Mose II, 22:28 - BAIBLO ALOO NGMAMI KLƆUKLƆU Ɔ

²⁸ “Ko jɛ Mawu; nɛ koo gbiɛ o matsɛ.

Mose II, 22:28 ပူးပေါင်းရင်းမြစ်များ

Ni Tsumi 23:5

Paulo he nɔ ke, “Ye nyɛmimɛ Israel bi, i li kaa lɛ ji osɔfo nɔkɔtɔma pe kulaa a. Ngmami ɔ deɔ ke, ‘O ma mi nɔkɔtɔma a, koo tu e he munyu yaya!’ ”

Fiɛlɔ 10:20

Koo gbiɛ matsɛ ngɛ o yi mi po; niatsɛ hu koo gbiɛ lɛ ngɛ o se tsu mi. Lohwe pɛlitsɛ ko maa ngɔ o munyu ɔ kɛ ho nɛ e ya de.

Yuda 1:8

Jã nɔuu lakpa tsɔɔli nɛ ɔmɛ hu bleɔ he lo ɔ; a teɔ si kɛ siɔ Mawu nɔ yemi ɔ, nɛ a jɛɔ ni klɔuklɔuhi nɛ ngɛ hiɔwe ɔ po.

2 Petro 2:10

Nimli nɛ ɔmɛ a ti nihi pɔtɛɛ ji ni nɛmɛ nɛ ya nyɛɛɔ he lo mi akɔnɔ yaya se, se Mawu mlaa a lɛɛ a bui. Kikɛmɛ a lakpa tsɔɔli nɛ ɔmɛ a tsui wa; a woɔ a he nɔ, nɛ nibɔ ní kpakpahi nɛ ngɛ hiɔwe po a bui; se mohu a jɛɔ mɛ.

Mose II, 21:17

“Nɔ tsuaa nɔ nɛ maa gbiɛ e tsɛ, loo e nyɛ ɔ, a gbe lɛ.

1 Petro 2:17

Nyɛɛ bu nɔ tsuaa nɔ; nyɛɛ suɔ nyɛmimɛ ɔmɛ nɛ ngɔ a he ngɔ ha Kristo ɔ; nyɛɛ ye Mawu gbeye, nɛ nyɛɛ bu matsɛ ɔ.

Ni Tsumi 23:3

Paulo de lɛ ke, “Mo hu Mawu ma gba mo ma kokooko; mo nɛ o ngɛ kaa gli nɛ a sa he kalo! Mo nɛ o blɔ nya ji kaa o hyɛ nɛ a kojo mi ngɛ mlaa a nya a, hyɛ kaa mo mohu o je mlaa a se fa ke a gba mi ma!”

La 138:1

Yawɛ, i ngɛ mo si nae kɛ ye tsui tsuo. I ngɛ lae kɛ ngɛ o yi jee ngɛ Mawu kpa amɛ a hɛ mi po.

La 32:6

Lɔ ɔ he ɔ, e sa kaa o ni klɔuklɔu ɔmɛ tsuo nɛ a fa kue ha mo ngɛ a fimi behi a mi. Ke haomi ba babauu kaa nyu nɛ ywia nga po, e be a he sae.

Samuel I, 26:9

Se David de Abishai ke, “Mo ko kpata e hɛ mi; ejakaa tue gblami fɔɔ si ha nɔ tsuaa nɔ nɛ pueɔ nɔ nɛ Yawɛ pɔ lɛ nu ke e ye matsɛ ɔ e muɔ si.”

Samuel I, 24:10

Mwɔnɛ ligbi nɛ ɔ, mo nitsɛ o na kɛ o hɛngmɛ bɔ nɛ Yawɛ je mo kɛ wo ye dɛ mi ngɛ tɛ puɔ ɔ mi, bɔ nɛ ni komɛ de mi ke ma gbe mo, se i kɛ o wami ke mo, nɛ i de ke, ‘I be ye nyɔmtsɛ ɔ awi yee, ejakaa Yawɛ nɛ hla lɛ kaa e ba ye matsɛ!’

Samuel I, 24:6

nɛ e de e we bi ɔmɛ ke, “Yawɛ kó ha ma pee ye nyɔmtsɛ ɔ nɛ lɛ, Yawɛ ɔ hla, nɛ e wo lɛ matsɛ ɔ nɔ́ ko kaa kikɛ nɛ ɔ. I be lɛ awi yee; ejakaa nɔmlɔ nɛ Yawɛ hla, nɛ e wo matsɛ ji lɛ.”

Mose III, 24:16

e sa nɛ a gbe lɛ. Israel fɔfɔɛ, loo nubwɔ nɛ maa bɔ musu kaa kikɛ nɛ ɔ, ma a tsuo nɛ fia lɛ tɛ nɛ e gbo.

Mose III, 24:15

Jehanɛ, de Israel ma a tsuo ke, nɔ tsuaa nɔ nɛ maa gbiɛ Mawu ɔ, e musu tloo lɛ;

Samuel II, 16:5

Benɛ David ba su Bahurim ɔ, Gara binyumu Shimei, Saul weku no ɔ kɛ lɛ ba kpe; benɛ e ma a tsuo, e ngɛ David gbiɛe.

Samuel II, 16:9

Kɛkɛ nɛ Abishai nɛ e nyɛ biɛ ji Zeruya a, bi matsɛ ɔ ke, “Ye nyɔmtsɛ matsɛ, mɛni he je nɛ o ngmɛ blɔ nɛ gbe gbogboe nɛ ɔ ngɛ mo gbiɛe kikɛ nɛ ɔ? Ha nɛ ma ya nɛ ma ya po e yi.”

Samuel II, 19:21

Kɛkɛ nɛ Zeruya bi Abishai de ke, “E sa kaa a gbe Shimei, ejakaa e gbiɛ nɔmlɔ nɛ Mawu pɔ lɛ nu ɔ.”

Matsɛmɛ I, 21:10

Nyɛ ha yaka nimli enyɔ nɛ a da e hɛ mi paa nɛ a ye odase ngɔ si lɛ ke e jɛ Mawu, kɛ matsɛ ɔ. Lɔ ɔ se ɔ, nyɛɛ ngɔ lɛ kɛ je ma a mi, nɛ nyɛ ya fia lɛ tɛ nɛ nyɛɛ gbe.”

Mose II, 13:2

“Moo ngɔ kekleekle binyumu ɔmɛ tsuo ngɔ to ha mi. Binyumu tsuaa binyumu nɛ bliɔ fɔmi nya ngɛ Israel bi ɔmɛ a kpɛti ɔ, nɔmlɔ bi jio, lohwe bi jio, ye nɔ ji lɛ.”

Mose II, 13:12

nyɛɛ gbaa bitɛte tsuaa bitɛte nɛ bliɔ fɔmi nya a nɔ kɛ ha Yawɛ.

Mose II, 23:16

“Nyami be enyɔne ɔ ji Ngmakpami nyami be. Ngɔɔ níhi nɛ o du ngɛ o ngmɔ mi ɔ kekleekle yiblii kɛ ba sã bɔ kɛ ye Ngmakpami nyami be. “Nyami be etɛne nɛ ɔ ji Gbasisihimi nyami be. O maa ye nyami be nɛ ɔ jeha a nyagbe, benɛ o ngɛ o ngmɔ nɔ ní ɔmɛ a nya buae.

Mose II, 23:19

“Daa jeha a, ngɔɔ o zugba a nɔ kekleekle yiblii kɛ ba imi Yawɛ, o Mawu ɔ, ye we ɔ. “Koo hoo apletsi bi ngɛ e nyɛ nyɔ nyu mi.