Mose II, 22:29 - BAIBLO ALOO NGMAMI KLƆUKLƆU Ɔ

²⁹ “Ngɔɔ ngma, wai, kɛ oliv nu nɛ je o ngmɔ ɔmɛ a mi ɔ kɛ ba sã bɔ ha mi ngɛ be nɛ sa mi. “Ngɔɔ o bitɛte ɔmɛ kɛ ba ha mi.

Mose II, 22:29 ပူးပေါင်းရင်းမြစ်များ

Mose II, 23:16

“Nyami be enyɔne ɔ ji Ngmakpami nyami be. Ngɔɔ níhi nɛ o du ngɛ o ngmɔ mi ɔ kekleekle yiblii kɛ ba sã bɔ kɛ ye Ngmakpami nyami be. “Nyami be etɛne nɛ ɔ ji Gbasisihimi nyami be. O maa ye nyami be nɛ ɔ jeha a nyagbe, benɛ o ngɛ o ngmɔ nɔ ní ɔmɛ a nya buae.

Mose II, 13:2

“Moo ngɔ kekleekle binyumu ɔmɛ tsuo ngɔ to ha mi. Binyumu tsuaa binyumu nɛ bliɔ fɔmi nya ngɛ Israel bi ɔmɛ a kpɛti ɔ, nɔmlɔ bi jio, lohwe bi jio, ye nɔ ji lɛ.”

Yakobo 1:18

Mawu gu sane kpakpa a nɔ kɛ ha wɔ mumi mi wami. Lɛ nitsɛ e suɔmi nya nɛ e pee enɛ ɔ. Ejakaa e suɔ kaa e pee wɔ nihi nɛ a he hia pe nibɔ ní ɔmɛ tsuo.

Mose II, 23:19

“Daa jeha a, ngɔɔ o zugba a nɔ kekleekle yiblii kɛ ba imi Yawɛ, o Mawu ɔ, ye we ɔ. “Koo hoo apletsi bi ngɛ e nyɛ nyɔ nyu mi.

Romabi 8:23

Se pi mɛ kɛkɛ, mohu wɔ nitsɛmɛ tete nɛ wa ná mumi ɔ yiblii ɔ, wɔ hu ja nɔuu wa hii kɛmɛmi nɔ wawɛɛ ngɛ wa mi, be mi nɛ wa ngɛ Mawu blɔ hyɛe kaa e pee wɔ e bimɛ kɛ pi si, konɛ wa nɔmlɔ tso ɔ nɛ ye e he kulaa.

Mateo 6:33

Se nyɛ hla Mawu matsɛ yemi ɔ, kɛ níhi nɛ da ngɛ e hɛ mi ɔ kekle, nɛ a kɛ ní nɛ ɔmɛ tsuo maa piɛ he ngɔ ha nyɛ.

Mika 7:1

Akuanyɛ! I pee kaa nɔ ko nɛ hwɔ gbe lɛ, nɛ e nɛ tso yiblii ko ngɛ tso ɔmɛ a nɔ, aloo wai yiblii ko ngɛ wai tso ɔmɛ a nɔ nɛ e ye. A kplɔ wai yiblii ɔmɛ, kɛ ngmɔkɔ nganangana amɛ tsuo ta.

Mose II, 34:19

“Bitɛte tsuaa bitɛte, kɛ o we mi lohwehi a kpɛti kekleekle eku tsuaa eku ɔ, ye nɔ ji lɛ; na jio, to jio.

Mose II, 13:12

nyɛɛ gbaa bitɛte tsuaa bitɛte nɛ bliɔ fɔmi nya a nɔ kɛ ha Yawɛ.

Ezekiel 20:40

Ye yo klɔuklɔu nɛ ji Israel yo gagaa a nɔ nyɛ Israel bi tsuo pɛpɛɛpɛ nɛ ngɛ zugba a nɔ ma ba ja mi ngɛ. Lejɛ ɔ nɛ ma ná nyɛ he tsui ngɛ, nɛ lejɛ ɔ nyɛ maa ngɔ nike ní slɔɔtoslɔɔto ɔmɛ tsuo kɛ ba, sami bɔ ɔmɛ, nike ní kpakpa pe kulaa amɛ, kɛ bɔ klɔuklɔu ɔmɛ.

Kronika II, 31:5

Benɛ a fa kikɛ nɛ ɔ pɛ kɛkɛ nɛ Israel bi ɔmɛ kɛ nike ní nɛ ɔmɛ ba babauu nitsɛ: blɛfo kpokploku, wai, oliv nu, hwo, kɛ ngmɔ niba ní kpahi. Jehanɛ, níhi tsuo nɛ ngɛ a dɛ ɔ, a ngɔ a mi dlami nyɔngmanyɔngma mi kakaaka hu kɛ ba.

Matsɛmɛ II, 4:42

Be kpa mi ɔ, nyumu ko je Baal Shalisha kɛ ba, nɛ e ba ke Mawu nɔmlɔ ɔ abolo bɔbɔɛ nyingmi enyɔ nɛ a kɛ akoko kpokploku pee, kɛ blɛfo tso mumu ngɛ kotoku mi. Elisha de e tsɔlɔ ɔ ke, “Ngɔɔ ya ha ni ɔmɛ nɛ a ye.”

Mose II, 23:15

Kekleekle nɔ́ ji Abolokplolo nyami be. Kaa bɔ nɛ i fa mo ɔ, o maa ye nyami be nɛ ɔ daa jeha ngɛ kekleekle nyɔhiɔ nɛ a tsɛɛ Abib ɔ mi; ejakaa jamɛ a be ɔ mi nɛ o je Egipt ɔ nɛ. O maa ye abolo kplolo ligbi kpaago, nɛ nɔ ko kó ba ye hɛ mi kɛ e dɛ gu.

Mose II, 34:20

O teji kekleekle bi ɔ, o maa ngɔ jijɔ kɛ dani lɛ. Ke o be suɔe nɛ o dani lɛ ɔ, lɛɛ o maa ku e kuɛ. O ma dani o bitɛte tsuaa bitɛte. Nɔ ko nɔ ko nɛ ko ba ye hɛ mi kɛ e dɛ gu.

Mose IV, 18:13

Jã kɛ̃, nɔ́ tsuaa nɔ́ nɛ puɛɔ ngɛ a zugba a nɔ ɔ, a kekleekle yiblii nɛ a kɛ ba haa mi ɔ maa pee o nɔ. O we mi bimɛ tsuo nɛ a he tsɔ ɔ, a ye eko.

Mose V, 15:19

“Moo hla o na amɛ, kɛ o to ɔmɛ a kekleekle bi ku ɔmɛ nɛ a ma fɔ ɔ ngɔ to ha Yawɛ, o Mawu ɔ; koo ngɔ na nɛ ɔmɛ kɛ tsu nɔ́ ko, nɛ jijɔ bi ɔmɛ hu ko sã a he bwɔmi.