Mose II, 22:30 - BAIBLO ALOO NGMAMI KLƆUKLƆU Ɔ

³⁰ Ngɔɔ o na amɛ, kɛ o to ɔmɛ a kekleekle bi ku ɔmɛ hu ba ha mi. Ke a fɔ mɛ se ɔ, ha nɛ a hi a nyɛmɛ a kasa nya ligbi kpaago; ligbi nɛ ji kpaanyɔ ɔ, ngɔɔ mɛ kɛ ba sã bɔ ha mi.

Mose II, 22:30 ပူးပေါင်းရင်းမြစ်များ

Mose V, 15:19

“Moo hla o na amɛ, kɛ o to ɔmɛ a kekleekle bi ku ɔmɛ nɛ a ma fɔ ɔ ngɔ to ha Yawɛ, o Mawu ɔ; koo ngɔ na nɛ ɔmɛ kɛ tsu nɔ́ ko, nɛ jijɔ bi ɔmɛ hu ko sã a he bwɔmi.

Mose III, 12:3

Ke binyumu ɔ ye ligbi kpaanyɔ ɔ, á po lɛ.

Mose II, 13:12

nyɛɛ gbaa bitɛte tsuaa bitɛte nɛ bliɔ fɔmi nya a nɔ kɛ ha Yawɛ.

Mose III, 7:23

e de Israel bi ɔmɛ ke, á ko ye zɔ, na zɔ jio, jijɔ zɔ jio, apletsi zɔ jio.

Mose III, 7:24

Ke lohwe ko gbo lɛ nitsɛ e gbenɔ, aloo lohwe awi yelɔ ko tsɔtslɔɔ e mi ɔ, a ko ye e zɔ ɔ; a ma nyɛ kɛ tsu nɔ́ kpa ko.

Mose III, 7:26

Jehanɛ hu, nɔ ko nɔ ko kó ye lohwe pɛlitsɛ, loo nane eywiɛtsɛ ko muɔ ngɛ nyɛ hi he ɔmɛ.

Mose III, 11:44

Imi ji Yawɛ, nyɛ Mawu ɔ nɛ. Nyɛɛ pee nyɛ he klɔuklɔu; ejakaa Nɔ Klɔuklɔu ji mi. Lɔ ɔ he ɔ, lohwehi nɛ sãã si ɔ, nyɛ ko ngɔ ekoeko kɛ ble nyɛ he.

Mose III, 11:45

Imi ji Yawɛ. Imi nɛ I je nyɛ kɛ je Egipt zugba a nɔ, konɛ ma ba pee nyɛ Mawu. Lɔ ɔ he ɔ, nyɛɛ pee nyɛ he klɔuklɔu; ejakaa Nɔ Klɔuklɔu ji mi.

Mose III, 17:15

Israel no tsuaa Israel no, loo nubwɔ kó ye lohwe ko nɛ lɛ nitsɛ e gbo, aloo nɔ́ nɛ nga mi lohwe tsɔtslɔɔ e mi. Ke e ba mi kaa nɔ ko tɔ mlaa nɛ ɔ nɔ ɔ, é fɔ e tade ɔmɛ a he, nɛ é du e he. E he be tsɔe kɛ yaa si du ma bu; lɔ ɔ se loko e he ma tsɔ.

Mose III, 22:8

E ko ye lohwe ko nɛ lɛ nitsɛ e gbo, loo lohwe ko nɛ lohwe kpa ko tsɔtslɔɔ e mi; ke e ye ɔ, e ble e he. Imi ji Yawɛ.

Mose V, 14:21

“Nyɛ ko ye lohwe ko nɛ lɛ nitsɛ e gbo. Nyɛ kɛ ha nibwɔhi nɛ ba to nyɛ ɔ nɛ a ye, loo nyɛɛ jua ha ni kpahi. Nyɛɛ lɛɛ Yawɛ, nyɛ Mawu ɔ nihi ji nyɛ; nyɛ ji e ma. Nyɛ ko hoo jijɔ bi, loo apletsi bi ngɛ e nyɛ nyɔ nyu mi.

Ezekiel 4:14

Kɛkɛ nɛ i de ke, “Kpaoo, Nyɔmtsɛ Yawɛ, i ble we ye he; kɛ je ye jokuɛwi a si hluu kɛ ba su be nɛ ɔ mi tsuo ɔ, nɔ́ ko nɛ lɛ nitsɛ e gbo, loo lohwe ko tsɔtslɔɔ mi ɔ, i yi hyɛ; jehanɛ hu, lo nɛ a hiɔ yɛ ye nya mi hyɛ.”