɛmɛ a amaniɛ nɛ ɔ nɔuu ke, “Hebri no tsɔlɔ nɛ ɔ nɛ o ngɔ ba futu wɔ ɔ ba ye ngɔ, nɛ e hla kaa e ma tua mi.

Samuel II, 16:3

Matsɛ ɔ bi lɛ ke, “O nyɔmtsɛ ɔ bibi Mefiboshet ɔ, jije e ngɛ?” Ziba he nɔ ke, “E ngɛ Yerusalem, ejakaa e susu kaa be su nɛ Israel ma a maa kpale e nɛ̃ matsɛ yemi ɔ kɛ ha lɛ.”

Samuel II, 19:27

nɛ e ba po ye nya ha mo. Mo nyɔmtsɛ matsɛ ɔ, moo lɛɛ o ngɛ kaa Mawu bɔfo, lɔ ɔ he ɔ, nɔ́ tsuaa nɔ́ nɛ da ha mo ɔ, moo pee.

La 101:5

Nɔ nɛ gbeɔ e nyɛmi he guɛ ngɛ laami mi ɔ, ma kpata e hɛ mi. Nɔ nɛ ngɛ gegeege, nɛ e woɔ e he nɔ ɔ, i kɛ lɛ be bɔe.

La 120:3

Nyɛ lakpatsɛmɛ, mɛni nyɛ ngɛ hlae nɛ a ha nyɛ? Mɛni po nɛ nyɛ pa ngɛ hlae nɛ a pee ha nyɛ?

La 15:3

nɛ e yi nɔ he sieku. Nɔ nɛ tu we nɔ he munyu, nɛ e pee we e nyɛmi yayami.

La 27:12

Koo ngmɛɛ ye he kɛ ha ye he nyɛli, ejakaa lakpa odasehi, kɛ yiwutsotsɛmɛ te si kɛ wo mi.

La 35:11

Lakpa odasehi teɔ si kɛ woɔ mi; a poɔ ye nya, nɛ a deɔ níhi nɛ i li he nɔ́ ko kɛ siɔ mi.

Mose II, 20:16

“Koo ye lakpa odase kɛ si o nyɛmi.

Mose II, 23:7

Koo po sane ngɔ fɔ nɔ nɔ, nɛ nɔ nɛ pee we nɔ́ yaya ko ɔ, koo gbe lɛ; ejakaa nɔ nɛ peeɔ yayami kaa kikɛ nɛ ɔ, i kɛ e he be lɛ kee.

Abɛ Womi 10:18

Nɔ tsuaa nɔ nɛ nyɛɛ nɔ ngɛ laami mi ɔ, lakpatsɛ ji lɛ. Nɔ nɛ tuɔ nihi a he munyu kɛ puɛɔ mɛ ɔ, kuasia ji lɛ.

Abɛ Womi 12:17

Ke anɔkualetsɛ ye odase ɔ, a yeɔ dami sane. Lakpa odase yelɔ lɛɛ nɔ e sisiɔ.

Abɛ Womi 14:5

Anɔkuale odase yelɔ ngɔɛ nya. Lakpa odase yelɔ lɛɛ lakpa pɛ e yeɔ.

Abɛ Womi 17:4

Yayami peelɔ buɔ yi wu tso níhi tue, nɛ lakpatsɛ hu buɔ lakpa munyuhi nɛ puɛɔ nɔ biɛ tue.

Abɛ Womi 19:28

Lakpa odase yelɔ ɔ, dami sane yemi he fɛu e ngɛ yeɔ nɛ. Yiwutsotsɛ lɛɛ munyu yaya sɔuu lɛ jeɔ e nya mi.

Abɛ Womi 19:5

Lakpa odase yelɔ be e he yee kɔkɔɔkɔ; nɔ nɛ yeɔ lakpa a, e he be sane mi jee.

Abɛ Womi 19:9

Lakpa odase yelɔ be e he yee kɔkɔɔkɔ; nɔ nɛ yeɔ lakpa a, e hɛ mi ma kpata.

Abɛ Womi 21:28

Lakpa odase yelɔ hɛ mi ma kpata. Nɔ nɛ susuɔ munyu he loko e tuɔ ɔ, lɛɛ e munyu ɔ, a ngɔɔ.

Abɛ Womi 24:28

Koo ye odase kɛ si o nyɛmi yaka gu, nɛ koo ngɔ o nya mi munyu hu kɛ sisi nɔ.

Abɛ Womi 25:18

Nɔ nɛ yeɔ lakpa odase ngɛ e nyɛmi he ɔ, e ngɛ kaa tsokpoti, loo klaate, loo kɛ̃ɛ̃ mi bi nɛ nya ba.

Abɛ Womi 25:23

Kɔɔhiɔ nɛ jeɔ omleyi ɔ, hiɔmi e kɛ baa kaa bɔ nɛ sieku yemi kɛ hɛ mi tumi baa a.

Yeremia 20:10

I nuɔ nɛ nihi babauu tuɔ munyu ngɛ a kuɔ si, nɛ a kɛ woɔ ye he gbeye. A deɔ ke, “Nyɛ ha nɛ wa ya po e nya ha nɔ yeli ɔmɛ!” Ye huɛmɛ kpakpahi tete po hii blɔ hyɛe kaa ye nane ma kpata lo. A deɔ ke, “Alini e maa du klama, kɛkɛ ɔ, wa nine maa su e nɔ nɛ wa maa ye wa he lue.”

Mose III, 19:11

“Nyɛ ko ju; nyɛ ko sisi nɔ, nɛ nyɛ ko ye nyɛ sibi lakpa.

Mose III, 19:16

Koo pee o he sieku yelɔ kɛ hi yae kɛ hi bae ngɛ o ma mi bi ɔmɛ a kpɛti. Koo ye lakpa odase kɛ si o nyɛmi, nɛ́ a pue e muɔ si yaka gu. Imi ji Yawɛ.

Mateo 19:18

Niheyo ɔ bi ke, “Mɛni mlaahi?” Yesu he nɔ ke, “Koo gbe nɔmlɔ; ko puɛ gba; koo ju; koo ye lakpa odase;

Luka 19:8

Zakeo te da si nɛ e de Nyɔmtsɛ ɔ ke, “Nyɔmtsɛ, bu tue! Ma ngɔ ye níhi fa kɛ ha ohiatsɛmɛ. Ke i sisi nɔ ko ɔ, nɔ́ nɛ i kpɔ ngɛ e dɛ yaka a, ma ku ngɔ bɔ he si eywiɛ ha lɛ.”

Luka 3:14

Ta buli komɛ hu ba bi lɛ ke, “Wɔ hu mɛni sa wɔ peemi?” E de mɛ ke, “Nyɛ ko fia ojo! Nyɛ ko po sane ngɔ fɔ nɔ ko nɔ yaka gu nɛ nyɛ kpɔ sika ngɛ e dɛ! Nyɛ hiɔwo nɛ sa nyɛ hɛ mi!”

Yohane 7:51

“Wa mlaa a nya a, e sɛ kaa wa buɔ nɔ ko fɔ be mi nɛ wa bi we e nya mi kaa mɛni e pee lo.”

Romabi 3:8

Mɛni he je nɛ e sɛ́ kaa wa deɔ ke, “Wa maa pee yayami konɛ kpakpa nɛ je mi kɛ ba,” kaa bɔ nɛ ni komɛ poo ngɔ fɔɔ wa nɔ ke wa deɔ ɔ? Jamɛtsɛmɛ ɔmɛ ɔ, fɔ nɛ a bu mɛ ɔ sa mɛ.

Efesobi 4:25

Lɔ ɔ he ɔ, nyɛ kpa lakpa yemi, nɛ nɔ tsuaa nɔ nɛ tu e nyɛmi anɔkuale sisiisi. Ejakaa wɔ tsuo pɛpɛɛpɛ wa ngɛ kaa Kristo nɔmlɔ tso ɔ he ní munomunohi.

Mose V, 5:20

“ ‘Koo ye lakpa odase kɛ si o nyɛmi.

2 Timoteo 3:3

Nihi maa pee a ní kaa nɔ́ nɛ pi adesahi kulaa ji mɛ, nihi nɛ mɔbɔ nami ko be a mi, nihi a biɛ puɛli, nihi nɛ peeɔ basabasa nɛ a li zo, awi yeli, kɛ nihi nɛ sume nɔ́ kpakpa.

1 Petro 3:16

Se nyɛɛ pee enɛ ɔ kɛ bu, nɛ nyɛ ko nyɛ a nɔ. Nyɛɛ hi si saminya, nɛ nyɛ he nile ko bu nyɛ fɔ. Ke nyɛ pee jã a, nyɛ je mi bami kpakpa kaa Kristo se nyɛɛli ɔ ma ha zo maa gbe nihi nɛ tuɔ munyu yaya kɛ siɔ nyɛ ɔ.

Kpojemi 12:10

Kɛkɛ nɛ i nu gbi ko nɛ ngɛ pɛe kɛ ngmlaa ngɛ hiɔwe ke, “Jehanɛ ɔ lɛɛ yi wami hemi ba! Jehanɛ ɔ lɛɛ Mawu maa ngɔ e he wami kpetekpleenyɛ ɔ kɛ ye matsɛ! Jehanɛ ɔ lɛɛ e Kristo he wami ɔ je kpo. Ejakaa Abosiami nɛ daa si ngɛ wa Mawu ɔ hɛ mi nyɔ kɛ pia, nɛ e poɔ wa nyɛmimɛ ɔmɛ a nya haa lɛ ɔ be lejɛ ɔ hu. A sake Abosiami kɛ je hiɔwe ngɔ fɔ si.